فوق حجمك عطيتك

راسك علامك رافعه يوم احاكيك
الظاهر أني فوق حجمك عطيتك
لحظه نبي نرجع دقيقه لماضيك
بذكرك في أي حاله لقيتك
كان الضياع ودمعتينك تخاويك
منهار وفي عز انهيارك خذيتك
وارخصت عمري لاجل احبك واداريك
هدمت قصر الذل فيك وبنيتك
كان الغلا شمعه تنور لياليك
لو اظلمت دنياك جيت وضويتك
ياللاسف كنت امدحك وافتخر فيك
رفعت من شانك وعليت صيتك
كنت انت عندي غير وماقدر اخليك
واموت واحيا ان قلت سم وفديتك
واليوم اشوفك خنت حتى مباديك
صغرت في عيني وانا اللي هويتك
الضيف لو انه عدو معاديك
غصب عليك تقدره وسط بيتك
ياصاحبي بتموت ماني براجيك
واشره علي ان كان حتى طريتك
لاصار ذل النفس في قلب يغليك
يلعنك ياقلب عشقك وشريتك
اضحك حبيبي دام وقتك مسليك
باكر تموت من القهر لانسيتك


منقول