مغامرات سلطان (1) مع الغنم بالددسن

[align=center]كيفكم حبايب البي الويلان

لاتلوموني يوم اتكلم لبناني والله من اللي شفته

ياربي دخلك انا من كثر خرعتي انخرعت هع هع هع

المهم

ابقولكم سالفتي من طقطق الين الحين

انا مره قطعت الاشاره مادريت عنها ياناس شمس الرياض تعمي

المهم الوقت هذا الظهر قطعت الاشاره احسبها خضرا هي مو واضحه من الشمس

وانا اشوف الشرطه وراي اصفط ياراعي البانوراما (هذي سياره من انواع المرسيدس طبعا نبطي مانشوفها على الطبيعه )

اصفط ياراعي الغنم بالعربي هذا اللي قالوه لي كنت اسوق الددسن وبها غنم

بغيت اوقف بس تذكرت حجز الناصريه وقلت والله القبر ارحم

خلوني اهرب لين اصدم واموت وارتاح من هالدنيا يعني وش بها

وبعدين انا وش ابنفع المجتمع به ؟؟؟؟؟

الحمدلله امي وابوي لهم عيال غيري يعني بالعربي وجودي مثل عدمي

وبعدين كل الدنيا حروب والله طفشنا من هالدنيا

والمشكله ماجد عبدالله اعتزل والنصر استناه ياخذ بطوله بس الظاهر

ينتظروني اموت علشان ياخذون خلني اموت ويفرحون النصراويين ببطوله

يابعد عمري ياالنصر عادي اموت بس نبي بطوله

المهم وانا تصيبني الشجاااعه واطلع راسي مع الدريشه

واناظر للغنم واقول تمسكوا والله ماني موقف اليوم لو يموت هالعسكري

اذا تبون الناصريه تراني بوقف نط الخروف النجدي وقال اسمع سلطان

الناصريه حالف ماأخشها لو يصير اللي يصير صدقني يطبخوني بالقدر ويقلطوني

لسبع طعش دب ارحم من الناصريه

اسمعني حبيبي ازززززززززبن بس وكلنا معاك على الخير والشر واذا تعبت من السواقه

خلني اسوق عنك كلنا فداء للوطن

قلت ياويلهم بس

وانا اناظر للدوريه واقول الله اكبر اما النصر واما الشهاده

لو مسكتوني ادعسوني ياحماة الوطن من المواطنين اللي يقطعون الاشاره بس

هذي وظيفتكم لو اني امير كان تسوون حالكم ماشفتوني والله لو اموت ماأنمسك

وانا ادعس والغنم يقولون حيوا سلطان حيوه وانا اتشجع ومن كثر الحماس

شغلت الراديو الا يقول اذاعة المملكة العربية السعوديه البرنامج الثاني

قلت اقول انكتم انت وانا اخمش حدا الشرطان واشغله

الا اسمع اغنية عبدالله السالم يوم يقول منتا بقد الغلا يازين واغليتك

واناظر للشرطه واقول تراكم منتم غالين واضحك ضحكة الخايف

وانا افكر قلت ياولد ابو سامي صار مطوع مالها داعي تسمعه طش الشريط

واحذفه على الشرطه يعني علشان يخافون والعسكري يحسبه قنبله

البلشه انهم بلغوا عني يقولون اني ارهابي واحذف عليهم قنابل

وهم يعممون عني انعن ابليسهم وربي تقل فلم امريكي بسرعه اشوف السفاتي وراي

مدري كم دوريه تصدقون حسبته موكب الملك وراي وانا ادز من الخرعه

قلت ياولد فشيله ابو متعب لايشوف ددسني والغنم فيها تذبحه الريحه

المهم اشوفهم يحدوني ويقولون اصفط ياولد علامك ماتصفط

وانا اسمع واحد قال اصفط يانعجه وانا اطلع راسي مع الدريشه واقول

انا نعجه اذا مسكتوني انتم النعجه (من الخوف قمت اخربط )

المهم الدوله كلها وراي ياناس انفضخ قلبي تخيلوا الحين خربت السالفه صرت مطلوب امنيا

والدوله كلها تلحقني وهم وراي وانا داعس

ومن القهر وانا اخمش حدا الشرطان وانا اقول ياربي تبنشر سياراتهم ويتركوني

ويتصادمون وافتك منهم ياربي

المهم وانا اشغل الشريط الا يطلع ابو بكر سالم يوم يقول

يابلادي واصلي والله معاكي وانا تطلع فوق راسي علامة تعجب

قلت لا تكفين لاتواصلين اتركيني خلاص لاتلحقيني

وهو ينط خروفي ويقول سلطان انا عندي خطه علشان تفتك منهم

قلت وش الخطه ؟؟؟؟؟؟؟؟؟؟؟؟

قال ماني قايل لك بس انت ياسلطان ماقصرت معنا دايم تجيب لنا شعير

وحنا بالاخير ميتين ميتين خلونا نموت موته شريفه

قلت له يابعد عمري ليت كل الناس زيك يبقون وفيين قال اسمعني سلطان

حنا نبي نفتح الشبك من ورا وانت ادعس نبيك تخش حواري اوكي؟؟؟؟

قلت طيب وش بتسوون قالوا سلطان لازم نفكك منهم واذا مافكيناك ماحنا غنم

قلت ونعم والله ياليتكم اوادم كان تصيرون اخوياي

قالوا ادعس وماعليك قلت ابشروا

وانا ادززززززززززززززز واخذ اللفه على سرعه وهو يطب واحد من الخرفان

على الارض وهو يلف عنه راعي الدوريه بسرعه وهو يقلب على قلبته

وهم يتصادمون معه اربع دوريات وانا بغيت اوقف علشان اسكر الشبك

وهو ينط علي خروفي ويقول يادبشه هذي عمليه انتحاريه من خوينا

فداك بروحه قلت لاحرام لاتنتحرون قالوا ياحبيبي حنا غنم ماراح نتحاسب يوم القيامه

قلت ايه صح المهم لاتطبون ويقول لي الخروف كلنا نبي نطب علشانك

وانا ادززززز عننننننننننننننننننننننننننننننننننننننننننن وانا اشوف دوريه قلبت

واشوف الغنم يصفقون اثاري واحد ثاني طب عليهم

وعلى هالحاله كلهم طبوا وفكوني من الدوريات كلها ومابقى غير خروفي

وانا اقوله انت ليه ماطبيت قال صدق ماتنعطى وجه خلاص خلصت الدوريات ماحد يلحقنا

قلت يابعد كل الناس ياغنمي وربي انكم رجال الله يرحم اخوياك قال يارجال هذي الدنيا

كلنا فداءا لك صدقني وانا اصفط واركبه بجنبي قلت انعن ابو واحد يبي ياكلك

وربي ماتنوكل وانا حي قال عادي اذا جعت تاكلني تعلمني بكم انتم ياالبشر

انتم تاكلون بعض منتم عاجزين عن الغنم اللي مستلمينها كل يوم

كل ماجاكم ضيف تذبحون واحد مننا ياخي تراكم خلصتونا وربي

قلت ياخي وش نسوي كل مخلوق خلقه ربي له وظيفه بالحياه

يعني الانس والجن يعبدون الله وانتم ياالغنم نطبخكم وناكلكم بعدين اكلكم حلال

مو حرام ولاتنسى انكم بعيد الضحيه لازم نذبحكم

قال على عيني وراسي بس ياخي عاملونا معامله زينه قبل تذبحوننا

واذا ذبحتونا ريحونا مو يجينا شايب جايبن سكين لاشطيره ولا شي

وجايين عياله يتفرجون ويصورون كيف ننذبح ياخي ارحمونا عاملونا زين

واذبحونا زين قلت ياخروفي كلامك عين الصواب والرسول صلى الله عليه وسلم

أمر اننا نريحكم وقت الذبح ونسن السكين ولاتنسى

المرأه اللي دخلت النار بسبب انها حبست قطه وماخلتها تاكل الين ماتت القطه

(اخبره الحديث اخذناه يومني بخامس ابتدائي هع هع هع )

قال اسمعني ياسلطان انتم لو تطبقون الشرع بحذافيره كان مابكم بلى

كيف تبون تنتصرون على الكفار وانتم ثلاث ارباعكم مايصلي

يعني هي واقفه على ذبح الغنم ياحبيبي تدري ان اكثر المسلمين للحين ماحجوا؟؟؟؟

تدري ان فيه ناس مايصومون وياكثر اللي يصومون ولايصلون

والزكاه حدث ولاحرج الواحد مايزكي واذا تكرم وزكّى

يوديها للجمعيه الخيريه والله لايبلانا تلقى حقين الجمعيه

ياكلونها ويوم تقول حرام عليكم يقولون حنا العاملين عليها

ياحبيبي عاملين عليها على عيني وراسي بس لاتاكلون من احسن مطاعم

بالعربي ياسلطان انا وش ارجي من وراكم وانتم كل شي تسوونه غلط

الحين بدال ماتحاربون الكفار انتم تحاربون شف فلسطين بدال مايحاربون اليهود

تشوف فتح وحماس يتحاربون ليش؟؟؟؟ قلت ياخي مدري بس هم مايفهمون

يحرشونهم اليهود على بعض قال والله انكم نصابين

كل واحد يدور السلطه والمال ولا فكر بدينه

ياحبيبي ماعليكم لوم انتم الحين طبقوا الدين بحذافيره واضمن لكم

ان الله غير ينصركم المهم سلطان ودني للشبك تراني دايخ وربي ومانمت

كله بسببك قلت ابشر وانا اوديه للشبك وارجع والقى ناس من اخوياي

واركبهم معي بالحوض

الا يلحقوني الدوريات يبون يمسكوني واقول لاخوياي اللي بالحوض

عندي خطه قالوا وش خطتك؟؟؟؟؟؟؟؟؟

قلت انتحروا مثل غنمي قالوا صدق انك ماتستحي

قلت هذا وانتم اخوياي قالوا اقول الخلا بس وهم يفتحون الباب ويحذفوني من السياره

وعلى طيحتي بالارض وانا اصحي من النوم

واقول اشوا اثاريه حلم واجي للمقهى واكتب لكم قصة حلمي وش رايكم فيها ؟؟؟



اتمنى انها تكون عجبتكم


احتراماتي لكم ياالويلان[/align]

ههههههههههههههههههههه الحمدلله خلص الحلم ليش الاخ نايم اسبوع ههههههههه

اخوي الغالي حصان الرجليه

هو مو حلم اصلا تراه كابوس هع هع هع


اشكرك على مرورك ياالغالي

[align=center]هههههههههههههههههههههههههههههههههههههههههههههههههه ه
هههههههههههههههههههههههههههههههههههه تدري سلطان انا بقيت انتحر من حلمك الله يرجك
وبعدين موتك ماراح يجيب البطولات لا تخاف لانها ماتت مع عبدالرحمن الله يرحمه
والله خوش مغامره بس الحمد لله طلع حلم وابي اقوولك شي الحمد لله انه حلم بس لاعاد تتعوها
وتسولف لنا مثل هالحلم وخاصه هالمقطع هههههههههههههههههههههههه

بالعربي ياسلطان انا وش ارجي من وراكم وانتم كل شي تسوونه غلط

الحين بدال ماتحاربون الكفار انتم تحاربون شف فلسطين بدال مايحاربون اليهود

تشوف فتح وحماس يتحاربون ليش؟؟؟؟ قلت ياخي مدري بس هم مايفهمون

يحرشونهم اليهود على بعض قال والله انكم نصابين

كل واحد يدور السلطه والمال ولا فكر بدينه


كح كح كح كح
[/align]

رمح الشمال الغالي

يسعدك ربي ااامين

تعرف احلامنا تمرش هع هع هع هع

المشاركة الأصلية كتبت بواسطة حصان الرجلية

ههههههههههههههههههههه الحمدلله خلص الحلم ليش الاخ نايم اسبوع ههههههههه

في انتظاااااااااار جديدك

[align=center]مثل هذه القصص الساخره يجب أن تكون حلم !
لاتعليق على هذا الحلم !
مشكور أخوي سلطان

تحياتي لك




[/align]

فدا عنزه حياك الله ياالغالي

شاكرلك مرورك

وحلمي هذا اسبوع بس الحلم الجاي الله يستر

هههههههههههههههههههههههههههههههههههههاااي

بنت ابوها كيف حالك؟؟

يشرفني ردك على موضوعي

وانا عارف ان هالقصه لازم تكون حلم اجل

واحد يسولف مع غنم ( ماتذكرتوا نيلز القزم اللي يسولف مع الحيوانات ههههههههااااي )

بس لازم نعرف المغزى من هالقصه

وكلكم عارفينه