(( أم عبد المجيد العنزي ))

[poem=font="Simplified Arabic,5,white,bold,normal" bkcolor="transparent" bkimage="backgrounds/22.gif" border="double,4,blue" type=1 line=0 align=center use=ex num="0,black"]
وين هل النخوه وين اهل الحميه= انخى النشاما وعزوتي الوايليه

أنخى هل الطيب والجود والكرم = (عبد المجيد) تكفون لايروح الضحيه

من غاب عن عيني ترى النوم غايب = أسهر وأعاني من ليالي السرمديه

أبكي دموعي دم طوال ليلي = واهني اللي ينام ليله واهنيه

أنوح ولحدن درى عن مصيبتي= في وسط ربعي وكني أجنبيه

لي ثلاث سنين وهذي حالتي= لاني مع الموتى ولاني بحيه

أنخى عموم الناس وأنخى القرايب=وين اللي يقولون لعيونك ياخيه

رجاي بالله مايخيب رجايه=ومن يرجي المعبود مايخيّب رجيه

تلطف بحال أم تبكي ولدها= وتبدل أحزانها فرحه بمجيه

عيال وايل ياعزوتي وتاج راسي = تكفون ردو حشاشة جوفي عليه

ويلان ياويلان ياربعي وعزوتي=تكفون ثم تكفون هاتوه ليه




( بالنيابه عن أم عبد المجيد )=
[/poem]