توبه

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هب الهوى يوم اشتعل شيب راسي = وينه جفـاني في شبابي هبوبه
خلى عزومي واقتنص ضعف باسي = واقبل يداعـبني بلطف وعذوبه
اما اطيـعـه او ازيـد احـتراسي = في طـاعته بلوى وتركه عقوبه
تنقـصني الخبرة ولا لي مـراسي = في ساحته واجهل خوافي دروبه
والنفـس تجمح لـه وتوقد حماسي = سحـره فتنهـا طايعه ومغلوبه
لكن يعـاتبهـا ضـمير يقـاسـي = لـون الزمان اللي تزايد شحوبه
صـوّت لهـا يكـفي ولاني بناسي = فعل الهوى باللي زمان اكتووبه
امثـال قـيس ابن الملوح اساسي = لاطال ليلى والجـنون اذهـبوبه
والشيخ بصري والنهـاية مـآسي = في نيته تـوبه وزود ذنـوبـه
صلف الهوى زلزل ملوك وكراسي = صكوا علّى حبل الندم والتووبه
قـالت كفى ايقضتني من نعـاسي = لا للهـوى لا توبة والـف توبه[/poem]