... الغايب ...

تلوح البشاير مثـل بـرق الحيـا لالاح
بغرّ المـزون اللـي مطرهـا يبشرنـي

عن الغايب اللي من سنه عن عيوني راح
ولا ادري وش اللي في غيابه مصبرنـي

هجرني وانا وافي معه والقلوب صحـاح
تغيـر وانـا عمـر الزمـن مايغيرنـي

عليه ارتكي لاضاق صدري وسدي بـاح
احسه مـن قيـود المواجـع يحررنـي

يلاعب شعوري لعبة السـارق المـزاح
ولـو ماتشجّـر داخلـي مايصـورنـي

والاعب شعوره لعبـة الكـف بالمسبـاح
ويطرب ليا غنيـت لـه (يامسهرنـي)!

وأضيع بتفاصلـه مـن التـوت للتفـاح
من التـوت للتفـاح لاضعـت دوّرنـي

سقيته على جرد الفيافـي عـرق فـلاح
لقيتـه علـى أفـواه الغلابـا منثرنـي

عطيته حياتـي كلهـا ماجنيـت أربـاح
ولوماكسبـتـه ماهقيـتـه يخسـرنـي

به أدخل من أية بـاب أريـده بلامفتـاح
لوإنـه علـى لوعـات همّـه يسورنـي

جميله علي إنـي أحلـق بـدون جنـاح
لياشفـت مقعـادي بـالارض يتعذرنـي

افضفض بملفي داخلـي داخلـه وارتـاح
عسى الله علـى رد الجمايـل يقدرنـي

لـك الله ليامنـه نثرعطـره الـفـواح
تنفسـت بــه لومـرنـي ماتذكـرنـي

لياعشت فيـه حكايـة البحـر والمـلاح
أقـول الليـالـي بعـدهـا ماتكـدرنـي

ولوذقت فيهامن صروف الزمان اتـراح
أكيـد الفـرح بكـره بنـوره ينورنـي

لأن العمـر يفقدحلاتـه بـدون كـفـاح
لوإن الغيـاب بـدون داعـي يدمرنـي

لأنه علي أقسى من الحـظ لامـن طـاح
عن الحظ لامـن طـاح ياليـل خبّرنـي

مضى عام ياعدّالروى ماقـدرت امتـاح
حلاجمّتـك ياللـي غيـابـك محيّـرنـي

ورغم الغياب اللي مخلـف وراه جـراح
ولاقصى منافي غربـة الـروح هجّرنـي

تلوح البشاير مثـل بـرق الحيـا لالاح
بغرّالمـزون اللـي مطرهـا يبشـرنـي

للشاعر / مستور الذويبي


.............