خذني بحضنك ااااااااااااااااااااااااااه

لفت نظري ثلاثة أبيات جميلة استشهد بها اخوي الخدلي ولكن كان في الشطر الاول نقص ولجمالها حبيت اذكرها لكم علما ان الابيات للشاعر الرائع فهد المساعد
[align=left[align=right]]صعب لامنك فشلت وصعب لامنك لقيت
إن من يكره نجاحك يدري إنك مانجحت
امس ضقت ورحت اقلب ذكرياتي وانتهيت
عند صورة طفل صوته مثل صوتي لانجرحت
وش مثل لاوالله إلا هذا انا يوم ابتديت
انطق حروفن تلعثم في لساني لا انمدحت
هذا انا يوم الحياة فنظرتي عشرين بيت
ومسجدين ومدرسة من طين كم فيها اصطبحت
هذا انا واصبحت اتمتم هذا انا حتى بغيت
اختنق بس القدرعيا على صوتي وطحت
وصاح صوت الطفل فيني انت من وين ابتديت
قلت انا المستقبل اللي فيك كم هنت وطمحت
امس كنت ابيك تكبر بس والله لو دريت
اني اللي عشت لجله مت عندك واسترحت
لو دريت ان الزمان يجر رجلي ماعديت
ولو دريت ان البحور بلا موانئ ماسبحت
كان قلبك لي طويل وكل ماشفتك هويت
قلت لك كبوة جواد وما كبيت الا وجمحت
ليه تسمعني وتمشي آه ليتك مامشيت
آه ليتك ليتك من كثر عبرات الايام انتصحت
ضاعت احلامي وظل الحزن فيني واهتديت
للطريق اللي يوديني على دمعي ورحت
يالحزن ليتك مثل دمعي بتنزل لارقيت
بس اعرفك لومسحت الدمع بتبقى مانمسحت
كان حلمي في وجود انسان يبكي لابكيت
وصار حلمي في وجود انسان يفرح لافرحت
كنت اشوف الناس مثلي كل ماجعت وضميت
مادريت ان الاوادم ناس فوق وناس تحت
آه يااول ذكرياتي خذني بحضنك نسيت
لاسألك عن وجه ابوي اللي معه ياما سرحت
خذني بحضنك ابغفي آه مبطي ماغفيت
وان لمحت دموع عيني سو نفسك مالمحت
خذني بحضنك وبعثر في جروحي وان قضيت
هز لي كتفي وقلي عيب تبكي لو سمحت
اضحك وعلم زماني من انا ومن وين جيت
طق باب الحزن واصرخ فيه لامني فتحت
ضمني يمك وكمل ضحكتك لامن بكيت
ودي اذكر كيف كانت ضحكتي لامن جرحت[/align][/align]