روس المعالي.....

[align=center]روس المعالي



-------------

صوت الصهيل

------------

الى كل الأخوة --والأخوات


انقل لكم هذه الرائعة من روائع


الشيخ // عبدالحميد الركيان الاميــــــــــــر





والله يالولا الحق مامن رجاجيل ** ويمكن يالولا المرجله مامن سلاح

الظلم ساد وكبل الحق تكبيل ** وصارت بواب الحق من دون مفتاح

هبيت ياوقتٍ تعز أبن الذليل **اهباك ربي من المسا لين الصباح

ياالله دخيلك عن سنين الغرابيل **لاخيل لاشلفه ولاسيوف ورماح

شدت ضنا الحيده عصاة المشاكيل ** وظلت مراجلهم على تالي رماح

لاعين تدمع للقرابه ولآ تسيل **كلن فرح بوليد عمه اذأ طاح

العز ولا مقفين شد الرحيل ** وحنا رجال عاريه بس برواح

نار الشهامه طافيه راح الفتيل ** أظلم بها الوجدان من يوم ماراح

مع موتت الوجدان ذل الرجاجيل ** ماتت مراجل ربعنا دون ذباح

وين الحميه ومجدها والتعاليل ** هذي نهاية مجدنا ذل ونياح

ولانهاري معتمن مابه مقيل ** واليل الاقشر صاحبي مابه مراح

ان غربت شمس الشقا ليلٍ ثقيل ** وان اشرقت في نورها ظلمت صباح

الخيل ضاع بصمتها صوت الصهيل ** والكلب زايد ياابن الاجواد بنباح

واليوم صارت مالها كود تمثيل ** كدش اتصاقل ياابن الاجواد بمراح

الطيب راح ولا لقينا المحاصيل ** والناس تجني من ثمرها والارباح

اجدودنا من جرحهم دمٍ يسيل ** وحنا فطيسه دمها مابعد ساح

سلطان قلي عن زمان المقابيل ** يلقى الظليم عيال عمه ليا صاح

افهم قصيدي وحلل الحرف تحليل **لاتعتجل بالرد واكتب على الراح

أروي ظما كبدن تشفق على السيل ** تيبست في روحها نبت الافراح

لويرتفع ظلم البشر للمستحيل ** روس المعالي شامخه فوق الاسواح

حنا هل الحيزه على كل من قيل ** نعطي المراجل حقها بجلب الارواح

هذا الصحيح وصدقنا سيف يكيل ** محد عطانا حقوقنا كود بسلاح

مولاي سامح زلتي كاني اعيل ** انت الكريم وغافري وابي السماح

اختم قصيدي ياولدي بالتهاويل ** القلب الاسود تكشفه عشرت مزاح [/align]