الخطوط النرجسيه

أعجبتي هذه القصيده التي وجدتها باالصدفه وعسى ان تنال اعجابكم وهي للشاعر فواز الشهراني
ارسمي وحدك طريقـك بالخطـوط النرجسيـة
واعبري وحدك طريقك كان ظنـك بـه نجـاه
ليه كل الوقت أنا أعطي وانتظر منـك العطيـة
آه يا ليتك عر فتـي كـم لـك بقلبـي غـلاه
كنـت اسولفلـك بحبـي وللسوالـف قابليـة
كنت انا بصحرى هجيرك ارتقب تمطر سمـاه
صرت اسولفلك بحبي بصمت مفـروضٍ عليـة
صرت لامنك حضرتي صوتي يضيـع صـداه
البدايـة للآسـف كانـت بدايـة فوضـويـة
كانت بزيف المشاعر و انكشف سـر وغطـاه
آآآآه من سود النوايا لي غـدت درب ومطيـة
خص في درب المحبـه مـا يوازيهـا سـواه
وآآآآه من غصة طعونك بين روحـاتٍ وجيـه
وآآآآه ياقلب يحبك كم رقـب تـروي ضمـاه
وآآآه من ذيك الجروح بخافقي خضـر ونديـه
وآآآه لي صارت قوافـي الشعـر ونـاتً وآآه
وش تركتيلـي بربـك غيـر طعنـاتٍ وكيـة
وانتي اللي قد غدرتي القلب وادميتـي حشـاه
اجودياً كان يحلم فـي هـوى بنـت اجوديـة
بس ضاع الحب مني ....ضاع وضيعني معـاة
اذرفـي دمـع الندامـه لـو لقيتنـي ضحيـه
لو كتبت الشعر واحزن كل من سمـع وقـراه
لا أنتي الأول ولا آخر من سرق ضحكة خويـة
قبلـي وبعـدي كثيـرٍ صادفـوا مـر الحيـاه
ياحسافة عمري اللـي راح محسـوبٍ عليـة
من رحلتي قمت اهو جس يا ترى من هو خطاه
كانك انتي مـا درتـي الوفـا عنـدي سجيـه
حبك الماضـي حفظتـه مـا رميتـه بالفـلاه
جعلك تعيشـي حياتـك عيشـهٍ رغـده هنيـه
واطلبه ربي يعوض مـن صبـر لاخـر مـداه
ليتني كنـت ابـدويٍ عايـشٍ بـأرضٍ خليـه
راس ماله خيمته ويـا الغنـم معهـم عصـاه
مايبي بنت المدينـة ولايبـي بنـت ا قرويـة
مايبـي غيـر ابدويـه تمشـي دروبـه وراه