قصيدة موجهه من مخلف ختام الركعان الى نايف سويلم العواجي

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سميت باسمه والي الخلق معبود=يامرسل(ن) وحي الهدي فارض الدين
العز راية كاسب الطيب والجود=والوقت ساحه والمراجل براهين
قصدت وجه اللي به العز موجود=حر(ن) على صيده تعيش الشياهين
نسل الشيوخ ولاتبي عد وشهود=شبل(ن) مشا درب الأسد بالقوانين
نايف سويلم بالكرم وصل ممدود=يعطي ولاياخذ كريم الميامين
نسل العواجي لانعمى كل مقرود=من سطوته يرهب جميع المعادين
مجده بحر مايمنعه أية سدود=فارس بسيف العز هز الميادين
نمشي بأمره كلنا درع وجنود=ومهما طلب بأرواحنا مستعدين
جعافره لاحكت العود بالعود=زبن الدخيل اللي شكا لوعة البين
وخالك عريب الجد شيخ على زود=شيخ ولد شيخ(ن) تهابه سلاطين
نسل الأميِِِّر بالفخر ماله حدود=بحر بلا ساحل تضيع العناوين[/poem]