هديّه من اخ لاخته

الاخت بنت ابوها شرفتني بتوقيعها من كلماتي فأهديتها هذه المتواضعه

[poem=font="Simplified Arabic,7,black,bold,italic" bkcolor="transparent" bkimage="backgrounds/27.gif" border="double,10,black" type=1 line=1 align=center use=ex num="0,black"]
قافي تشـرّف فيـك يابنـت أبوهـا=وأنا افتخر,يابنت عمّـي لأخذتيـه
عروق الحميّا,لعزْوتـي لانْتخوهـا=والوايلـي يفـوع بـأوّل عزاويـه
وانتي اصيله شامخـه ماأدْركوهـا=بنتٍ أصيلـه طهْرهـا ماحكوْ,فيـه
بنت الرّجال ونعم لامـن طروهـا=والْيا ذكرها القاف تطْرب معانيـه
من نبْعة الويـلان أهلهـا سقوهـا=صانت كرامتهـا بعالـي عواليـه
نعـمٍ بهـا بالعيـب ماعذْربـوهـا=أصيلةٍ فـوق العتـب والمشاريـه
صافي ذهب اهل الغوى ماغووهـا=الشعرجادت بأعذب اعذب صوافيه
اهـل النّوايا,بخُبْثهـم مااوصلوهـا=تسْمى عن اللي ماتنومـس مباديـه
حازت علـى تّقديرمـن عاملوهـا=وفيض المعاني من عذاهـا تعذّيـه
وفـرايـدي بالدُّر,لاوشّـحـوهـا=لنّك اصيله جاد, قافـي وعجبتيـه
احْلى هدايا,اخت جتْها من أخوهـا=شاعرولااثْمن من قصيدي لك اهديه [/poem]