تقول البوادي كـل قـوم ولا عنـزة

[align=center]بسم الله الرحمن الرحيم
هذه قصيدة للشيخ محمد بن عيسى آل خليفه قالها معتزا بقبيلته عنزه [/align]

[poem=font="simplified arabic,6,green,normal,normal" bkcolor="transparent" bkimage="" border="double,7,darkred" type=0 line=0 align=center use=ex num="0,black"]
على نوض برق ساري في سحايبـه = هجرت الكرى ارعى الغيـث صايبـه

هجرت الكرى والحر ما يالف الكرى = اليا شاب قلبه من لظى الهم شايبـه

لي الله من قلب جزوع ومـن هـوى = نزوع ومن دهـر كثيـره عجايبـه

ونفس إذا شديـت بالعـزم حبلهـا = جرت تطلب العليا ولو عـز جانبـه

عنود هواهـا بـان منهـا مواقـفا = ليا ساعفت يدي بها الحـر واجبـه

أنا عزوتـي قبلـي صناديـد وايـل = كرام المساعي وأصدق القول صايبه

هل الجود إلى قل الموجود وان لجـأ = بهم خايف ما يـدرك الثـار طالبـه

أجاروا على كسرى وفلـوا جموعـه = وغطوا صحاصيح الوطا من كتايبـه

يريد ابنة النعمان والمـوت دونهـا = وهو ما دري ان البلا فـي زغايبـه

بغى ضمت الصدر الرحيب ولا حصل = واقفا على الكربوس تدمـي لبايبـه

وهم مربع الهلكى وهم شعلة الوغى = إذا احمر من عود الردينـي ذوايبـه

تقول البوادي كـل قـوم ولا عنـزة = ويكفيك من تشهد له الناس قاطبـه

ترى فرعهم قومـي سلالـة خليفـه = هل الطول وأسطار التواريخ كاتبـه

أقـول ذا واطـول واحـذاي غلمـه = خليفية تشفيـك لا جـات حاضبـه

مناعير إذا صاح الصيـاح تواثبـو = اكما الأسد اللي يفرون للضد غاربـه

سادوا قطر بالسيف وأحيوا رسومـه = وشادوا قصر صبحا على ركن جانبه

وصاحوا بعالي الصوت يا أولاد عتبه = قلبي لهم مـن كـل حبـي أطايبـه

تعدوا لإبن مذكور وأفلـوا جموعـه = وامست شرايدهم على البحر هاربـه

وساروا على خضـر أوال وارجعـوا = حتى تثار الحرب من كـف غاضبـه

أولاد وايـل بالعـصـور الأوايــل = اشبال ما يبعد عـن الغـاب غايبـه

اقاموا بها الشرع الحنيف وعمـرو = امساجد كانت قبـل ياتـون خاربـه

وشادوا قصور العز مزمومة الـذرى = يامن بها الخايـف إذا جـات نايبـه

مـوارد للعانـي وللضيـف مدهـل = وغيث لمن يشكي بـلاوي نوايبـه

وسلوا سيوف الهند من دون سيفها = وغلوا جمـوع للمعـادي محاربـه

هذا ماضينا وفي الوقـت حاضـر = يشهد على ما خط بالطـرس كاتبـه

من زارنـا بالخيـر قمنـا بواجبـه = ومن زارنـا بالشـر دسنـا ترايبـه

وسيوفنا مـن دم الأضـداد وردهـا = كان اعتدى اضحت من ادماه شاربه

انص الرفاع تشـوف حكـم وهيبـه = وتلقا بهـا شيـخ جـزال وهايبـه

اليا جيت في صدر المجالس مسلـم = سلمان لك يفتـر بالبشـر حاجبـه

ترى به حسن خلق ونفـس طيبـه = وان اصطفق فاخذ الحذر لا تقاربـه

فهو كا سحاب الجو يرجـى ويتقـى = صواعقه تفنـي وتغنـي سحايبـه

وأخـوه فكـاك الطلايـب بمـالـه = الشيخ عبد الله حمـى مـن الآذبـه

كريم حـوى دق المكـارم وجلهـا = وان حارت الافكـار جنـك عجايبـه

فهم درعي الضافي وهم نور ناظري = وهم سيفي اللي ماضيات مضاربـه

سنادي وعونـي ياسلالـة خليفـه = أرى الدهر دبت بي عوادي عقاربـه

وضاعت اسموت في بيـوت كثيـرة = وراحت كفانـا الله اسـوى عقايبـه

عليكم بالتقوى فهي جوهـر العمـل = وهي العروة الوثقى لمن شد جاذبـه

تمسكوا بالديـن والسمـت والعـلا = مدى الدهر ما هبـت ذواري هبايبـه

ومني لكم جاهي ومالـي ومهجتـي = لمن يطلب العليـا بأعلـى مراتبـه

هذا فضل قومي وهـذي نصيحتـي = ولا خير في من لا يناصـح قرايبـه
[/poem]

[align=center]منقوووووووووووووول[/align]