هذة قصيدة قلتها في ربوووع (( كسب )) بعنوان (( توك صغيرة ))

تــوك صغـــيره وابتــــديتي تـــحبين

مـن علمك ليل السهـر يا صغيره

بـدري عليك العشــق يا بنت ها لحين

حــرام هذا القلـب وشهو مصيره

أنتي بريئة في الــهوى ليـــه تشقــين؟

صدمــاته لقلبك تــراها خطيرة

عيشي الطفولة واتركي الحب بعدين

وادروبه طـوال عليـك وعســيره

الشوق يفضح لا انكشف داخل العيــن

وأنتي بنفسك ماهقيتك بصيره

إن كـــان قصــدك بالمحبــــة تسلــــين

بالعكس بتشــوفين هــمّ وحيره

الحـــــب قبـلك هـــز نــاس كثـــيريـن

خلاّ القلوب تعيش خوف وغيره

طبعي كلامـي واحــذري لا تمادين

تــراجعي لعـــل في الأمــر خـيره



عيشــي الطفــولة والــبراءة لك سنين
وبعـديـن حــبي لاغديتي كبـيره


قصــــــيده طلب منـــــــــي نقلــــها هنا للأهميه .... طلبها الشاعر المميز سيف الجود .. اتمنى ان تعجب الجميع

تحياتي لكم اخوكم / حصااااااااااااااااااااااااااااان الرجلية
__________________