نفحة سجين

بسم الله الرحمن الرحيم‏ ‏
عندمايعجز اللسان عن الكلام
تنطلق
المعاني بالحروف لتصف شيء غريب
وليس بالغريب ؟ وصدق من قال :
الطيب لا تستغربه من هل الطيب .
اللي لهم بالطيب منقع وخبره
أوسع على الأجواد من فيضة أشعيب
وأضيق على الأنذال من ثقب الأبره

وأنا ليس مستغرب زيارة صاحب السمو الملكي الأمير الداعية : نائف بن ممدوح بن عبدالعزيز آل سعود
وفقه الله لي بالسجن ؟
وليس بالغريب على هذه العائلة الكريمة مؤازرت المرء في مصيبته عندما يتخلى عنه القريب والبعيد

{{{ نفحة سجين }}}

نفحة سجين من الظمى يابس الريق = اأنفحات قلب اللي عطيب صوابه
قال الذي بالقاف جر الطواريق = القاف جره جر قوس الربابه
ضلع طواه الهم طي المسابيق= جر اللحن والقاف بيت العتابة
مر الصبر بالقلب فت المعاليق= لأوا عذاب القلب لأوا عذابه
مجبور أصبر لوي الصبر ماطيق = دامي سجين وقافل السجن بابه
السجن بين لي جميع المخاليق = منهو عدوي صار وإلاّ القرابة
ربع الرخى عرفتهم ساعة الضيق = قامت تنابح مثل نبح الكلابه
يالله ياللي تيسر الأمر وتعيق = تفرج لمن صكت عليه النيابة
تقدموا ضده أشهود ومواثيق =يبو حكم السيف حد الحرابة
قالوا أمهرب من سمومه صناديق = جزاه شيل الرأس ياخذ أحسابه
ستين يوم بأنفرادي وتحقيق = ليلي ونهاري صالبيني أصلابه
أشفق على شوفة أرجال مطاليق = شيخ على الشدات أنخى جنابه
شرواك ياشيخ يفك المزانيق = فيك أعتزي لاكشر الوقت نابه
ياعزوتي من بد كل المخاليق = أنخاك لاصكت علي الذيابه
لو كان ذنبي عادل العان وطويق = ماعادل بعفوك جناح الذبابه
يالله عسى نايف طريق التوافيق = اللي تبع سنة نبي الصحابة

(( الشقاوي ))