ظلم البشر

دايم الشوق:
كيف حالك يا الضحى وش اخبارك
الضحى :
بخير انت وشلونك وشلون الدراسه عساك مرتاح وكيف الجو عندكم
دايم الشوق :
والله الحمد لله كل شي على ما يرام والجو ما زال مثلج وقالوا في الأخبار انه راح يستمر على غرب امريكا فتره طويله
الضحى:
انتبه على نفسك من البرد والبس ملا بس تدفيك ما اقدر اطول مع السلامه.
الأب:
يا ام دايم الشوق ولدنا لازم نزوجه والله اني خايف عليه من هالكافرات (الأمريكيات) ورى ما تدوري له مره يا خذها معه.
الأم:
والله انك صادق بس البنت اللي يبها ((بطاقة حفر)) وما تقدر تسافر معه.
ألأب:
وش هالخرابيط هاذي سفاه دايم الشوق ماله الا بنت عمه
ألام:
يابن الحلا البنت نشميه ومزيونه والولد يبيها.
الأب:
يا بنت الحلال قوم الضحى يقولون انهم مهم اصيلين وبهم برص.
الأم:
يا ويلي برص عوذا الله يكفينا الشر. انا اكلم دايم الشوق واردلك خبر
الأم:
وشلونك يا وليدي عساك بخير.
دايم الشوق:
الحمد لله يمه ابشرك بخير ونعمه.
الأم:
يا وليدي تراني ابي ادور لك بنت نشميه تااخذها معك وتحصن نفسك
دايم الشوق:
يمه انا الحين ما افكر بالزواج وباقي لي 3 سنين واتخرج وما ودي اتزوج الا وأنا موظف
الأم:
يا وليدي اذا قصدك الضحى ترى ابوك رافض يقولون ان بهم برص.
دايم الشوق:
يمه من قال ؟ انا غير ضحى ما اتزوج وانتي عارفه الشي هذا من 4 سنين.
الأم:
يا وليدي البنت بعمر الزواج وخطابها كثروا وانت تدري ان ابوك ما راح يخليك تتزوجها ليه توقف بنصيب البنت خل البنت تعيش حياتها.
دايم الشوق:
يمه انا عندي كلاس الحين اكلمك بعدين.
دايم الشوق مع نفسه:
والله كلا م امي صحيح ابوي ماراح يخليني اتزوجها ليه ما ادوس على مشاعري وابعد عن طريقها وخصوصا ان وضعها صعب ابوها مطلق امها وامها متزوجه واحد برا السعوديه وهي جالسه عند خوالها حالتها مره صعبه والبنت تحتاج للإستقرار. بس كيف انساها ؟ كيف تنساني؟
الضحى :
دايم الشوق خوالي مانعيني اني اكلمك ويقولوا اذا ما ملكنا اول ما ترجع من السفر(بعد شهرين) بيزوجوني لولد خالي الضحى>>>>تبكي
دايم الشوق: >>>خانقته العبره
اسمعي يالغاليه انا ما عمري قلت لك احبك بالتلفون علشان ما اجرح عفتك واحس اني اخذت متك شي الا هالحين ما استحقه بس هالمره بقولها انا احبك بس لا ظروفي ولا ظروفك تسمح بهالحب انه يكبربالزواج بس تأ كدي انه خالد لأنه كان صادق وعفيف .سامحيني يالضحى اني اطلب منك هالطلب. انسيني الضحى:>>>تبكي
معذور يالغالي! بس كيف انا انساك وانسى حبك والليالي كيف اصير بهالحياه بلحالي.
دايم الشوق:
ارجووك انسيني....

سلم قلمك

ننتظر مزيدك....

[align=center]تسلم اخوي دايم الشوق
حوار جميل
تخلله التطرق لبعض القضايا الأجتماعية
الفكرة جميلة جداً
كل الشكر لك

تحيـــاتي

[/align]

[align=center]الأم:
والله انك صادق بس البنت اللي يبها ((بطاقة حفر)) وما تقدر تسافر معه.

أخ دايم الشووق أيش يعني بطاقة حفر ؟؟؟؟؟؟؟؟ [/align]

بطاقة حفر يعني النازحين من الدول المجاوره على حد وصف الحكومه لهم



ومشكورين على الردود