يا فيصل الفصال بالشـرع والهـدىا لسنـة الغـرا سعـوا لتحويلـهـا

[align=center]هذه القصيدة للشيخ ممدوح سليمان الركيان الامير

الله يرحمه

قالها بحدود عام 1964





[poem=font="Simplified Arabic,5,black,bold,normal" bkcolor="transparent" bkimage="backgrounds/8.gif" border="double,4,darkred" type=0 line=0 align=center use=ex num="0,black"]
فكـرتِِ بالدنيـا عدلهـا وميلـهـا =ما غيـرت هـذا نهارهـا وليلهـا

هـذي الجبـال الراسيـات =رسومهـا ماجـاء شـي يزيلـهـا

هذا القمر والشمس وهذي نجومهـا = هـذاك جديهـا بايـنٍ وسهيلـهـا

هذي شهورها مع دهورها ويومهـا = ومنـازل بـه مـا تغيـر بديلـهـا

ماغيَـرت ميـر ان اهلهـا تغيـرو = اترحل منها ناس وناسٍ تجـي لهـا

ارحلتْ بنخـوات الرجـال وعزَهـا = وشيمانـهـا مابـقـي الا قليلـهـا

لو البكـاء يرجـع بنـاس ترحلـو = ابكيت ليامـا العيـن يبـرد غليلهـا

وحنيت حنـة والـه تتلـي العـرب = وٍ اعزاها ولا عزت عـن فصيلهـا

خلـوج حنـت تالـي الليـل = وانـاحنيـت مثلهـا واعـول عويلـهـا

والا كما شمطا افقـدت غالـن لهـا = وحيدها ولا لمـت لـو زاد ويلهـا

ابكي على داري وربعـي وعزوتـي = يـاويْ والله عـزوةٍ ينبكـي لـهـا

أقفيت منهـا ناظـرٍ لـه ومحتـرق = قلبـي مخايلهـا وعينـي تخيلـهـا

ولاشفـت انـا مـن قـام وانتخا = ولا شفت انا من سل عنده صقيلهـا

هـي دارنـا وامراحنـا ومرواحنـا = حلـوٍ مرابعهـا ومحـلا مقيلـهـا

ترضون حياة الغـل والقـل والطنـا = حياه يزري لمثلهـا وينـزري لهـا

ابكي معـي يـادار بالـدم والعـزاابكي = ليامـا العيـن ييبـس ثميلهـا

يـادار يـادار المـروات والنـقـا = حلّوا بها الانـذال لا سـال سيلهـا

شبهتها لعمهوجـةٍ غضـه الصبـا = كـلٍ ايراعيهـا وعينـه تخيلـهـا

راحٍ وريـحـان بــورود خـدهـا = كـلٍ تمنـى عطفهـا ولـه حليلهـا

سـادت سماسيـر بهـا وافسـدوا = عقب الطهارة صـار كـل خليلهـا

ورجالـهـا متكومسـيـنٍ قبالـهـا = عقب المعـزة لُـوّ ثـت عزتيلهـا

صاحت بعالي الصوت تنخى رجالهـا = تنخى رجال وين مـن ينتخـي لهـا

وين الرجال ويـن ماضـي افعالهـا = الـدم عطرهـا والمواقـف دليلهـا

وين الذي ننخى وينخـى وينتخـي = الشـام تنعـي ارجالهـا وينعيلهـا

ويـن القبايـل والرجـال والـيـوم = انتـم مــن ارجالـهـا وجيلـهـا

أوان كان ما قمتـوا لا قـام حظكـم = فعالكـم تصغـر بعينـي جليلـهـا

وين السيافـا والسناعيـس وينهـم = ونخيت انـا بوقـت تعاظـم ثقيلهـا

يصيح وينخى عزوتة شايـب لكـم = وحتى النساء قصت غوالـي ثليثهـا

من عقب كبر الجاه والعـز والعـلا = يهـان فـي داره ضعيـفٍ ذليلهـا

عقب المحـدد والمحـزم وفـارس = ينخون شمر ويـن شمـر تجيلهـا

صاحوا بعالي الصوت وين الطنايـا = غلبـا لياثقلـت حمولـن تشيلـهـا

حواس بـن فـلاج ينخـى بجالهـا = ينخى ولاهـو بـي كثيـر وقليلهـا

حواس بـن فـلاج ينخـى بجالهـا = يقول درب المرجلـه هـو سبيلهـا

وان كان ما ماتوا تجينـا فزوعهـم = وان ماتت الاجـواد واعزتـي لهـا

وان كان ماتـوا وي ماتـت حميـه = حميـةٍ كــل القبـايـل اتهيلـهـا

نخيت انا ولاني مـن نايـد العـرب = من عـزوةٍ مـن بالقبايـل مثيلهـا

قبيلـةٍ انخاهـا واعتـز واعتـزي = مـن عـزوةٍ نعتـز بـه ينعزيلهـا

عنَاز وايل ويـن عـزّة وسطوتـه = انتم علـى عـازات بقعـا وميلهـا

نخيتكم والعين تـذرف مـن البكـا = نخيتكـم والعيـن جـارٍ هميلـهـا

نخيتكم انا وبي هاجس صاب هاجسي = ونـارٍ تلـظـى بالضمايرمليلـهـا

انتم هل الجيرات والضيف والحمـى = وان ماحميتوا داركـم مـن يجيلهـا

حتى مصوت بالعشا بعالـي الشفـا = راحـت شتـات بدياجيـر ليلـهـا

من عقب كبر الجاه والجود والسخـا = هانوهـم الأنـذال واسفـل سفيلهـا

تنخاكـم الخفـرات قـدّت جيوبهـا = تنخى بعالي الصوت مـن يحتميلهـا

نخيـت اخوبتـلا وعنـاز كلـهـا = نخيت ولـو مثلـه عليكـم نجيلهـا

يابو زبـن تنخـاك وايـل ودارهـا = انت الذي تعبـا لهـا وتعتبـي لهـا

اخـون بتـلا والـثـلاب وينـهـم = وراكـان مـن ينخالهـا وينتخيلهـا

له شيمةٍ بالراس ما شفـت مثلهـا = زيزومهـا مقدامـهـا يستويلـهـا

رشيد ياعقـب الشجـاع المجـرب = سعران لوهو حـي يكسـب نفيلهـا

تنخـاك خفـرات تكشـف براقعـه = تنخى محددت الجمـل مـا نخيلهـا

عوجان وينه ياسعـد مـن نخيتهـم = تاتيـك شيبانـه تسابـق جهيلهـا

نخيت متعب عقـب فـواز ينتخـي = الحر الاشقر وقـت طلعـه ادعيلهـا

ورنس اخو شيمـة ينخـى لمثلهـا = حماتهـا يحمـى لهـا ويحتميلـهـا

واين اخو شيمه هقوتـي لا تخيبـه = هقيـت بـك هقـوةٍ مـا هقيلـهـا

و نخيت انا الشعلان ورويـل كلهـا = اوي والله لابـــة ينعنـيـلـهـا

شوفوا محارمكم لفت كيـف حالهـا = حرالنيـا مثـل المجامـر ركيلـهـا

ليت الدريعي حـي وياليـت نايـف = حيٍ لهـا ويهيـا لهـا ويرتكيلهـا

من شان صيحة حرةٍ جت جموعهـم = والخيل قطعة مـن غوالـي سليلهـا

واليـوم تنخاكـم حرايـر ربوعكـم = صاحت بعالي الصوت ممـا جريلهـا

عقب الحيا والدَّل وزاهـي الباسهـا = راح الحيـا منهـا وجـذت جديلهـا

صاحت حرايركم وتنخـى بـلا حيـا = وقدت جديـد ثيابهـا مـع سميلهـا

تصيح وتنخى جمع جمعـان وينهـم = ترجيك رجـوا الممحليـن لمخيلهـا

ننخـاك ياراعـي البويضـا ثامـر = ننخاك يانـاخٍ نخـى مـن انخيلهـا

لك نخـوة ماقيـل ولا قـط مثلهـا = وشلون تصبـر ويحكمكـم رذيلهـا

وين العواجي وابن سويلـم وينهـم = ويـن الاْيـدا ويـن خـزام فيلهـا

وين اخو بقشة للضواهـد نخيتكـم = تنخـون ليامنـه توقـد شعيلـهـا

جعافـرة وشلـون تسلـون ربعكـم = ربـعٍ تفاديكـم بحـالـه وحيلـهـا

ذكرت انا راعـي البويضـا ساجـر = وذكـرت حنـة فاطـرٍ ينتخيلـهـا

عبود وينه واخـو نقـوة يقودهـا = عز الديـار وعـز جـار ونزيلهـا

دلاق هـدام الطوابيـر ليـا مـشـا = وعداه يكثر خوفهـا اليـا طريلهـا

نخيـت انـا الحييـن لا ذل حيهـم = ذلّ الذليـل ونذلهـا مـع بخيلـهـا

نخيتكـم علـى امـور تعاظـمـت = ورجاي بالمولى ولـو طـال طيلهـا

ولهي على الموتى اجسامهم تحركت = وتقوم من تحت النصايـب تشيلهـا

تنخاكـم الفدعـان بواجـة الـديـار = بـي حالـة يعزالهـا وينرثيلـهـا

يقول مصوت بالعشـا الـدار دارنـا = نا تيـها وآثـار الطواغـي انزيلهـا

قوموا بـرأيٍ ثـم عـزمٍ وجزمـه = السيـف حـده للصعايـب حنيلهـا

إيكب فنجال اللي انخـى ولا انتخـى = خلوه يشرب مـن توالـي حميلهـا

كنه على اللـي مايـراوي برايهـا = يكرم عنه مطعومها وريـح هيلهـا

نخيـت انـا لـي عـزوة وايليـه = ركبت سنام المجد بصافـي صقيلهـا

منزالها بالمجـد فـي عالـي العـلا = وامجاد من غيرة تقاصـر طويلهـا

حنا بني تغلـب وبكـر بـن وايـل = امجـاد بالتاريـخ يسـأل جهيلـهـا

كليـب وايـل والمهلهـل وغـيـره = امجـاد ماتحصـى ولا ينحصيلـهـا

من وايل وفي وايـل سـاس العـلا = حنـا موارثهـا وصفـوة رعيلهـا

من ارض اليمن للشام لارض الاعاجم = لديـار بكـر وديرتـه دك خيلـهـا

حنا الـذي نحمـي الملـوك بدارهـا = ونذلـهـا بجـدارهـا ونحتميلـهـا

كليـب وايـل قـاد بكـر وتغـلـب = امجاد في عالـي المعالـي ارسيلهـا

هز العروش وعزّهـا وداس مجدهـا = وزلزل طواغي عرشها وداس غيلها

حنا أهـل ذي قـار فزنـا بمجدهـا = ونرقى بـروج بالعـلا مـا رقيلهـا

من يوم ابن سعود وشيبـان لابتـه = حزنا المعانـي دقهـا مـع جليلهـا

زبن ملوك عـن ملـوك ٍ تعاظمـت = وذلـوا عظايمهـا وعـزوا ذليلهـا

ومنا الخليفه مارضوا منـزل الوطـا = الا بعـالـي العالـيـات وطويلـهـا

ركبوا سواهج فوق موجٍ من البحـر = وطوابهـا ارض قبلهـم ماوطيلهـا

رحلـوا يريـدون العـلا ونزلوابهـا = من تغلـب هـذي منـازل رحيلهـا

بنو بهـا دارٍ مـن المجـد والعـلادارٍ = لهـم باعلـى المعالـي بنيلهـا

ومن وايل وفـي وايـل نلنـا العـلا = يــاوي والله عــزوةٍ نعتزيلـهـا

حنـا الـذي منـا فتاكـة العرب = ذلوا الملـوك وجـل مـن يلتجيلهـا

منـا ابـن كلثـوم ومنـا المثـنـى = وتركي بن مقرن صافـي حصيلهـا

كم طاغي جبار يعمـى مـن الطغـا = أسقـوه مـن مـر الليالـي نهيلهـا

ومنا هل العوجـا عرفتـوا أفعالهـا = ألّـي الامجـاد العاليـة تنتهيلـهـا

امجاد ورث اجداد في عالـي العـلا = كـل الرقـاب الطايلـة تنحنيلـهـا

ومنا أخوالا نوار حاز الأمجاد كلهـا = هز الـدول وملوكهـا وفـاز جيلهـا

مـا صـار مثلـه لا ورب خالـقـه = رقـى بـروجٍ بالـعـلا مارقيلـهـا

نال المكارم والعلا فـوق مـا عـلا = ولو شي من فـوق العـلا يعتليلهـا

كل القبايـل مـا نحسـده مفاخـره = وحسادنـا خلـه تمـوت بغليلـهـا

هـذي مفاخرنـا وهـذي أمجـادنـا = هذي امجـاد اجـداد مـن ننتهيلهـا

نـذود عنهـا بالحـديـد وباسـنـا = وبرواحنـا نفـدي لهـا ويفتديلهـا

واسنادنـا الديـن الحنيـف وعزنـا = وفيصـل يمامـه السعـد يوميلـهـا

يا فيصل الفصال بالشـرع والهـدى = ا لسنـة الغـرا سعـوا لتحويلـهـا

سعوا لها بالشرك والخبث والـردى = الله يــذل لسـاعـي يسعيـلـهـا

انت الخلف بعد السلف وانت ليثهـا = منـازلٍ حرمـت عليـك تحليلـهـا

تشابكـت جـل الامـور وتعاظمـت = مالـت عظايمهـا وعليـك تعديلهـا

وياعصامها وصمامها وانـت ليثهـا = حزامهـا وحزامهـا عـن جفيلهـا

ان هاجـت الهيجـا وجـن جنونهـا = انت الشجاع انـت الـذي ترسيلهـا

وان أبرمت جل الامـور وتشبرمـت = أنـت الحكيـم بحلهـا وتفصيلـهـا

نبي نخوض أغمارها وانـت ليثهـا = ونعتـز فـي تكبيرهـا وتهليلـهـا

أنهيتها بازكى الصلاة علـى النبـي = وختامهـا بفاصـل نهارهـا وليلهـا [/poem]
يافيصل الفصال بالشرع والهدى يقصد الملك فيصل طيب الله ثراه


وسلامتكم[/align]