فخر وايل / للأمير الدكتور/ نايف بن ثنيان ال سعود

[align=center]قصيده برمز العطاء صاحب السمو الملكي الأمير سلطان بن عبدالعزيز ال سعود حفظه الله
ولي العهد [/align]
[poem=font="Simplified Arabic,5,darkblue,bold,normal" bkcolor="transparent" bkimage="backgrounds/29.gif" border="double,4,darkred" type=0 line=0 align=center use=ex num="0,black"]
من هاجس يطرب اللي شاف سلطان = غنا بقيفان الشعر والمثايل
للطيب نبراسٍ وللمجد عنوان = احكم حكيما حاز كل الفضايل
ولي عهد المملكة ذرب الإيمان = طيبك تعدا الطيبين الأوايل
إنسان ما مثلك على الأرض إنسان = طيب ومروة نلت كل الخصايل
سلطان فعل وفي المواقيف سلطان = انت الذرى عن الافحات القوايل
تملك قلوب الناس بالبر وإحسان = ياكثر ما تضفي عليهم جمايل
مثل سحاب اللي على الأرض هتان =يروي الثرى من صادقات المخايل
تعطي ولا ترجى شكر كل من كان = يرجى رضا الله مادور بدايل
تفخر بك الدنيا على مر الازمان = ويشهد على ما قول كل القبايل
وجه السعد وإن ثار في الجو دخان = راياً سديد وقلب كله صمايل
تقود جيشا في المهمات بركان = قدمت له بالحيل كل الوسايل
في برها وفي بحرها وكل ميدان = شفنا بالأعين فعل معجز وهايل
وقت الشدايد وجهك الزين ماشان = رديت عن درب الخطا كل عايل
ترفض مبادي الغدر اشكال والوان = تشيل عن شعبك حمولٍ ثقايل
تفزع لمضلوم وتفزع لجيران = يوم القمر غطته نار الفتايل
يابن الزعيم اللي مع المجد له شان = روس العدا من ضرب سيفه تمايل
عبد العزيز الحر هو طير حوران = صيدات كفه من كبار الجلايل
من الكويت إلى مشارف أبو جفان = على ضهور الصافنات الأصايل
يسري ويصبح ماتوانا ولالان = ماهاب من جور الزمن و الهوايل
مع اربعين كلهم قلب والسان = أخلاصهم له ما يبيله دلايل
ضعيفهم قلبه كما قلب سرحان = ياقوا عزم الطيبين القلايل
وأثر الهدف عذراً لها حب واشجان ما جابها بكاتبات ورسايل
عجلان جاه اللي على المجد عجلان = ستر العذارى ناقضات الجدايل
وبعد الفطر أضفا على الدار الأردان = ومن دونها سل السيوف الصقايل
ورياضنا لبست من العز تيجان = وتباشرت بعد الدموع الهمايل
وجاهد وناضل بالعزيمة والإيمان = شرق وجنوب وغرب واطراف حايل
حتى استتب الأمن وفي ربوع الأوطان = والراية الخضراء على كل طايل
تعيش للشعب السعودي ياسلطان = وللعالمين تعيش ياذخر وايل
[/poem]


[align=center]شعر الأمير الدكتور/ نايف بن ثنيان ال سعود[/align]

أبو وائل .... صح لسانك ولسان الشاعر ..

وهذا فيه رد على من ينفي انتساب آل سعود

لقبيلة عنزة .......!!

دمت بخير ..

.

[align=center][align=center]أبو وائل ....

صح لسانك ولسان الشاعر ..

اختيار موفق الف شكر لك ....

والقادم أجمل .......[/align][/align]

صـح لسانك ولسان الشاعر/ نايف آل ثنيان

ويستاهل صاحب السمو الملكي الأمير سلطان بن عبدالعزيز

إختيار القصيده هذه يدل على ذوقك الراقي ،،

مع خالص التقدير

[align=center]قبلة الإسلام مكة و قبلة الطيب عنزه ...... و ان سئلت الطيب شصلك جاوب الطيب عنزي

تسلم يمناك يا كاتب الموضوع ... و صح لسان الشاعر



تحياتي[/align]

مشكور ابو وايل

على القصيدة وصح لسانك

صح السانك ولسان الشاعر يابو وايل

لاهنت على النقل الجميل

[align=center]صح لسانك ولسان الشاعر
تسلم أخوي ابو وايل
كل الشكر لك

تحيـــاتي

[/align]

[align=center]القناص

شموخ

فارس عنزة

مشكورين على المرور والتعليق

سلمتم لنا[/align]

[align=center]صح لسانك ولسان شاعرها

تسلم على النقل المميز

تحياتي واحترامي لك[/align]