القهوة العربيه ومشاهيرها

القهوة العربية تقدم للضيف مرفقة بالتمر كون القهوة معروفة بمرارتها فالعلاقة بين البدو والقهوة كبيره فصارت من ضروريات الحياة واصبحت تسمى ( كيف الرجال ) فالكثير اذا ماشربوا القهوة يصابون بالصداع ووصل البعض الى حد الأدمان . وللقهوة مفاهيم خاصه عند الباديه فكان البدو اذا ارادوا طلبا من احد يذهبوا الى بيته فعند تقديم القهوة لهم يقومون بانزال الفنجال ولا يشربون القهوة حتى يتحقق طلبهم . ومن اشهر ماقيل بالقهوة الشاعر دغيم الظلماوي الشمري


ياكليب شب النار ياكليب شبه ***** عليك شبه والحطب لك يجابي
وعلي انا ياكليب هيله وحبه **** * وعليك تقليط الدلال العذابي
وادغث لها ياكليب من سمر جبه ***** وشبه ليا من غفا كل هابي
باغي اليا شبيتها ثم قبه ***** تجلب لنا ربع سرات غيابي
بنسرية ياكليب صلفه مهبه ***** لاهب نسناسه تقل سم دابي
سرات بليل وناطحين مهبه ***** متكنفين وسوقهم بالعقابي
الوالمه ياكليب عجل بصبه ***** والرزق عند ألي ينشي السحابي
صبه لقرم صرفته ماحسبه ***** يوم البخيل مكنهب الوجه هابي
وصبه لمنعور ليا جاه نبه ***** يرخص بعمره والدخن له ضبابي
وعده عن ألي مايداري المسبه ***** ألي يدور بالقصير الغيابي
الى ان قال
عن الطيب عده نازل له بغبه ***** يضرب على درب الخطا مايهابي والقصيدة طويله

وكذالك اشهر ماقيل بالقهوة قول الشاعر لبيد المتينه البلازي من شيوخ الشعلان من عنزه


يادعيث شب النار يادعيث شبه **** بين القطاب ومقدم البيت نابي
واقدع بها من صامل الرمث ضبه ****لا ماتجف لباسهم والثيابي
وقلط ثلاث معتنين بربه **** ومبرقعات عن دبيب ودابي
واتعب بحمستها وبالنجر كبه **** ودقه وعجلها لربع تعابي
بنجر اليا حرك بصوت ينبه **** قنيب ذيب في علو الشعابي
يحوفهن رجل بعيد المسبه **** يعيد عن طرق الخطا والسبابي
فنجالهن يوم المقهوي تعبه **** يشبه خظاب مفلجات العذابي
انقلط لهم ميسورنا ماننبه **** وكمالته حشمه وزين الجوابي
واسرع لهم بلي على النار صبه **** وايمر لهم بلي سريع يجابي
العبد ماله مدت دون ربه **** ولامد من لامد منشي السحابي
الى ان قال
اما دغيم تايه من يسبه **** راعي الدلال المكرمات التعابي