ياعيال دوكم لحيتي كلها شيب

[align=right]قصيدة وجدها مع اوراق قديمة مصوره مدري من مجله او جريده

قصيده اجتماعيه..... يمكن تكون قد عرضت هذه القصيدة ولكن

انا مطلبي ليس ان تقرأو القصيدة فقط ولكن ان تجيبوني على سؤالي........

سؤالي لا لا..... القصيدة اول
.................................................. .................................
قال الذي يقرا بليا مكاتيب
يالي تقرون العمى من عناكم

ياعيالي اللي تشرفون المراقيب
تريضو لي واقصروا من خطاكم

خوذو كلام الصدق مابه تكاذيب
مثل السند مضمون للي وراكم

يا عيال لا صرتوا ضيوف ومعازيب
ترى الكلام الزين ملحه قراكم

وتروا السبابه من كبار العذاريب
وهرج البلايس ما يطول لحاكم

المذهب الطيب فهومذهب الطيب
والمذهب الخايب يبور نساكم

يا عيال ما سرحتكم باللواهيب
ياعيال ماعمر المعزب ولاكم

يما توليت القبايل تقل ذيب
من خوف لا ينقص عليكم عشاكم

وياما قطعت من الفيافي العباعيب
ندور من صيد البراري غذاكم

ياعيال دوكم لحيتي كلها شيب
هذا زمان قعودنا في ذراكم

قمت اتوكا فوق عوج المصاليب
قصرت خطانا يوم طالت خطاكم

عطوني القرضه عليكم مطاليب
عطوني القرضه جزا من جزاكم

لابد يوم عاويا دوني الذيب
بالقبرما افرق طيبكم من رداكم

مانيب فاضجكم بوسط الاجانيب
باعمالكم يدرون كل اقرباكم

لوكان تدرون الردى والمعاييب
صرتو مع المخلوق مثل خوياكم

خوالكم بالطيب تروي المغاليب
ولو تتبعون الجد محد شناكم

وش علمكم يتاركين المواجيب
حسبي عليكم هالردردى وين جاكم

يالله عسى اعماركم شمسها تغيب
يعتم قمركم ثم يظلم سماكم

يا علكم في حاميات اللواهيب
يالي على الوالد خبيث لغاكم

شفت الجفا والحيف والغلب والريب
بطلوعكم لابيض الله قراكم

اخسو خسيتو ياكبار العابيب
اهبو هبيتو يقطع الله نماكم



السؤال : اذا عرفنا شخص عاق بوالديه ماذا فعل به او كيف نتعامل معه ؟ [/align]