ماذا تقول لــ الشخص اللي في بالك ..؟؟

واسوق رجلي لك ليا قالوا هناك
ولازلت باذل للوصال اجتهادي
ولا تدري كم زعلت غيرك لعيْناك
وكم شلت من شانك حمولٍ شدادي

وتقول اكيد اني مع الوقت بسلاك
وأقول طال البعد .. وتقول عادي
ماقول غير الله حسيبك ومولاك
ومنه العوض فالمقبلات الجدادي

بأذنه تجيني تطوي الليل بضياك
اللي ليا جاني كئيب وسوادي
وان كان مانعك الحيى جعلي افداك
وان كان ماعندك عذر واستنادي
تعال .. واترك بسمتك تحضن شفاك
وارجع تراك اشقيتني فالبعادي

الحب واضح في عيون المحبين

مثل وضوح الشمس في ضحاها

الحب ماهو بكلمة وحرفين

أو سلعة(ن) من بغاها شراها

أسمع حبيبي قبل تعلن مباديك
أسمع تصبر دامني شفتلك جال
لا والذي سواك ماني بناسيك
مير الظروف اللي أزحمتني بالأشغال

شفني عشانك قاطع الدرب بجيك
دربٍ طويل ولا حسبنا له اميال
لاتظلم المجبر عسى ربي يهديك
لاتزيد همٍ فوق همٍ وغربال

واللحين دام أنها أجهرتني مواريك
بخبرك من بعد غيبتك بالحال
ضايق ولالي بغيبتك .. غير طاريك
وأداري دمعٍ عن عيون الملا سال
والشوق حارقني وأنا ميتٍ فيك
حتى من اهلي والربع خاطري مال

ماكنت أحسب أن الغلا في طواريك
يزيد لين ان العقل صابه اهبال
وانا مع العالم خيالي يناديك
وأهرج على نفسي تقل فيني اخبال
ياهم .. مالك غير قلبي يصافيك
حيث ان غيره بالبشر داله البال

تطرب على نوحه .. ودمعه يسليك
وتزيد همه زود عن ثقله أثقال
وأقسم قسم ماني على الكيف باغيك
مير ان قلبي لك من البعد منزال
عسى العوض ياهم في يوم أخليك
فرقاك .. لا شفته وناداني .. تعال

ابو العيون الواسعه والمهاليك
أبو جبينٍ لظلم الليل شعًال
ماتشوف له بالقلب قصر و مماليك
غلاه ثابت في فؤادي ولا مال
واللحين لو تحكي وتعلن مباديك
عندك خبر من بعد غيبتك بالحال