البل تولوها قلال المحاصيل .. اللي عزايمهم هزالٍ ورثه

[poem=font="Simplified Arabic,5,black,bold,italic" bkcolor="transparent" bkimage="backgrounds/27.gif" border="ridge,6,black" type=1 line=0 align=center use=ex num="0,black"]
الهاجس اللي دكبـي تالـي الليـل=اللي بحـث خافـي كنينـي وبثـه
وأضفى على جوّي هموم وغرابيل=وأدنى الزعل والبسط جاحه وجثه
حالة مساجينٍ عليها الدهـر ميـل=حنينهـا قطّـع فـوادي وغـثـه
اللي فحلها هدرته طلعـت سهيـل=سـودٍ سماريهـا وسـاعٍ وشثـه
البل تولوهـا قـلال المحاصيـل=اللـي عزايمهـم هـزالٍ ورثـه
عاقوا سلوم البل خبول ومهابيـل=والخبل لاجا سلم الأجـواد خثـه
يوم أشتروها جودوا الشبك بالحيل=وأرهوا جريشٍ جاب للـذود غِثـه
وقعد سنيـنٍ ماستجـد المنازيـل=ومن طول مجلاسه كلا الفرش عثه
عاقوا هواها عن وساع المداهيـل=رقاق الديار اللي مسـاسٍ ودمثـه
يازينها لامـا أنتـوت للمحاويـل=يبهج فوادي شوف مشـيٍ تحثـه
تبي لها قفرٍ سقـي بـأول الليـل=وشربت هبوبه بعد مالوبـل دثـه
البل تبـي قـرمٍ يـدل الدواليـل=يتبـع هواهـا ونوّهـا مايلـثـه
قطفت من بستان فكري شماشيـل=وقدمّت باقـة ورد ماهيـب كثـه

[/poem]