من علمك

[poem=font="Simplified Arabic,5,black,bold,normal" bkcolor="transparent" bkimage="backgrounds/20.gif" border="solid,5,blue" type=1 line=0 align=center use=ex num="0,black"]
من علمك تضغط زنادٍ بيمناك = ألا يمين اللي بوجهه سلاحك
ياما مشيت وأقصر خطاي لخطاك = حتى وصلت بقوتك وارتياحك
من ضيعتك جبتك على وجه دنياك = تنزف جروحي لجل تبرى جراحك
ولاقلت لك عطني ليا قلت لك هاك = متأملٍ تروي ضماي بقراحك
كنت أحسب إني لاتضايقت بنخاك = حرٍ على يمناي يكفخ جناحك
لاشك بانت صبغت الغدر وياك = غراب مالي بك وبطلق سراحك
خيبت منهو يااسود الوجه يرجاك = وعيون ترقب يوم حزة فلاحك
ياصاحبي غروك ذولا وذولاك = ناسٍ تبي موتك وتدعي صلاحك
لاينكسر عزك مع منهو أغراك = خلان ساعة فرحتك وإنشراحك
ياقربهم دام الزمن صافيٍ جاك = ويابعدهم وإن كان شدت رياحك
لا يقطفوا وردٍ نما عقب الأشواك = تموت ضايع ياعناك وكفاحك [/poem]

صح لسانك....

صح لسانك
وبصراحه ابيات رائعه

والله ابيات محسوبه بكل المعاني والشكر لك

ياصاحبـي غـروك ذولا وذولاك
.............ناسٍ تبي موتك وتدعي صلاحـك
.
.


ياقربهم دام الزمن صافـيٍ جـاك
..........ويابعدهم وإن كان شدت رياحـك

الله علييك يامحسن

الله عليك

صح لساانك وحرفك

اخوني الأعزاء ( رمضان العنزي ، سالم الشملاني ، أدميرال ، عالي الخيل ) يسعدني مروركم وبدعمكم ووجودكم نجود والمعذرة على الإنقطاع أحياناً وذلك لعدم تفرغي للكمبيوتر!!!!! ولكم مني الحب والتقدير

أخوكم / محسن علي الدعيجي الشملاني