المواقف رجاجيل

اضع هذه القصيده المتواضعه بين اياديكم
كأول مشاركه في هذا المنتدى الرائع
راجيا ان تنال استحسانكم


[poem=font="Simplified Arabic,6,white,normal,normal" bkcolor="transparent" bkimage="backgrounds/26.gif" border="solid,4,darkred" type=2 line=0 align=center use=ex num="0,black"]

الشعر واهس والمواقف رجاجيل=ومعنى الرجوله من معاني هدفها
ولاصارت الفكره مثل مهرة الخيل=ان طاوعت بالطيب والا نعسفهـا
والطيّبه تبغى صبورن وحلحيـل=وان مامشت له بالرضى يختطفها
وهذا زمانن منه شفنـا الغرابيـل=طيـب العوايـد كلبوهـا نسفهـا
لاوالله الا راح جيل وظهر جيـل=ناسن صراحـه ماتمثـل سلفهـا
وياقلب لاتحزن على مايل الميـل=وبعض المواقف لو تضايقك طفها
وحنا من الموجز نعرف التفاصيل=ناسن نسجلهـا ونـاس نحذفهـا
وياقلب ريّح خل عنـك التعاليـل=ومجالسن فيهـا تكـدرت عفهـا
مجالسن تجمع هل القال والقيـل=ونمامتن سبـل الغلـط تحترفهـا
وشعاد لو ساقو بها غالي الهيـل=مـادام نقـال النمايـم ولفـهـا
ناسن سواد قلوبهـا كنـه الليـل=متميـزه باشكالـهـا وتعرفـهـا
حرام ليديهـم تصـب الفناجيـل=ناسن على القاله تطـوّح غدفهـا
لو مالهم بالهرج كلـه محاصيـل=مافيـه قالـه مايجـون بطرفهـا
ولو الحقيقه كنهـا نجمـة سهيـل=لاجاك عطشان السوالف حرفهـا
ناسن سياستهـا نفاقـن وتمثيـل=الله يلعنهـا ويلـعـن جدفـهـا[/poem]




لكم اجمل تحيه

سعد سيف

[align=center]سعد سيف

مرحباً بك أيها الرائع

صح لسانك على هذا الإبداع

والله انه ليعجز الذي يحاول مجاراتك أيها النبيل

كيف لا وهاأنت تصافح ( بنيخيك ) أولى مصافحاتك

التي سبكتها كما يسبك الذهب .

كما أن منتديات الويلان عامة ومنتدى تعاليل خاصة تتشرف

بأن يكون شخص مثلك عضواً من أعضائها المميزين

فمليون أهلا بك بين أخوتك وزملائك ولانكتفي من عذب كلامك

فإننا نطمع بالروائع أيها الرائع .

ولك تحيات أخوك[/align]

[align=center][poem=font="Times New Roman,6,darkred,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

عز الله انك قلت واوفيت بالحيل = يا شاعر كل المداخل عرفها
صار النفاق اليوم مهنه لهالجيل = والساتر الله وش بقى من وصفها[/poem][/align]

سعد سيف

مرحباً بك أيها الرائع

صح لسانك على هذا الإبداع

الاخ الرائع المبدع سعد سيف

تحيه طيبه ومرحبا بك بين اخوانك وزملائك

بدايه رائعه وقويــــه
قصيده جميله جدا وصح لســانـــك
ونرجوا التواصل لنرى الاجمل

ولك خاااااااالص تحيات اخوك


الكابتن

الاخ طير شلوى

شكراً لهذا الاستقبال الرائع

ولهذا الاطراء الذي سرني

وانا هنا بين ربعي ويشرفني تواجدي بينهم

لك اجمل تحيه ايها الرائع

سعد سيف
صح لسانك وننتظر منك المزيد

الاخ طالب العرجان

شكراً لمرورك

لك اجمل تحي

الرائع
سعد سيف
لله درك حين تسكب الشعر...عطر
نص شامخ كأياك
هنا!!أرتويت من سلسبيلك العذب
دمت بكل نقاء سيدي..

القناص

صح بدنك وشكراً لمرورك العذب

لك اجمل تحيه