01-07-2006, 01:47 AM
|
#1 |
 تاريخ التسجيل: Nov 2005
الدولة: الرياض
العمر: 39
المشاركات: 734
معدل تقييم المستوى: 239  |
ديوان الشاعر علي العنزي الجزء الثاني
شـــمـعـه جـمـيـلـــه
** لا جرح ينزف دم ولا عروق زرقـى= يا لعنبوه الحـب مااقـوى فتيلـه انوح في صوتٍ خفي نـوح ورقـى= واصيح في صمـتٍ يهزلـه قبيلـه كل المدامـع بعـد فرقـاك غرقـى= لا للنظـر قـدره ولا اليـد حيلـه عقبك حياتي ليـلٍ اسـود وبرقـى= اسهر مع الاحـزان ليلـي واخيلـه ما تغمض اجفوني ولا اشوف شرقى= ما غير حا لـي كـل يـومٍ قليلـه امشي شمال ونيتـي اروح شرقـى= عقبك حياتـي كـل ابوهـا مليلـه وداع يحـلا كـل وداعٍ و فـرقـى= وداع يحـلا ذكـريـاتٍ جميـلـه لك في خيالي جرح و اوراق حرقى= ولك في عيوني درب عشره طويله ليت السحايب ينحنن يوم و ارقـى= وانسى الوداع المر لو كـا ن ليلـه يا ليت درب الحزن ما فيـه فرقـى= ودايم ليالي العشق شمعـه جميلـه ** كـنـت الـربـيـــــــــع ** كنت الربيع وعا لم الـورد والطيـف= وكنت البراءه والامـل والشفـا فـه وكنت الصحيح اللي تناقض مع الزيف= وكنت المطيع وكنت رمـز اللطافـه واليوم انت الحزن والليل والصيـف= وانت العطش والشمس وانت الكسافه ياحيف هاك الورد ياحيـف ياحيـف= ماتت معانـي ضمهـا فـي شفافـه ادمى قلوب اصحا ب وازعل مواليـف= واحرق رحيق الورد لحظـة قطافـه خلاص مابغى منك. . . . هذا ولا كيـف= قلبي نسى اسمـك وشكلـك وعافـه لوخيروني بيـن جمعـا ك والسيـف= لا اختار ضرب السيف اقصر مسافـه عذاب ساعه لـو تشيبـك وتخيـف= ابرك واحسن مـن حيـات ٍ سخافـه ** كــــف الـرجــــى ** فيني الرجى عودٍ من الكبـر مكفـوف= وفيني الأمـل إنسـان عاجـز يغنـي إن جيت أبي أشكي حالتي صابني خوف= وإن جيت أبي أسكت باح قلبي وسنـي وأن جيت أشوف الحلم قصربي الشوف= وإن جيت مع باب الرجـى راح عنـي في عيني اليمنـى سراديـب وكهـوف= وفي عيني اليسـرى تخاريـف ضنـي صار العمر قيفـان ودمـوع وسيـوف= وجـروح تضهـر كـل يـوم وتكنـي أطرد ورى الأوهام ضامـي وملهـوف= واغفي علـى كـف الرجـى والتمنـي كني سجين بسلسـل المـوت مكتـوف= يبكـي أسـى وجـروح قلبـه تونـي وشو بقالـه غيـر دمعـات وحـروف= اوجـهٍ مـن الماضـي وقلـبٍ يحنـي صار الحزن عنده معازيـب وضيـوف= وباتـت مـع الأحـزان نفسـه تغنـي ** مـن الـقــهــــــــر ** من القهر صاحت حـروف الكتابـه= ومن القهر صاحت من الحبر الاوراق جاب القلم اللـي بـدى فيـه جابـه= يبقى على جسر الامل جسر الاشواق جفت دموعي وسيل الجفـن مابـه= مدري متى في درب الاحزان مشراق الحـزن والآهـات والنـوح غابـه= في داخلي ما تحتوي غير الارهـاق أنا الغريـب اللـي همومـه زهابـه= أنا العليل اللي مـن الهـم مافـاق كثرت علي ألـوان همـي وعذابـه= همٍ يجي وهمٍ على القلـب ينسـاق ضاقت ضلوعي وضيق الصدر مابه= وسالت دموع العين من فوق الاوراق ** ســــــود الايـــــــــام ** يامزنة ٍ هلـت هواجيـس وهمـوم= تسوقها الاحـزان يامـا اغمرتنـا تسوقها جروح المعاليـق واللـوم= يامـا ابتلينـا ابنوهـا وابتلتـنـا بقلوبنـا قـوم ٍ وبجفوننـا قـوم= مانفتـرق واظروفـنـا فرقتـنـا حنا شكينا الهـم بلسـان محـروم= ومن كثر مانشكي الهموم اشتكتنـا نرجي السحاب اللي به الخير مردوم= وصام السحاب وسود الايام جتنـا نومي بسيف ٍ من عنا الوقت مثلوم= نبغى نزيـح اهمومنـا واحضنتنـا صرنا كما جرف ٍ من السيل مدموم= يامـا طـروق الحـزن مالحنتنـا يسوقنـا هـم ٍ ويرقـى لنـا لـوم= ومن وين مادار الرجـى صادفتنـا انصارع الايـام يـوم ٍ بثـر يـوم= واثـري الليالـي بالوهـم بايعتنـا ** خي الغصايب ** تكذب وتكذب تحسب انى مصدقـك= ادري بكذبك لكـن القلـب ذايـب والله واللي كون الكـون كاشفـك= بـس البـلا مانيـب والله تايـب لا تحسب انى فاضي ٍ لك واراقبك= علمك يجيني مثل وبل السحايـب مانى بمبعد عنك ولاني بهاجـرك= بابقى اتابـع قصتـك والعجايـب تابع مسيرك واعرف انى مسامحك= دربك خضر ياغرب جميع الغرايب سولف وسولف والله انى مااقاطعك= اكذب وكني عنك مبعـد وغايـب والله انـا عاجـز اردك واعانـدك= بالي مهو رايق لمخطتي وصايـب اقفـز مطباتـك ابـد مااراجعـك= انت الذي صالح ولو كنت خايـب منهو اجامل كان انـا مااجاملـك= اكذب بكيفـك يالعيـن الصلايـب مقبول غصب وطيب ماصابني منك= هذا هو اللي مثل خـي الغصايـب وش رايك انى اقدر اجمعك وانثرك= لكن انا مابغـي همـوم وطلايـب تخيل انى اترك الطيـب واغـدرك= ويرد قلبي منك عايـف وطايـب وش حيلتك كاني على الود باجبرك= ويصير دمي فيك ذايـب ورايـب احذر واحذر لا اهينـك واحطمـك= واترك جروحك مع دموعك حبايب وقبل القبر بيدي ادفنـك واقبـرك= تـدري اسوهـا ولا نيـب هايـب اصدق ولا تكذب ترى الكذب يعدمك= يجعلك ريشه في مهـب الهبايـب احذر تجيب العيد عندي واخاصمك= ترى الغضب ياتي كتايـب كتايـب مـلـيــون ذيـبـي ** كلمه تجيب القلـب وكلمـه توديـه= جرح ٍ يطيب وجـرح لا مايطيبـي سهم ٍ ماهوصايبك ماصـاب راميـه= وسهم اكتب لك لازم ٍ انه يصيبـي ماكل قلـب ٍ قـادر القلـب يغليـه= ولاكل من يضحك بسنـه صحيبـي احـدٍ اليامنـا فقـدنـاه نرجـيـه= واحد ٍ معانـا وكـن عنـا غريبـي من لا نفعني دامنـى حـي مابيـه= وش عاد لو انه صحيـب وقريبـي من لازعل في حـق لا لا ترضيـه= خله يبي يرضيـه وقـت ٍ عجيبـي ومـن لا يعـزك اتركـه لا تباريـه= من جاب زيـه قـادر انـه يجيبـي ترى البناء الياصار هشـه مبانيـه= مايصمد ابوجه الزمـان الصعيبـي تخلط ظروف الوقت عاليـه واطيـه= وتقعد مع لحـن المـوادع تجيبـي سايف زمانك لا تعكسـه وتعصيـه= خلى الزمان اللـي بمهـده يشيبـي لا تحسبنـك قـادر انـك تخطيـه= ينداش راسك بين شـرق ومغيبـي احـذر بسـرك لا تشـره وتبديـه= خلك على سـرك خفيـر ورقيبـي تـراك تبلـش لا بديتـه بتالـيـه= الياظهـر واصبـح زرات ومعيبـي والشخص لا منه ظهر عن مباديـه= قلت حلاتـه لـو لسانـه رهيبـي اللي عطاك احرص على ان تعطيـه= لا تترك ابقلبـه شكـوك ٍ وريبـي لا تحسب انك كـل شـي ٍ تسويـه= ان كنت ذيب ٍ فيـه مليـون ذيبـي واللي يبيعك لا تسومـه وتشريـه= مادام مالـك فـي رحيلـه طليبـي خله عسـى دربـه لدربـه يوديـه= لاانتى حريبٍ لـه ولاهـو حريبـي واعرف ترى الياحتجت جيبك تلاقيه= سيف ٍ مجرب في يمينـك عطيبـي وحذراك جيب ٍ غير جيبك تراعيـه= جيبك ترى يالقرم ماهـوب جيبـي ولا لا تقول فـي زمانـك وتشكيـه= اعمـل اذا تبغـى زمانـك يطيبـي من ساق في درب المهونه خطاويه= يعيش ماعاشـت عيونـه كئيبـي ومن ساق في درب المراجل مساعيه= ونزه طريقه عـن هـوان وزريبـي هـذاك عنـى ماتـردى هقـاويـه= يبقى عزيـز ٍ ليـن نفسـه تغيبـي قلته وانا سايـق زمانـى وحاديـه= اسوق وقتي مثـل لحـن السبيبـي جرحي بيدي اعتنـي بـه واداويـه= ماقبل انا اطلع من زمانـى غليبـي ان مابرى جرحي ازيـده واعزيـه= ماقعد ألوم الوقت وانـدب نصيبـي ** يـــــــــــــــــانـــجـد ** يانجد لو صكت جميع الشعارات= ماهزوا اسمك في قلوب المحبين انتى لنا يانجد شمس البدايـات= وانتى لنا يانجد اول وهالحيـن نغليك ياساس الشيم والمـروات= نغليك يامهد الفخر والعضيميـن كان الجنون ابحب ليلي روايات= حنا بحبك ياعروسـه مجانيـن غيرك زمانه ماتعـدى البدايـات= وانتى زمانك فاق كل القديميـن تعددة يانجـد فيـك الشعـارات= يوم (ن) كثير الناس للدين ناسين حتى حكمك اللي رقى للطويلات= عبدالعزيز اللي نهج منهج الدين عبدالعزيز موحدك بالصعيبـات= يانجد لاتنسيـن فعـل الوفييـن ** طعنتني في سيف غـدرك بيمنـاك ** عمرك طلبت أي شي مني ولا جاك= عمرك بغيت أي شي منى وعصيتك انا اللـذي قلبـه يـودك ويبغـاك= انا اللذي بعت الجميـع وشريتـك اتبعك وامشي معك وافرح لممشاك= ومن دون لدري اليا تركتك نصيتك ضحيت في دنياي لجلك ولرضـاك= حطيت كل الكون خلفي وخذيتـك اشوف نفسي فيك وافرح لطريـاك= ماهو لجل حاجـه لانّـى بغيتـك انت الوحيد اللي خفوقـي تمنـاك= وكل الذي تبغـاه منـى عطيتـك واليوم ماتت ضحكتي في زوايـاك= سليت سيفـك ليتنـي مارجيتـك طعنتني في سيف غـدرك بيمنـاك= لا وخسـاره ليتنـي ماهويـتـك ياليت كان ارتـاح قلبـي بفرقـاك= ومن ويوم شفتك ليت ماكنت جيتك رح بطريقك صّـد قلبـي وخـلاك= رح بطريقك من حياتـي طويتـك ماعاد ابي ودك وقربـك ولا مـاك= مثلك مثل أي شي مّـر ونسيتـك ** ظيــم الايـام ** جيتك وانا اللي اشتكـي ظيـم الايـام= جيتك وانا اللـي شـاف بالوقـت ذلـه جيتك أجـر خطـاي عانـي ومنظـام= جيتـك وجسمـي دم الاوهـام مـلـه اسهر طوال الليـل صاحـي ولا انـام= اكـف سيـف الهـم وارجـع واسلـه احيـان اقـول العمـر باقـي لـقـدام= واحيـان اقـول العمـر ضيعـت كلـه مليـت انـا اشكـي للدفاتـر والاقـلام= مليت من هـم (ن) سنـا الظلـم ظلـه العمـر كلـه هـم وجـروح واوهـام= ضيقـه وحـزن وغـم دقـه وجـلـه حتى السوالف صارت سمـوم والغـام= ماعـاد يعـرف قلـب الاحـزان خلـه جرح (ن) من الحاظر وجرح (ن) من العام= هـم وألـم والفيـن عـلـه وعـلـه اذا نخيـت السـاق عـيـا ولا قــام= واذا نخيـت القلـب مـات أبمحـلـه صـارعـت فــي دنـيـاى آلام وآلام= وصارعت سيف (ن) صاب الاضلاع غلـه ياما ضحكت ابوجـه وقتـي والاحـلام= ويامـا مشيـت وكـل فـج (ن) ادلـه واليوم صرت الشرق والغـرب والشـام= والشيـب والهوجـاس والهـم كـلـه ** للحلم حزاةٍ وللعرف شاره ** سيف العطش يشكـي مـن الضيـم جـاره= وسيف العطى يعطي عطـى غيـر محـدود المـشـكـلـه لازر غــيـــرك ازراره= يشـره عليـك وقفـل الابـواب مـوجـود احد (ن) يـقـفـل دون الاجــنــاب داره= واحد (ن) زعل لامـن لقـى البـاب مـردود احد (ن) طفـت مـن بعـد ماشـاب نــاره= جوه العيـال وشالـوا القشـع والعـود (1) واحد (ن) عقـب ماشـاب مثـل المـنـاره= جوه العيال اللي ارفعـوا قيمـة العـود (2) واحد (ن) بقلبـه قــو بــاس وجـسـاره= واحد (ن) بقلبـه خـوف وارعـاب مولـود ماينعـرف ليـل الدجـى مــن نـهـاره= كـل الوجـيـه تـثـور ملـح (ن) وبـارود للحـلـم حزاة (ن) ولـلـعـرف شـــاره= ولايستوي شـي (ن) علـى غيـر مجهـود مـن عظتـه دنـيـاه كـثـرة اعــذاره= يشكـي مــن الدنياحزين (ن) ومضـهـود الله مــن هــم (ن) كـوانـى بـنــاره= صاب الخفـوق بسيـف شاطـر ومبـرود عزيـت عـمـر (ن) راح مـنـى خـسـاره= كلـه ألـم واوجـاع وجـروح وجـحـود مــع السـلامـه يالـزمـان وشــراره= كـل الليالـي بيـض لـو جبتهـا سـود ** قالوا: غريب؟ وقلت: وين الغرابه ** قالوا: غريب وقلت: ويـن الغرابـه= مادام هذا المجتمع كلـه اغـراب مادام جرح القلب كل (ن) رضابـه= نبقى على طول الدهر مثل الاجناب كل الضروف اللي علينـا تشابـه= الموت واحد والمنايـا لهااسبـاب يامنتظر بعـد السـؤال الاجابـه= الليل طول والقمر بالدجى غـاب وش عاد لو حنا عمـام ونسابـه= العرق واحد والمنافـع للاجنـاب وش عاد لو فينا عنـاد وصلابـه= للوقت سيف وللهواجيس مصلاب كم واحد (ن) راحت ملامح شبابـه= راحت حياته بين ناسـي وكـذاب من وين ماجينا الامل صك بابـه= وتخالفت بدروبنا هموم وانشـاب يالعنبـو هالوقـت لابـو عذابـه= لابو حياة (ن) كلها اهموم واصعاب |
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ضنا محمد ( الولد ) من الفدعان | سيف الجوود | منتدى تاريخ وامجاد القبيلة | 14 | 05-06-2008 02:22 PM |
| قبائل وتفرعات ووسوم ومواطن قبائل الويلان | ولدعي مغيرا | منتدى تاريخ وامجاد القبيلة | 12 | 02-23-2008 08:12 AM |
| قبيلة ولد سليمان | سيف الجوود | منتدى تاريخ وامجاد القبيلة | 22 | 02-17-2008 11:45 PM |
| القسم الثاني من الفدعان | الحيداوي | منتدى تاريخ وامجاد القبيلة | 0 | 05-20-2007 08:49 AM |
| ــــ (((بحور الشعر وأوزانة ونظمه))) ـــــ | سالم العياشي | منتدى الشعر المنقول | 0 | 05-04-2007 07:33 PM |
الساعة الآن 01:36 PM.