اٍهبال مابعد الأربعين .........؟

مقاله للكاتب ( البرادعي 2 ) في الساحه السياسيه :

..... الواحد فينا ... وخصوصا في فترة ما وراء "الاربعين"... تطلع له هوايات غريبة ... وانا بصراحة لي كم شهر .. وانا طالعت لي هواية .... تخوف.. وهي ما يسمى علميا "محاكاة الذات"... بمعنى .. الواحد يدق حنك مع نفسه , وخصوصا قبل النوم ... يقولون انها بداية "اكتمال العقل, و الولوج الى عالم العبقرية".. بس واحد الله يهديه .. يقول انه بداية الهبال.

اذا جت الساعة عشر.. أدخل غرفتي عازم أمري للنوم مبكرا ... فشيلة كل يوم أقوم متأخر.. واذا رحت الظهر للعمل, تلقى المدير مبرطم ويذب حكي ماله داعي.. الا بيسمعه يعتقد ان الدولة تحتري ابو البرادع ... وبعدين التأخير طبيعي في بلدنا .. بالعكس.. انا ازين من وزير التعليم العالي.. يقولون انه في أول يوم رمضان لقوه يتمشى في وزارة الصحة ... يحسبها وزارته ... أمحق دوام

المهم .. أذا جت الساعة تسع ونص "ادري ان بعضكم يقول ان البردعي قبل شوي كاتب الساعة عشر والحين كتب الساعة تسع ونص... كيفي.. الموضوع موضوعي".... اذا جت الساعة ست المغرب ادخل غرفتي عشان ارقد ... وابدأ اسولف على نفسي كني داخل الغرفة معي .. "والله يا بعض الناس بيفحط على جملة .كني داخل الغرفة معي"... وخذ سواليف.." يالله يا بو البرادع .. الحين الساعة سبع وعندك وقت تتبطح في سريريك الين تجي الساعة سبع الصبح .. وتروح للدوام مبكر"...." بس والله حرام .. اركد الساعة على سبع واترك صلاة الفجر؟؟... الواحد يخاف من ربه أكثر من مديره والا لا يا بو البرادع؟" .... " ايه والله .. وهذي الساعة ركدناها على سبع ونص"... وان شاء بأقوم الفجر من شبعة النوم"...... " على طاري الدوام ... اذكر ان المدير طلب مني شي؟؟؟ ... وشو يا ربي؟؟.... وشو يا ربي؟؟... ايه ذكرت ... يقول لا توقف سيارتك ورا سيارتي .... لا هالمرة .. بكرة باجي قبله وأوقف قبله في الموقف ... واخليه هو يوقف سيارته ورا سيارتي ... قال مواقف كبار الشخصيات قال... ابوك يا مدير الطل , حنا نشتغل في شركتك ابوك عشان تاخذ موقف لك؟؟....... "كويس الحين الواحد يقدر يرقد على راحته" ..."بسرعة نم يا بو البرادع لا يطلع لك شمطمط ويقعد يسولف .... تراهـ توه طالع من آدمي, وحاس بفراغ .. يجي ويبلشك".

شمطمط: تراي اسمعك

"افااا .. هو موجود ؟؟...... طيب وشلون سمعني وانا احكي في سري؟؟..... تدري يا بو البرادع طنشه لا وتعطيه وجه ثم يبلشك بالقرقه"

شمطمط: قرقت راسك المغرفة ... اصلا انا طالع ... عندي كشته مع بعض العفاريت .. بروح تايلند وما جيت الا عشان أودك.

"طنشه يابو البرادع .. تراه كذاب .بس يبغا يسحبك بالكلام ....ملعون يعرف انك ما تسمع بأسم تايلند الا تفق حنكك ولا تسكت... طنشه .. وخله يطس"...

"اشوفه ما يرد .... يمكن راح ؟؟... والله الواحد ما يدري هو راح والا جاء ..... هذي آخرت اللي يمشي مع الجن"...."على طاري تايلند.... وشلون بأقدر اسافر اذا تزوجت هالصيفية؟؟؟... والله البلشة؟؟"..... "بس .. اكثر ما كثر الله هالانتدابات .... افاااا .. نسيت .. وش اقول لأمي عن الخمسة وعشرين ألف ريال مهر زوجتي؟..... والله البلشه؟.... اقولها معلق في أم الدبش؟؟..... هذي غلطة اللي يسمع نصيحة دحيم الاحول .... مسيكين .. أحول وشلون يجيب علم .. ميه في المية بيصير في توصيته في الاسهم شي عكس كلامه .... اذا قال المواشي نسبه فوق.. فإما انها سابك .. أو ان المواشي نسبه تحت"...." اقول ابو البرادع .. الساعة عشر... لا تتأخر في نومك ثم تتاخر عن صلاة الفجر".... "على طاري الفجر... لو فرضنا ان هالمرة زبطت معي وقمت الفجر... ظنك بتلقا الجيران؟"...."اذا شفتهم, مية في المية بتلقى الوجيه غلط .... الله من كثر الغمص في عيونهم... وععععععع"...." على طاري وعععععععع .. وش اخبار ابو نشقة؟.... الخسيس ما جاب لي البلايستيشن حقي..... يا خوفي راح يبيعه بدال قروشه اللي عندي.... انسان مادي ويسويها"......... "على طاري يسويها ...انت وش سويت ؟؟؟ ليش تكتب موضوع طميشة ؟... مالك حق.... ما تخاف الربع يفقعون وجهك؟؟.... جايب طاري ابو متعب؟.....انت ما تعرف ان الناس تحبه؟".. "والله حتى انا احبه بس الطبع الردي ... وش اسوي؟... تدري .. وش رايك ألزقها في البربهاري؟؟؟ اقول هو سرق يوزري وطلع الموضوع بأسمي... وان شاء الله المعازيب بيصدقوني.. ومنها نفتك منه؟..... الا طاري البربهاري... انفلونز الطيور ما تصيب البرابر؟"..... "الحمدلله ...وشلون تصيبها .. يقولون انفلونزا الطيووووور .. مو جنون البقر"...."صدق... وش اخبار تركي الاحمد؟..... والله حسافة ... كان قرة عيني في المنتديات ... الله يذكره بالخير .... ظنك انهم زقوطه؟".... "والله يمكن .... هذولا يعتقون احد" ...."طيب ليش ما أكلم له نمر بن عدوان.... يقولون ان بن عدوان واصل مع المعازيب"... "لا انا سمعت انه واحد من عيال المعازيب" ..... "أف يا شيخ لو انه واحد من عيال المعازيب, واخش معه عرض... ويصير صديقي"...." انت كفو تصير صديقه .. قل تصير مرافق"...." مرافق مرافق... مو مشكلة .. المهم اصير امشي معه"...." يا سلام .... تخيل انه يصير صديقك .. ويصير هو عبدالعزيز بن فهد"...."يا سلااااااااااااام .. والله روعة .... والله يا بألعب لعب"......" ايه بس لازم تصير ثقل... يعني لا تعطيه وجه من أول مرة .. كأني ماني في حاجته .. وبعدين لازم ما اصير مادي من البداية ... يعني لو اتصل علي عبدالعزيز وقال لي "ودي ومناي انك تخاويني للبنان"... لازم اصير ثقل.. ولا اردهـ .. بس اقول له "والله يشرفني يا بوفهد, بس فلوسي كلها في سابك ... والا ودي اخويك".... "طبعا هو بيقول لك .. "خل فلوسك يا بو البرادع .. انا بس ودي انك تشرفني"...." وانا طبعا اقول" الشرف لي طال عمرك.. بس الواحد ما عندهـ ثمن التذكرة او السكن والمصروف".. طبعا هو بالتأكيد بيقول لي "هذي خمسين ألف دولار"... بس؟؟... لا لا... بيقول لي خمسمئة الف دولار وفيلا وكابريس . هذا عبدالعزيز بن فهد والرزق على الله"..."افااا ابو البرادع .. الساعة وحدة ونص .. ارقد .. تراك بديت تتأخر"......"والله بلشه ... آخ بس لو اتعرف عليه .. كان بلا دوام بلا خرابيط" .... "ظنك لو تتعرف على عبدالعزيز .. بيدبر لك وظيفة زينه؟"... "اكيد ......لا يقل عن وزير" ... "اخسسسس .... وزير .. والله كان ادق صديرية مثل المانع واجلس أترزز في التلفزيون"..." وتبدا الواسطات .... والناس اللي تبغا تصاريح"..." بس لازم اصير وزير نظامي... ما تمشي مع الواسطات .. واكشف السرقات .. وألغي البيروقراطية .... ويجيني ابو نشقة .. واخليه وكيلي على شؤون المالية .. منها يكون تحت عيني عشان احافظ على فلوس الوزارة .. ومنها ياخذ ديونه اللي علي من قريب"...."ظنك يا بو البرادع ... اذا صرت وزير , وسرقت ... ظنك بيدخلونك السجن ... وتروح النار؟"..." والله ما اعتقد ... ربعنا حبيبين .. ويحبون يسامحون الناس... وبعدين هذا مال عام .. يعني لنا كلنا.. وما تعتبر سرقة"..."واكيد اني ماراح اسرق .. اعوذ بالله .. بس كل مشاريع الوزارة بأخليها من نصيب شركة أمي .... وانا اصرف لي انتداب كل شهر خمسة واربعين يوم .... وبعض التجار .. اكيد بيعطيني هدايا .. واحد بيعطيني كابريس .. والثاني بيعطيني ارض..... واحد بيخليني اسافر بطيارته ... واذا سافرت , بأخلي ابو نشقة يبيع وظائف للاجانب في لبنان .. نجيب ممرضات لبنانيات بدال الفلبينيات اللي عندنا .... ويصير فيهم ايدز مثل البلغارايات اللي جابهم المانع ....يا سلاااااااام ... ويصير لي هيبة حتى في لبنان"...."أسمع اسمع يا بو البرادع..... .. كنه يأذن الفجر.... طيب اقوم اصلي والا..... والا ارقــ ... خخخخخخخخخخخخخخخخ"



الساعة الثانية عشر ظهرا

المدير: توك جاي انت ووجهك؟؟ الحين مو متفق معك امس انك ترقد بدري

ابو البرادع: والله اني داخل غرفة النوم من المغرب .. بس ... بس احترق بيتنا.



ظنكم ... هي بداية الطريقة الى العبقرية ... والا الطريق الى شهاااااااااار

لقناص من وين جبت احلام اليقظه هذي

ودنا اللي ببحر الأربعين ان يعبرون عن عبقريتهم مثل ابو البرادع

وانا لأني على ضفاف الأربعين تجيني بعض الطراطيش اللي تبشر بالخير

[frame="2 90"][align=center]بسم الله الرحمن الرحيم
السلام عليكم ورحمة الله وبركاته


القناص
شكرا لمشاركتك البرادعيه
ونحتاج جميعا للخلوالى اذتنا والحدي ثالىانفسنا لعلنا نتوصل الى حقيقه اذتنا

ننتظر جديدك



علىالخير والمودة والمحبه نلتقي
أجمل تحية وأرق سلام [/align][/frame]

أبو وائل .....
الوايلية .........
......... أشكركما على المشاركه ......

النثر والخواطر ...... الخواطر والنثر

القناص ..............تسلم


بس هالبرادع...........قرقر....كتير...........(عورلي راسي)

أييييييييه ... وحشتينا يالقيثـــــــــــــــاره ...!!

هههههههههههههههه

القناص من جد تتكلم

توني اقرا الموضوع من جد روعه اهبال الاربعين الله يستر من الخمسين

تقبل تحياتي

دايمون ........ مشكورة على المشاركه ..






.

[align=center]هههههههههههههههههه
القناص حلوه هذي حقت وزير التعليم

الله يكفينا إهبال الأربعين والخمسين والستين [/align]