قصيده وموقف لعبد اللطيف الشملاني

[align=center]السلام عليكم ورحمة الله وبركاته وبعد

يسعدني الانظمام الى هذا الصرح الشامخ آملاً ان لااثقل على احد وان افيد واستفيد

واول مصافحه لي هي قصيده لأبن العم

الشاعر / عبداللطيف بن غلسان الشملاني العنزي

وهو موقف تبينه القصيده ولا اطيل عليكم


وبسم الله[/align]



[poem=font="Simplified Arabic,7,black,normal,normal" bkcolor="transparent" bkimage="backgrounds/33.gif" border="none,4,gray" type=0 line=0 align=center use=ex num="0,black"]
سلام سالم سلسبيلٍ سما عم=سلام سلم اسلام انا ساميٍ عال
اهلا هلا فيكم وابااستاذن العم=يسمح وابااستاذن انا منك ياخال
موضوع مزعجني وفيه الله اعلم=والصدر تقل مفجرٍ فيه زلزال
وش رايكم باللي مسمينه القرم=والله وله تقدير في كل الاحوال
جيته بلي حاجه وقال ابشر وثم=قعد يسولف بالقبايل والانسال
ونشده واحد نومس ياشيخ وش هم=قال النوامس ماهم عنوز من قال
وهالحين خذها كاش في وجهك وقم=لاابوك لابواصلك لابو عقب الانذال
منت بكفو تقدير ولاني محشم=رجلٍ على ربعي تجراّ بالاقوال
حجمك بعيني كان ياهيه تفهم=بشتك بمرتبتك ترى ارخص من انعال
وصدر المجالس عيب من جنسك يتم=احسبك محزم صرت جرد من احبال
خوتك عار واكبر خزى يوم تعزم=بجيتك ماشرفت مجلس ولا دلال
ياشيخ منت بشيخ والله توهم=لو جيت فيهم صدق بالسوق تختال
بسوق المراجل مايقولون لك بكم=جدك ربى بالقيد والخزم وعقال
جابتك امك بالحرم جنب محرم=عبد مهجل لابعد زايد هبال
النومسي لاتجيب طاريه تندم=الملح بريالين يالعبد وريال
اعيال نومس كان ماتدري اعلم=جعافره صلب العواجي من ابطال
منا وفينا وكلنا لحم ودم=ومن يسندونه يرتكيله على جال [/poem]
[align=center]وسلامتكم

مع اجمل التحايا [/align]

حياك الله يامحمد الشملاني وبمصافحتك ونفتخر نحن ايضا بانضمامك لمنتدى الويلان ومرحبا بك وبابن عمك عبداللطيف الشملاني فلكما منا وافر الشكر والتقدير

وونتظر مشاركاتك

ومليون هلا وغلا والنوامسه بلا شك انهم منا وفينا ومن يقول غير ذلك يغالط الحقيقه ويهفي حظه

[align=center]محمد الشملاني

شكراً لك ومرحباً بك

وصح لسان الشاعر أما بخصوص الأنساب فلايسأل عنها إلا عالم بها

أذكرك أخي الكريم عندما كان رسول الله صلى الله عليه وسلم يعرض نفسه

على قبائل العرب كان يقدم أبو بكر الصديق رضي الله عنه لأنه كان نسابةً

يعرف أنساب العرب .

وأقول لك من يقول أن النوامسه ماهم من عنزة فهو يجهل أنساب القبيلة

وأكرر ترحيبي بك وآمل انضمام الشاعر عبداللطيف الشملاني إلى كوكبة بنيخيه

ولك التحية[/align]

[align=center]رمضان العنزي


اشكر مرورك الكريم واشكرك على ترحيبك الاجمل


والنوامسه مثل ماقلت طال عمرك منا وفينا ولا فيه شك


لك مني فائق الاحترام والتقدير[/align]

[align=center]طير شلوى

اشكرك على الترحيب ولاهنت

والرجل العاقل يعي بأن النوامسه عنوز بلا شك


تقبل من اخيك فائق احترامه وتقديره[/align]

[align=center]محمد الشملاني

السلام عليكم,,,,,,,وبعد


اشكرك جزيل الشكر على نقل هذه القصيده الجميله

وصح لسان قائلها / عبداللطيف الشملاني

ويسعدني ويشرفني ان اضع ردي على هذه الرائعه التي اتتنا من شاعرٍ رائع



وبسم الله نبدأ[/align]


[poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
حييت ياصوت سمعته ترنم=بأبيات شعرٍ قالها خير من قال
عبداللطيف اللي بفعله تزعم=لاهل الوفا واهل الوفا قول وافعال
قوله ليا منّه بغا تمته تم=وافي ويوفي باللقاء كل مكيال
صنديد قلبه ماتزعزع ولااهتم=يحط بعيون الاعداء شوك واخلال
حرٍ ولد حرٍ محنك وابن عم=يسلم لسان معرّب الجد والخال
من روس قوم شربها صافي الجم=عند الملاقا شربها جم وزلال
من لابة السلقا هل الجمع الاكرم=نارٍ تلظى باللقا تشعل اشعال
بعمار جد وعد علم محكم=ماهي سوالف ليل ياحيف واخبال
ماهي اعلوم اللي يخم الخبر خم=اللي يحسب ان النسب عند دلاّل
اللي بحزات اللزوم يتقزم=مهما بلغ من منزله لاجل الاموال
شم الفتيله ياردي النسب شم=مايستوي فوق الفرس غير خيال
كان انكم صمٍ بكم نسمع الصم=وليا سمعتوا وش ورى عوج الاذيال
اللي ترم العلم مثل الدبش رم=تلهم ولاتفهم من ادقاق واجلال
تبغى تندم مير مهما تندم=راحت عليك السالفه مابها اجدال
ابوك حنا يالردي مانتقسم=حنا سلايل وايل العود ياحثال
جمع العواجي كان جو السما اظلم=جمعٍ يزلزل قاسي القاع زلزال
نوامسه تبغي تعلم تعلم=من نومس بن دليم من ليث الاشبال
صقر العلي ترثة سليمان تفهم=ترثة عبيد مقيدّ الخصم لاعال
من بشر بن عناز علم يعمم=على جميع اللي يخدمون الاجيال[/poem]

[align=center]وسلامتكم


الشاعر / ماضي بن صبر النومسي العنزي ( الصقار)[/align]

[poem=font="Simplified Arabic,5,darkblue,bold,normal" bkcolor="transparent" bkimage="" border="double,4,crimson" type=0 line=0 align=center use=ex num="0,black"]
حييـت ياصـوت سمعتـه ترنـم=بأبيات شعرٍ قالها خيـر مـن قـال
عبداللطيـف اللـي بفعلـه تزعـم=لاهل الوفا واهل الوفا قول وافعـال
قولـه ليـا منّـه بغـا تمتـه تـم=وافي ويوفي باللقـاء كـل مكيـال
صنديد قلبـه ماتزعـزع ولااهتـم=يحط بعيون الاعداء شوك واخـلال
حرٍ ولد حـرٍ محنـك وابـن عـم=يسلم لسان معرّب الجـد والخـال
من روس قوم شربها صافي الجـم=عند الملاقـا شربهـا جـم وزلال [/poem]



[align=center]هلااااااااااااااااااااا ومليون هلا يا ابو فيصل[/align]

[align=center]طيبت كبدي بهالقصيده وعبداللطيف الشملاني حر ولد حر كما ذكرت ويستاهل المدح

ومليون تحيه للأخ العضو محمد الشملاني العنزي[/align]

[align=center]محمد الشملاني


السلام عليكم ورحمة الله


لاهنت على النقله الجميله وصح لسانك و لسان قائلها


ويسعدني ان اشارك اخوي ( الصقار) بالرد على هذه القصيده[/align]



[poem=font="Simplified Arabic,6,black,normal,normal" bkcolor="transparent" bkimage="backgrounds/6.gif" border="none,4,gray" type=1 line=0 align=center use=ex num="0,black"]
بديت بسم اللي خلق حاسة الشم=اللي خلق جيلٍ ومن بعده اجيال
اللي كفل طفلٍ على حافة اليم=ساعة وفاة امه ولافيه الازوال
وبقدرته سبحانه الفرد الاكرم=صار اليتيم مجاهدٍ ضمن الابطال
من بعدها بشكرك ياللي تكلم=كلمة وفا مع حق من فم رجال
يومه حكا بالنومسي عبد منخم=وجاه الكلام اللي تقل طعن سلال
وقفه في حده بعد قالّه اكتم=وقومه من مجلس حوى كل مشكال
واعطاه من نظم القصايد تقل سم=ابيات ينظمها على قافية آل
عبداللطيف اللي بوصفه بالجم=لياتلاطم هدم اقصور واجبال
سعد الضعيف اللي برى حاله الهم=وعز القبيله مابها علوم واجدال
من روس قوم في نهار الملاطم=بوجه الخصم شلفا وعلباته اخلال
شملان هم للخصم همٍ وهم غم=وسعد الرفيق وعزه بكل الاحوال
من لابةٍ تبعد بعيدٍ عن الذم=من لابة السلقا سقم كل من عال
واقبل سلامٍ صافيٍ من ولد عم=اعداد مالاحت بروقٍ من اخيال
واخير مابنهي كلامي وابختم=صلوا على محمد عدد عد الامثال[/poem]


[align=center]وسلامتكم


وتقبلو فائق الاحترام والتقدير


تركي النومسي[/align]

ما شاء الله على هذه الروائع

وين محمد الشملاني ؟؟؟

هلا والله

الله يحييكم وبيض الله وجيهكم


الشاعر / ماضي بن صبر النومسي العنزي ( الصقار)


صح لسانك والله يعطيك العافيه ماقصرت بيض الله وجهك وماعليك زود


الشاعر / تركي النومسي العنزي


صح لسانك وحياك الله وماقصرت بيض الله وجهك لاهنت وماعليك زود


والشاعر / عبداللطيف


ماقال الا الحقيقه بيض الله وجهه


فأنتم ربعنا ونفتخر بكم

والقصائد ستصل شاعرنا عبداللطيف بأسرع وقت بإذن الله تعالى



ولكم مني كل الوفا والتقدبر



واشكرك يامديرنا على مرورك الجميل


والتواصل لاهنت



ولك مني فائق التقدير