الدحه الشماليه

و الله مبطي ما حطيت موضوع قلت يلا احط موضوع واحد علشان تذكروني فيه عقب ما اغيب عنكم <<< لا تستانسون بغيب اسبوع بس :

جيتكمممم اليووم بموضوووع صج انه طويل بس والله ممتااز ومفيد بس لازم تراعون اني عانيت اشد انواع المعاناة علشان اكتب الموضوع هذا معاناة نفسيه و اجتماعيه و الاهم من هذا و ذا المعاناة الماديه :و انذليت اشد انواع الذل علشان بس يعطوني كم معلومه و كل ما قلت لواحد تكفى ابي معلومات عن الدحه عطاني قائمه من الطلبات اللي يقول: جوالي ما فيه رصيد عبلي و انا اعطيك معلومات <<< بلا بشكلك انا اللي داق عليك

و اللي يقول جوووعان وابي اكل و انا اعطيك معلومات <<< وكالعاده لازم اخرج عن الموضوع شاطف ثلاث اشارات وقاشع لوحه مكتوب عليها خاص بزبائن المحل
المهم نعوووووود الى موضوعنا <<< الا وش موضوعنا واوو نسيته :::::: !!!!

ايه تذكرت موضوعنا عن الدحه

بالبداايه احب اني ابيّــن للناس اللي تجهل الدحه الشماليه ,,,

الدحه الشماليه هي رقصه لعدد كبير من القبايل الي بالشمال مثل : عيال وايل( قبيلة عنزه) و الروله والشرارات و بني صخر وبني عطيه والحويطات وهذي الرقصه يستعملونها في أفراحهم وعند نهاية المعارك قديما اما الحين فهم يستعملون الى جانبهاالعرضه ,,,

و كانوا يدحون بالمعارك علشان يرهبون اعدائهم يعني لما يجي احد يغزيهم و يشوفهم قاعدين يدحون و يغنون اكيد انه بيخاف لان المتعارف عليه اذا الواحد عنده حرب و لا شي اكيد انه بيقضب سلاحه و يقعد يتقنص للعدو و لما العدو يشوفهم على هالحال اكيد انه بياخذ فوق تحت و يفركلها : <<< انواع الذكااء

و كل قبيله لها رقصه مخصصه يعني اهل الجنوب لهمم العرضه الجنوبيه واللي هي عباره عن الرقص بالخناجر اما باقي القبايل فهي عرضات مثل الفرينسي وغيرها,,,,

الدحه الشماليه في الماضي هي عباره عن فتاه مستتره بالعباه تجي وتلعب قدام الرجاجيل صافين صفين يعني تشيشهممم تلعب قدامهمم وهم يلاعبوونهاا شلون يلاعبوونها يهزون كتووفهممم ويصفقووون مع بعض صفقه وحده*/89 ويطلعوون صووت (( دح دح )) الكل يعرف بس الحين صار بدال هالبنت قام يلعب رجال كبير بالسن يمسك عصاة ويلعب قدامهم عشاان يشيشهمممم ,,,

و في قصه بعد ::::: <<< ادري لسان حالكم يقول ياااا ليل متى تخلصناا

طيب انتظروا وربي قصه حلوه

هذا الله يسلمكم و يسمنكم اذا متاان و يضعفكم اذا ضعاف <<< وش رايكم بالدعوه

كااان في رجاااال معروف عنه بالشجااعه و الكرم و الطيب و هو يتيم الاب و وحيد امه
طبعاا معروف كل ناجح محاارب <<< من امثال الحكيم : الشريف
اتفقوا عليه شله من الرجاجيل انهم يجيبون راسه و طبعاا هم ما يقدرون عليه من شجاعته و قاموا وصوا بنتهم هي معروفه بالشجاعه و عليهاا جماال ما صار و لا استوى <<< بس الاكيد انها مو احلى من عجايزنا
من جمالها ابوها سماها ذبحه تذبح النااااس بجمالها المهم و صوا البنت اللي اسمهاا ذبحه اذا جت الدحه تطلع تحوشي للرجال الشجاع و معروف اول اللي اتحوشي تمسك السيف و تحاول انها تطيح عقال الرجال اللي يلعب معها او تجرحه عالخفيف و الرجال طبعا يكون اعزل يعني ما عنده لا سيف و لا شي بس هو يحاول يتحاشها علشان ما تطيح عقاله او تصيبه و في بعض الحريم تكون ضرباتهم قويه و تجيب اجل بعض الرجاجيل و اللي ينذبح عاادي يعني ما تعتبر جريمه و طبعا هم وصوها انها تذبحه و بينما هم يخططون اسمعتهم عجوز و راحت خبرت الرجال النشمي عن الخطه ::
و لما جت الدحه و هي قامت تحوشيله و هو طلع يلاعبها و هي كانت تحاول تجيب راسه و هو يحاول يتخطى الضربات و يقول :

ان ذبحتيني يا ذبحه ,,, يتيم و محدن يبكيني
وان تركتيني يا ذبحه ,,, وحيد و امي ترجيني

و بعدين ذبحه كسر خاطرها الرجال و اتركته و اعرفت انه شجاع و نشمي و بس وانا ما ادري اذا تزوجوا و لا ما تزوجوا عااد انا ما احب القصص اللي تكون نهايتها حزينه و بكمل القصه من عندي و اقول انهم تزوجوا و عاشوا بثبات و نبات و خلفوا صبيان و بنات

بس الحين خلاص ما عاد في بناات يحوشون بالدحه و صارت رجاجيل برجاجيل يعني ما فيها عنصر نسائي ,,,
*/89
و الحين اللي من دبله كبدها من احد تقوله قوم حوشيلي وتجيب اجله و تخلي راسه يتدربا مثل الكوره و تفتك منه و تقول خطره و الله ما ادري <<< عندها حس اجرامي ::

و السموووحه اذا غلطت بشي والا شي بس هذا حسب علمي و انا مالي شغل اذا في شي غلط روحوا حاسبوا اللي عطاني المعلومات <<< عاش التصريف

و كل هالمقدمه اللي طافت علشان اقولكم القصيده هذي

استلممووووو القصيده و هي للشاعر الكويتي العذب مطلق النومسي

يا محلا طاروق الدحــه ,,, لا وافـق لـه صوت وبحـّه
صفين ,, وحاشـي,,ومصنـّع ,, وبيوت الشاعر ممليه

متـونِِ تدحـم بعضـها وقلـوبِِ زايل مرضـها
وأصـوات سبـاعِِ بتـّـاعـة ,, ميـه ميـه ,, ميه ميه

ورث من كابرعن كابر ,, مخبوره والعالم خابر
دحينا للحرب من اول ,, واليوم الديره محميه

غنـّـاها عمـي مع خـالي ,, وأنا أغنيهـا لـ عيالي
تاريخ وبصمـة معروفـة ,, أصليـة من بطن أصليه

لعـبة حرب ولعبة هيبـة ,, ما فيها حاجة معيبة
لا والله نفخـر لا قلنا ,, دحولي يا أهـل الدحيـّـه

ماهي لعبـة هشـّـك بشـّـك ,, مصيـونـة عن نيات الشـك
محشومة من حشمـة وايـل ,, ماهي دبكـاتِِ شاميـة

وأنا طاريـها سـّـلاني ,, وقمـت أرددها بـ لساني
ولا خذيت إلا الترفـة ,, تشبك يـدّيـها بـ يديه

تضحك وتعضـض مبسمهـا,,والضحكـة ذابت من فمهـا
قالت لي : تكفـا يا مطلق ,, أبغـى دحـّـه شماليـة

قلت الغالي يطلب غالي ,, قومي (حوشـي لي) بـ عقالي
يالله نبدا,, يالله نبدا ,, نبدا بداية فعلية

يا بنيـة قومي غنـي لي ,, يا ويلي منـّـك ياويلي
وأنا أصفـّـق لك وأغنـي ,, يا بنيه ميلي يا بنيه

حبيني يا ريحـة جـِـدي ,, تراني جيتـك متحدي
اللى عن دربي يحدونـك ,, أهل النيات الملويـة

أبا تفنـّـن بأوصـافك ,, لأجل يشوفك ,, من لا شـافك
وصفِِ حي ,, وتمشي روحـه من روح الشعر وراعيـّـه

ماني بـ وصـف عيونك باحل ,, عينـك بحـر,,ورمشـك ساحـل
لا بحـّرتي بي واغضيتي ,, تركبني مية جنية

وخدودك بيض ومفروشة ,, من ورد الجوري مرشوشة
أفتـح من حـب الرمانة ,, وأغمـق من شمس العصريـة

وشفاتك لمــّـة حبايب ,, كانت فرقاهم غصايب
الفوقيــّـة فيها معاند ,, والطاعـة عند الحدريـّـة

وحجاجك مبـري ومقـوّس ,, ورموشك لـ رضاه تهـوّس
وإن طار وكسـّـر جبينـك ,, أغديت الحسنة بالسية

واللى على متنك دايم ,, دمـّـه (مي) وقلبه (نايم)
متشيـّخ والشيخة جاته ,, لا ورث ولاهي عـاريـّه

وإن جيتي تمشين ,,وعجلـه ,, وعيونك بـ عيوني ,, خجلة
والقذلـة تضحك للغـربي ,, والغربي يضحك عليه

كـن القاع تعـدّ خطاتك ,, وإلا تحلف لك بـ حياتك
شـيِِ ما قالو لي عنـّـه ,, شوفـة ذي ,, وشوفة ذيـّـه

شفــّـافة ذوق ,, ولبـّـيسه // لبسك ملبوس ,, برنسيسه
وإن تلثمتي بالشيلة ,, كنـّك من أهل الشرقيـة

يقلدونك خواتك ,, حتى في لبست عباتك
لكن قولي لي من يجمـع ,, بين الشمس وبين الفية

يوم الله خلقكم فـرّق ,, ما غـرّب بالزين وشــرّق
خصــّـه فيك ,, وعمـّـه فيهم ,, سبحانه جزل العطيـة

والحيـن أبغـى رايك فيها ,, مـن أولهـا لا تـاليها
اعساني مرضي غرورك ,, يا ام العيون السحريـة

قالت : تعرف رأيي مبطـي ,, لا تخطـي ,, تكفـا لا تخطي
ما ذوّبنـي غير اشعارك ,, فديت الشعـر وراعيـّه

أنا ضحيـة قصيدك ,, لكـن لي شرط ,, بـجديدك
أبغـي من اليوم وطـالع ,, تلعب دحـة شمالية

تسلم أخوي حصان الرجلية
على هذا التعريف بالدحة الشمالية
وعلى هذه القصة والقصيدة
كل الشكر لك

تقبل تحياتي وتقديري

الف شكر اختي بنت ابوهااا على مرورك العطر
وعلى الخير نلتقي

[align=center]
تسلم أخوي حصان الرجلية
على هذا التعريف بالدحة الشمالية
وعلى هذه القصة والقصيدة
كل الشكر لك


دمت بخير



[/align]

حصان الرجليه شكرا على التعريف باتاريخ بني وائل وهذا شئ معروف عنهم وعن دحتهم العظيمه والي كسرو فيها احد الجيوش والله وعلم انه جيش كسرا ولك كل التقدير

يا محلا طاروق الدحــه ,,, لا وافـق لـه صوت وبحـّه
صفين ,, وحاشـي,,ومصنـّع ,, وبيوت الشاعر ممليه


متـونِِ تدحـم بعضـها وقلـوبِِ زايل مرضـها
وأصـوات سبـاعِِ بتـّـاعـة ,, ميـه ميـه ,, ميه ميه

حصان الرجلية
الله يعطيك العافية يالغالي
ماقلت لي شوقعك والدحه هالايام ههههههههه


تحياتي لك

مشكووووووووووووووووووووووور على هذا الموووضوووع

اقتباس:
المشاركة الأصلية كتبت بواسطة الـــــريـــــم
[align=center]
تسلم أخوي حصان الرجلية
على هذا التعريف بالدحة الشمالية
وعلى هذه القصة والقصيدة
كل الشكر لك


دمت بخير



[/align]



الف شكر لمرورك العطر اختي الريم

اقتباس:
المشاركة الأصلية كتبت بواسطة الشريف
حصان الرجليه شكرا على التعريف باتاريخ بني وائل وهذا شئ معروف عنهم وعن دحتهم العظيمه والي كسرو فيها احد الجيوش والله وعلم انه جيش كسرا ولك كل التقدير


الف شكر لك اخوي الشريف على مرورك الرائع

اقتباس:
المشاركة الأصلية كتبت بواسطة الشـــــ( رمح )ـــــمال

يا محلا طاروق الدحــه ,,, لا وافـق لـه صوت وبحـّه

صفين ,, وحاشـي,,ومصنـّع ,, وبيوت الشاعر ممليه

متـونِِ تدحـم بعضـها وقلـوبِِ زايل مرضـها
وأصـوات سبـاعِِ بتـّـاعـة ,, ميـه ميـه ,, ميه ميه

حصان الرجلية
الله يعطيك العافية يالغالي
ماقلت لي شوقعك والدحه هالايام ههههههههه

تحياتي لك

ههههههههههه داحوحااا يفلان بس متى تعرس وادحلك دحيه */89*/89*/89هههههههههه
اردف خيك */89احيه */89احيه