سالفة وقصيدة حدثت منذ ايام

في يوم ليس ببعيد حصل موقف مع واحد من الشباب قالط عند عيال عمه
وجالسين يتعللون
وكان هذا الشاب خلوق مهذب ومؤدب وراع حمية وغيرة على ربعة وجماعته
وكانت اوضاعه المادية سيئة وعليه دين لان الراتب مايغطي مصاريفة
وهو مسؤؤل باعاله اهله شيبانه وخواته
وعلى الرغم من وضعه هذا كان له وقفات لا تنسى مع ربعه وبشهادتهم جميع
دخل ابن عمه ورجل ثاني قريب منهم
بعد ماسلموا قال ترى فلان حطب ونبي فزعتكم عشان يسلم المهر
قالوا يبشر بالفزعة
االاول قال مني 500 ريال
الثاني وانا500 ريال
الثالث وانا 500 بعد
والرابع
والخامس
والسادس
جزاهم الله خير جميع
بقى المعزب وانا
قال المعزب فلا ن ادفع عني واعطيك على الراتب
وفلان عيا يدفع عنه

فقالهم امهلوني الراتب
والشاب الفقير ينظر اليهم وانحرج لا معه فلوس والراتب مديون عليه ويالله ملحق مصارف اهله
والرجل يسجل اسماء اللي قطو الفلوس في الورقه
وناظر لولد عمه الفقير وقال له انت ماتغار
فردالشاب الفقير
ليه اغار وانا الطيب فيني بطبعي ما اكتسبه بريال ودينار
وللامانة هذا الشاب له وقفات مشرفة
لكن الفقر قهر الرجال
فقال ولد عمه لما شافه انفعل انا قصدي ما تغار انك ماتبي تخطب وتزوج مثلي انا وفلان
لف الموضوع وحس انه كلامه ماله داعي

لكن الشاب الفقير مازعل لكن عتب على ولد عمه
انه احرجه بهالكلام

فقام وراح لبيته

وتهيض وقال هالقصيدة اللي تعبر عن نفسها

ما فيك غيرة سالني وافي الاشبار@@في فزعتك لبن عمك بالعنية
طالت يديهم بالعطا خلفه احرار@@وكلن على الماجود ينفع خويه

وانا اصطلي بينهم عدي بنار@@وعن المعونة ليش تقصر يديه

البخل يا بن العم ما هو لنا كار @@والمال جمعه مو عزيز عليه

الفقر والدين قيلت بالاذكار@@قهر الرجال سماه خير البريه

عزيز قومه اذا عليه الزمن جار@@وشح ماله وراتبه بس شويه
ما طلب ريال و ليرة ودينار@@عزيزنفس وعزوته وايليه
يجيله من والي العرش تدبار@@يبدل عسير سنينها
بالرخيه
حجرف مشوا ربعه وخلوه محتار @@وما فيه عنده شاة ولا مطيه يرزقه رزاق الحيايا بالاجحار @@ من سير العصفور في فم حيه
من طابت افعاله منه ما نغار @@الطيب فينا طبع و يا الحميه
حنا الذي لالفا البيت خطار@@للضيف ريف وقوله يالله حيه
ودلال فواحه بها بن وبهار@@زاهبه بكل وقت صبح ومسيه
حق علينا له عز ومقدار @@يلقى كفـوف للضيافه صخيه
نقضي لزومه والذي بينناصار@@محدن درابه يا الوجيه النديه
مداتنا بالطيب في سر وجهار@@ما نحرج اللي اوضاعه شقيه
الحمدلله دايمه شبه النار@@من دور وايـل نارنا مي خفيه
ويلان تاج على الطيب وسوار@@سمن الشياه والتاجر والعطيه
والشمس ما تنحجب بغربال وستار@@تشرق صباح في سماها ضويه

وتغيب في ليل عتيم ليا زار@@غطى ظلامه جبالها في مجيه

وصلاه ربي عددوبل الامطار@@على الرسول الهاشمي والتحية

صحيح الفقر قاهر الرجال

قصة معبرة تاثرت بها كثيرا

بارك الله بك وعافاك

كامل الخذلي
شرفتني بمرورك العطر
حياك الله

صح السان الشاعر والسانك اخي ويلان

وهذا الشخص مو مقياس الربعه

الردي ردي بس الطيبين اكثر

يعطيك العافيه اخوي ويلان



على نقل هالقصه والقصيده المعبره


كل الشكر لك



وبنتظاااار جديدك دوم



لاتحرمنا منه


تقدير لك

اللهم نعوذ بك من الهم والحزن والكسل والبخل والجبن
وضلع الدين وغلبة الرجال
*
*
قصة وقصيدة معبرة
تسلم أخوي ويلان
على طرح هذه القصة الواقعية
كل الشكر لك

تقبل تحياتي وتقديري

بارك الله فيك كل الود لك

نايف النمران شرفتني بمرورك شكرا لك

حلا الويلان مرورك الاجمل ووسام على موضوعي ارق التحايا

بنت ابوها نورت متصفحي بردك الجميل وكلامك دافع لي الامام دمتي بخير