ازغر العينين .. افرق السنّين

[frame="7 90"]

ازغر العينين .. افرق السنّين

كان شاب يعيش مع والده وزوجتة اللي هي بنت عمة وفي لحطة طيش حصل خلاف وهجّ من ديرتهم لـ ديرة ثانية وهو يلفي على شايب عنده حلال قاله ياعمي ابيك تشغلني عندك راعي وافق الشايب وشرط عليه شرط قاله ( لا ترقى بالعوالي ) وهو يسرح عند الشايب سنين طويلة ويتجنب العوالي ويوم من الايام رقى براس جبل ويطرون عليه زوجته وابوه ويقوم يبكي ويروح لـ الشايب قاله ابي شرطي ابدور اهلي قال ايه رقيت العوالي ؟ وتعجب الشاب اللي اصبجح بهذا الوقت رجل متوسط العمر قاله تبي شرطك او اعطيك ثلاث نصايح قال لا والله عطني النصايح قاله ( لا ترافق ازغر العينين افرق السنين ولا تأمن المسايل حتى بوقت القوايل وان زعلت بالليل خل زعلك للنهار وان زعلت بالنهار خل زعلك لليل ) قال زين ويودعه ويمشي وهو بالطريق واجه رجال وهو يخاويه ويوم برّق يامار خويه عيونه زغر وسنونه فرق وهو ياخذ حذره ويحط قشه بمكانه ويوم نووا يمرحون وهو يحط قشه مكانه ويغطيه ويندس وهو يقوم خويه ويتسحب بخنجرة ويطعن بالقش ويسرعه طب عليه وذبحه وهو يكمل طريقه ويواجه قافلة حجيج قاعدين بشعيب يابس وهو يحذرهم من السيل ويضحكون عليه قالوا سيل بالصيف وهو يرقى براس الجبل ويخليهم بشعيبهم وهو يجي السيل ويقشهم ويموتون ويكمل طريقة حتى وصل ديرة اهله وينشد عن بيت ابوه قالوا له الشايب توفى ويدلونه على البيت ويلفي وطبعاً شكله تغير مع السنين ويقلطه ولد شباب مشورب ويقهويه ويمرح هاك الليلة ويقوم ويويق مع الرواق وهو يشوف الولد الشباب يندحس مع زوجته اللي هي بنت عمه ويفور دمه ويتذكر نصيحة الشايب الثالثه عن الزعل ويكتم غيضة ويجي الصبح ويروح ويسأل واحد من الشيبان عنهم قال راعية البيت كانت مع رجلها وعمها وهج رجلها وهي حامل وهذا ولدها.

[/frame][frame="7 20"]

وسلامتكم

[/frame]

ايييييييه

سوالف الشيبان

الله يرحم ايام اول

شموخ رجعتينا

10سنين ورى

قصة جميلة وفيها كثير من العبر

يعطيك العافية

لنقلها هنا

الله على الحكم الرائعة سلمت الانامل على النقل

شموخ وايليه

الله يعطيك الف عافيه على القصه

ولك تحياتي

شموخ وايليه

الله يعطيك الف عافيه على القصه

ولك تحياتي

مشكورة اختي شموخ وايليه

والله يعطيك العافية على النقل الممتع

لك تحياتي وتقديري

نقلتي وابدعتي اختي شموخ

الله يعطيك العافية

سبحان الله اول يشترون النصائح
واليوم العكس

شكرا لك على القصه المفيده

مشكورة اختي شموخ وايليه

والله يعطيك العافية على النقل

الممتع لهذه القصة الرائعه

تقبل مروري وودي وتقديري

جزيل الشكر عزيزتي شموخ على طرح هذه القصه المعبره


ونتشوق للمزيد من مثل هذه المواضيع الشيقه

خالص احترامي وتقديري