اخــذت مــن وايــل مـزايــا مــن عـقــاب

على كثر مادقـوا النـاس الأقـراب@@ طنّشتهـم لاجـل أتحفـى بجنابـك

أنا اعرف الباب وأدخل مـع البـاب@@والشكوى لله يـوم صكيـت بابـك

لا يابعد يانـوف عكفـان الأشنـاب@@لا جات حـزة شوفتـك واحتسابـك

قولي لقلبك لا يكثّـر علـى الشـاب@@قولـي لـه الله لا يحرمـك شبابـك

ان كان قصدك شي فينـي ولا ذاب@@ما شـوف شـي يستحـق التشابـك

اللي هرب من زين وجهك للأسباب@@هرب ولكن ماسكـت لـه عذابـك

يا نوف انا عقب الصناديد الأعراب@@يوم انهـا علـى الأصايـل مدابـك

اخذت من وايل مزايا مـن عقـاب@@ومن الخوال مطير يكفـي ارعابـك

والظاهر انك منت خايف ومرتـاب@@وما ينحكى عندك ولا ينحكـى بـك

يا اقسى من هروش المحاني والألباب@@طالبـك تكفـى لا تثـور ركـابـك

اليا زعلت شوي خذ حقـك عتـاب@@وأنا لك اسمع لين يقضـي عتابـك

يابـو عيـون كنّهـا عنـة أهـداب@@عليك من حبك التواصيـف حابـك

قدّك عليه من الشمطري والأطيـاب@@واللـي يحلـي وجنتينـك حجابـك

جملة تواصيفك تجي مالها اعـراب@@بمـوت فيـك الله يجبـر مصابـك

لا المبسم الوردي ولا ثلجـه النـاب@@ولا الجديل اللـي يخـون المشابـك

ولا ارتباكي منّك ولا شدّ الأعصاب@@ولا خضوعي لك وأنـا مـا أهابـك

ان طبت فالملقى معك أورق وطاب@@وان غبت جعلـه مايطـوّل غيابـك

وأنا اللي ألجأ للتـدواي بالأعشـاب@@حتى يجيبك دربك اللـي غـدا بـك

الصدق يمكن عيب والضـن كـذّاب@@بس الأكيـد أن الفقيـر اغتنـا بـك






ياسر التويجري



الموضوع منقول من شبكة ويلان العربية

الوايلي

أشكرك أخوي على هذا النقل الرائع


لاوصيك أخوي إذا النقل مثل كذا كثر تكفى



تقبل تحياتي وتقديري

ابشري ما طلبتي شي

الوايلي تسلم على هذا النقل الرائع
تسلم يمينك

مشوح الجعفري
تسلم على هالمرور الكريم

قصيده

روعههههههه


تــــــــــــــســــــــــــــــــــــــلـــــــــ ـــــــــــــــم

على النقل


اخوي يالوايلي

الكابتن

شكرا على المرور

اخذت من وايل مزايا مـن عقـاب@@ومن الخوال مطير يكفـي ارعابـك

هل خوال ياسر التويجري.. من مطير..؟

على العموم الف شكر لك.. اخوي..

تحياااتي لك..

شاعر رائع
قصيدة رائعة
شكرا على النقل اخوي الوايلي

الاعزاء

كبرياء وايلي

فريح العفيان


شكرا على المرور