أبيات أعجبتني ( 4 ) ........

........
الله من قلبٍ عوى عويـت الذيـب
ذيب عوى لجـت ضلوعـه ولجـي
عليك ياراعـي العيـون المهاديـب
سـودٍ مضاليـلٍ وسـاع ٍ وبـجـي
سودٍ تشذب بسرة القلـب تشذيـب
طحت بخطرهـن يالله انـك تنجـي
سهومهن تسطي على القلب وتصيب
تخـج صنـدوق المعاليـق خـجـي
ياصاحبي حبـك لقلبـي عواقيـب
ارفق علـي شـوي قبـل استلجـي
يا اللي عليك عيون الامه مراقيـب
تقـول بيـن شـفـاك درٍ يمـجـي
والخد براق المـزون المهاضيـب
اللي رعوده رجـت القـاع رجـي
يامنوتـي مافيـه شـك ولاريـب
منساك كود انسى صيامـي وحجـي
يابو نهـودٍ شلعـن مقـدم الجيـب
كمشمشٍ عرقه مـن المـاء ينجـي
من فوقهن شقرٍ تغذى على الطيـب
ريح الشمطري في طرفهـن يعجـي
ذيل اشقرٍ ينسف خلاف العراقيـب
تطلـب عيالـه بالمهـر والترجـي
هزت وزرفـات السبايـا جناديـب
لوما شليل الصبـر والمـال هجـي
ذبحتنـي ياسيـد كـل الرعابيـب
فجيت قلبـي يأريـش العيـن فجـي
فجن مثل مظراب شلفاء تراحيـب
شلفاءاً تخل الـدم الاحمـر يكجـي
لا وردة من كف مـرو المغاليـب
والخيـل كاسيهـا ضبـابٍ وعجـي
ياعاذل المشتـاق مابالهـوى عيـب
ماذقت لذاتـه عسـى امـك تدجـي
لو ذقت من حلوه ومـره تجاريـب
مالمـت طـراد البنـي الغنـجـي
نجل العيون مزعلات الخطاطيـب
شعـوٍ عـذاب مقطعيـن الفرجـي
يم الحبيب اللي هروجـه تعاجيـب
ياعيـن لديلـه ويـارجـل سـجـي

منقول ..... ولاأعرف الشاعر .....

القناص صح لسانك ولسان شاعرها ابيات جزله وانشالله اخوانا الاعضاء يعرفون شاعرها لك خالص الود

شكرا لمرورك يالحصبان .......

كل اناء بما فيه ينضح .......................ههههههههههه







تسلم يالقناص وصح لسان الشاعر

القناص

تسلم اخوى ويسلم من قال هذى الابيات

تحياتى

[align=center]
::

القناص

وراك ما أتصلت علي كالعادة

عشان أعلمك بأسم الشاعر .... ههههه

القصيدة للشاعر

الخس المطيري

وهي مشهوره جداً


تحياتي

::[/align]

كل اناء بما فيه ينضح .......................ههههههههههه

جروح

سلامات ... يالغاليه .. وش ذا ,,,,,,,,؟؟؟؟؟؟؟؟؟؟؟؟؟؟؟

صح لسانك يالقناص ومن قالها

قصيدة شامخة بشموخ كاتبها

اختيار يدل على ذائقة شعرية جميلة

مشكور يالفاضل على المشاركه ..

قصيدة جميله

شكراا لك ابوخالد ماقصرت
وصح لسانك ولسان الشاعر