طلقتك بالثلاث / بقلمي

تعدلي بالغصب ماهو بكيفك=انا وكيلي فيك رب البريه
القوه للمعبود ماهي لسيفك=لاتحسبين السيف يقضي عليه
طلقتك بالثلاث ماني وليفك=القى بدالك من تجيلي خويه
طيفه يعوضني ملايين طيفك=واعيش معها بالحياه الهنيه
الريف ريف الحظ ماهو بريفك=غصباً عليك الحال تجي غنيه
لوتندمين اليوم نفسي تعيفك=اصلاً متى عليك نفسي رضيه
ياما حديتيني بعالي رصيفك=ومشيتيني على مشارف طميه
روحي عسى التوفيق ماهو حليفك=روحي عساها روحةٍ دون جيه
يالحيه اللي مارعبني وحيفك=قساوتي عليك مليون حيه
وكان القوافي يالمتابع تخيفك=ومحتار مافهمت رمز القضيه
اكتب وسجل واحفظه في ارشيفك=هي حاجتك للناس لوهي اشويه

نايف الشويب السليمي

طيفه يعوضني ملايين طيفك
،،،،،،،،،،،،،،،، واعيش معها بالحياه الهنيه

نايف السليمي
أشكرك على القصيدة الرائعة

تقبّل تحياتي ،،

المشاركة الأصلية كتبت بواسطة فارس عنزة

طيفه يعوضني ملايين طيفك
،،،،،،،،،،،،،،،، واعيش معها بالحياه الهنيه

نايف السليمي
أشكرك على القصيدة الرائعة

تقبّل تحياتي ،،

وانت اشكرك وصح بدنك وماعليك زود /

تحياتي لمقام سموكم الكريم :

المشاركة الأصلية كتبت بواسطة راجي عفو الخلاق

مشكوووووور والله يعطيك الف عافيه

لاهنت /

تحياتي لمقام سموكم الكريم :