منتديات الويلان - قصة البرنس وحصان الرجليه

السلام عليكم ورحمة الله وبركاته

مسيكم / صبحكم .. بالخير http://vb.eqla3.com/images/smilies/004.gif

يوم السبت يوم دوام ذاك اليوم
http://www.subhub.com/custom/wake%20up%20call.jpg

صباحااااا

المنبه يصارخ,,
اطالع الجوال , كلمة غفوة تغريني ,
اضغطها ويسكت الجوال وارجع من جديد الى النوم

خمس دقاق مرت علي كأنها 5 ثواني , واذ بالجوال يصرخ مستنجدا لـ ايقاظي ,
وكلمة غفوة من جديد تغريني مرة أخرى , فلا استطيع المقاومة واضغطها وارجع للنوم مجددا

تكررت الغفوة عدة مرات حتى اكتملت نصف ساعه نوم متكرر , فـ قررت بعدها الاستيقاظ
على طول طلعت على الحمام - والقارئ بكرامة - لـ اخذ الشاور ,, ليست نظافة اكثر من انها عادة !!

لكن قبلها اطالع المراية , فـ أجد شخص كأنه انا ,,
اللهم انه وجه معفط كثير وعيون منفخه

فـ اعلق على الشخص الي امامي على حسب الحالة النفسية ,,
فـ اذا ما نمت زين ,, احط حرتي فـ المسكين الي قدامي
وانواع السب والشتم المباح والغير مباح ..

لكن اليوم نمت نومة طيبة ,,
ورحبت بالي قدامي بـ " هلا يا حلو "

..,,..,,..,,..

اتصلت على صاحبي "البرنس" , احد الزملاء ورواد استراحتنا ( اغرب ستراحة في العالم , فيها 5 اشخاص اسمائهم عبد الرحمن وندلعه دحوم )
رجل وسيم , دايم مكجول , عيبه الوحيد ان حياته كلها " بنات × بنات "
تسولف معه عن مباريات ,, يدخل بسالفة ان البنات لازم يحضرون مباريات
تسولف عن سيارات ,, يدخل بسالفة قيادة المرأة
تسولف عن مقاهي ومعسل وشيشة , يقول ليه ما في الرياض مقاهي عائلية

- هلا برنس
- هلا ابو كشره
- وينك ؟
- والله بالبيت , بدز الاستراحة ..

- من فيه ؟
- فيه دحوم 3 , ودحوم 4 وفيصل ؟؟

- االعيال ما تغدوا ولا ؟
- كلهم ما تغدوا

- زين ,, وش يبون غدا ؟؟
- سجل عندك واحد من ماك , وواحد من هرفي , واثنين يبون مندي مع الرز

- اوكي بمرك الحين ..

http://blog.aarp.org/shaarpsession/traffic.jpg

طلعت للسيارة ..
الجو صحو الى صحو جدا الى صحو بزيادة
وحرارة الشمس تبخر اي وجود لـ الرطوبة سواء في كشتك او جلدك او حتى داخل مقلة عينك << مقلة http://vb.eqla3.com/images/smilies/biggrin.gif

شغل السيارة وامشي , مايحتاج نحميها http://vb.eqla3.com/images/smilies/biggrin.gif
والوقت وقت طلوع مدارس ..

قمت اطالع الشعب في سياراتهم بـ حكم لقافتي "
فان يسوقها طفل ..والسواق جنبه .. ما ادري ليه جايبينه !!
كابرس صابونه يسوقها كبير في السن يصارخ على ولدهـ لانه طلع متأخر ..
وطفل يسوق سيارته الجديدة وقاعد يسحب جلنطات مع اللفات ,, http://vb.eqla3.com/images/smilies/139.gif
والي جالس يدور في هالشموس ,, عشان يدق له زقارة http://vb.eqla3.com/images/smilies/confused.gif

عجايب

بس أحلى شي لما يجونك اطفال جالسين بـ اخر السيارة يطالعون السيارات الي وراهم ,, دايم ألعب معهم http://vb.eqla3.com/images/smilies/biggrin.gif
ودايم ربي يفكني من مصايب لاني اترك السواقه والهى معهم هههههه

وصلت لـبرنس و مرينا اقرب مطعم وجبت لهم حبتين ونص بخاري مع الرز , ويخب عليهمhttp://vb.eqla3.com/images/smilies/biggrin.gif

الظهر يوم السبت, معليش استخدم طريق الملك فهد ,,
غلطان الي بيطلع معه ,, ما راح يوصل الا بكرة

عشان هيك اخذت الطريق الساحلي ..

تسأل " مواطن " ليه ما تربط الحزام
يرد عليك : شكلي بيطلع غلط !!

والثاني بيقول : يكمتني ويضايقني ياخي !! " الله يوسع لنا قبورنا بس http://vb.eqla3.com/images/smilies/frown.gif"

والثالث بيقول لك : شايفني غشيم ؟

حاجة ثاني لفتتني بالسائق السعودي ,, عيب عنده يدق اشارة اذا جا يلف
ما يدق الاشارة الا لما احد يكبس له ويدق له الاشارة كأنها يقول خلاص صجيتنا http://vb.eqla3.com/images/smilies/biggrin.gif

تسأل ليه ؟
يقول وش شايفني سواق ؟

http://dc04.arabsh.com/i/00633/w2ojl8shfjbp.bmp

وصلنا الاستراحة بحمد الله وفضله ,
الشباب اول ما شافوا البخاري , ماتوا ضحك
فرشنا السماط وبدا الـ حرث

وفجأة , تنظف الصحن وكأن ما صار شي - ما شاء الله -

قمنا وغسلنا , وبدا توزيع المهام

دحوم 4 ولع الجمر , فيصل ضبط الروس , ابو راس غسل الشيش ..ألخ

وبدأت مرحلة ما بعد الغداء " الفهاوة "

http://my.eqla3.com/eqla3-6/eq/balot/1%20(11).JPG

عصراً

البرنس: بلوت يا عيال ؟
الجميع : قداام

دقينا الولد , يبقى واحد يجلس له على لاب توب لين تخلص الصكه

كـ العادة , المدرج يناديني , واتكي على النت
جوال البرنس يرن ..

" الوالد يتصل بك " واووووو

الوالد شخص متقاعد , متفرغ تماماً ومستقعد في اكثر الاحيان
يقول البرنس ترجيناه يفتح محل عقار , ما رضى , يقول لازم واحد متفرغ
الله يطول لنا بعمرهـ http://vb.eqla3.com/images/smilies/004.gif هههه

- هلا ابوي ..
- برنسووو ؟ وينك فيه ؟

- طالعن لـ اخوياي , بغيت شي ؟
- لا ,, بس وراك تاركن لمبة غرفتك مفتوحة ,

-والله نسيت ,, ان شــاءالله المره الثانيه اقفلها ..
- ايــه لو انك بتدفع الفاتورة كان ما نسيت

-ابشر ابوي ما اعودها
- طوط طوط

خمس دقايق يرن جوالي مجدداً

" الوالده تتصل بك "

- سمي يميمه
- وراك مزعلن الخدامه اليوم

- يمه ,,والله اني ما شفتها اليوم كله
- وراها زعلانة اجل ؟

- والله مدري ,, اسألها طيب
- طوط طوط زعلانه الوالده شكلهاااااا

http://upload.wikimedia.org/wikipedi...efenseDusk.jpg

المغرب

" الوالدة تتصل عليك "

- هلا اميمتي
- وينك فيه ؟

- عند اخوياي
- ما ودك ترجع البيت ؟

- يلا هذاني بمشي الحين ,, تبون شي ؟
- لا ابد ,, بس اليوم كله ما شفناك !!

- خلاص ويهمك ,, هذاني جاي الحين

يلا يا عيال ,, نشوفكم على خير .. برنسوه , ترجع معي ؟
- لالا خلاص رح برجع مع دحوم 3

اوك فمان الله

شغل السيارة , ودربينا الراس راجعين للمنزل , وعن طريق الساحل مرة اخرى

مشغل ابو خالد " عبد الكريم عبد القادر http://vb.eqla3.com/images/smilies/004.gif " ,
ولحالي ,, يعني قمة الفراغ

رجعت لهوايتي المفضلة ,, الطلطلة على السيارات < طلطلة = انك تطل كل شوي = المشاهدة عن سابق ترصد واصرار

اول سيارة كورلا وفيه شباب يدورون
ثاني سيارة فكتوريا عايلة http://vb.eqla3.com/images/smilies/n/sm4.gif
الثالثة شاص يسوقه واحد شنبه اطول مني http://vb.eqla3.com/images/smilies/n/sm17.gif
الرابعه دورية سرية انلخم يوم جلست اتمقل فيه
والخامسة فان سواق معه واحدة راكبه معه ورا http://vb.eqla3.com/images/smilies/060.gif

خلاص وقعت في الحب ..http://vb.eqla3.com/images/smilies/060.gif
جالس افكر بعلاقتي معها بعد سنتين وش بتصير
وكيف بنفترق
وهل بتحب واحد غيري ولالا http://vb.eqla3.com/images/smilies/n/sm1.gif

<< وكل هذا وانا بس حسيت انها بنت بس http://vb.eqla3.com/images/smilies/Looking_anim.gif

المهم
ابد و انا ما غير تطلطل عليها بشوف وش هي من لحيه http://vb.eqla3.com/images/smilies/biggrin.gif
ارفع راسك يمين يسار ,, هااه تسني بديت اشوف خشتها

الا والله شغالتن سيلانية كنها اصبع رجلي الكبير http://vb.eqla3.com/images/smilies/frown.gif

وكملنا المسيرة الى المنزل مع الطلطلة
وابشركم وصلت http://vb.eqla3.com/images/smilies/038.gif

...

وبـ ذلك انتهى اليوم ,
وان كتب الله لنا عمر كتبنا عن ليلة كـ سائر الليالي

كلمه اخيره ممكن البرنس يقول هذا نسج من الخيال ماعليكم منه
ههههههههههههههههههه

/658//2