قصة البرنس وحصان الرجليه

السلام عليكم ورحمة الله وبركاته

مسيكم / صبحكم .. بالخير

يوم السبت يوم دوام ذاك اليوم

صباحااااا

المنبه يصارخ,,
اطالع الجوال , كلمة غفوة تغريني ,
اضغطها ويسكت الجوال وارجع من جديد الى النوم

خمس دقاق مرت علي كأنها 5 ثواني , واذ بالجوال يصرخ مستنجدا لـ ايقاظي ,
وكلمة غفوة من جديد تغريني مرة أخرى , فلا استطيع المقاومة واضغطها وارجع للنوم مجددا

تكررت الغفوة عدة مرات حتى اكتملت نصف ساعه نوم متكرر , فـ قررت بعدها الاستيقاظ
على طول طلعت على الحمام - والقارئ بكرامة - لـ اخذ الشاور ,, ليست نظافة اكثر من انها عادة !!

لكن قبلها اطالع المراية , فـ أجد شخص كأنه انا ,,
اللهم انه وجه معفط كثير وعيون منفخه

فـ اعلق على الشخص الي امامي على حسب الحالة النفسية ,,
فـ اذا ما نمت زين ,, احط حرتي فـ المسكين الي قدامي
وانواع السب والشتم المباح والغير مباح ..

لكن اليوم نمت نومة طيبة ,,
ورحبت بالي قدامي بـ " هلا يا حلو "

..,,..,,..,,..

اتصلت على صاحبي "البرنس" , احد الزملاء ورواد استراحتنا ( اغرب ستراحة في العالم , فيها 5 اشخاص اسمائهم عبد الرحمن وندلعه دحوم )
رجل وسيم , دايم مكجول , عيبه الوحيد ان حياته كلها " بنات × بنات "
تسولف معه عن مباريات ,, يدخل بسالفة ان البنات لازم يحضرون مباريات
تسولف عن سيارات ,, يدخل بسالفة قيادة المرأة
تسولف عن مقاهي ومعسل وشيشة , يقول ليه ما في الرياض مقاهي عائلية

- هلا برنس
- هلا ابو كشره
- وينك ؟
- والله بالبيت , بدز الاستراحة ..

- من فيه ؟
- فيه دحوم 3 , ودحوم 4 وفيصل ؟؟

- االعيال ما تغدوا ولا ؟
- كلهم ما تغدوا

- زين ,, وش يبون غدا ؟؟
- سجل عندك واحد من ماك , وواحد من هرفي , واثنين يبون مندي مع الرز

- اوكي بمرك الحين ..

طلعت للسيارة ..
الجو صحو الى صحو جدا الى صحو بزيادة
وحرارة الشمس تبخر اي وجود لـ الرطوبة سواء في كشتك او جلدك او حتى داخل مقلة عينك << مقلة

شغل السيارة وامشي , مايحتاج نحميها
والوقت وقت طلوع مدارس ..

قمت اطالع الشعب في سياراتهم بـ حكم لقافتي "
فان يسوقها طفل ..والسواق جنبه .. ما ادري ليه جايبينه !!
كابرس صابونه يسوقها كبير في السن يصارخ على ولدهـ لانه طلع متأخر ..
وطفل يسوق سيارته الجديدة وقاعد يسحب جلنطات مع اللفات ,,
والي جالس يدور في هالشموس ,, عشان يدق له زقارة

عجايب

بس أحلى شي لما يجونك اطفال جالسين بـ اخر السيارة يطالعون السيارات الي وراهم ,, دايم ألعب معهم
ودايم ربي يفكني من مصايب لاني اترك السواقه والهى معهم هههههه

وصلت لـبرنس و مرينا اقرب مطعم وجبت لهم حبتين ونص بخاري مع الرز , ويخب عليهم

الظهر يوم السبت, معليش استخدم طريق الملك فهد ,,
غلطان الي بيطلع معه ,, ما راح يوصل الا بكرة

عشان هيك اخذت الطريق الساحلي ..

تسأل " مواطن " ليه ما تربط الحزام
يرد عليك : شكلي بيطلع غلط !!

والثاني بيقول : يكمتني ويضايقني ياخي !! " الله يوسع لنا قبورنا بس "

والثالث بيقول لك : شايفني غشيم ؟

حاجة ثاني لفتتني بالسائق السعودي ,, عيب عنده يدق اشارة اذا جا يلف
ما يدق الاشارة الا لما احد يكبس له ويدق له الاشارة كأنها يقول خلاص صجيتنا

تسأل ليه ؟
يقول وش شايفني سواق ؟

وصلنا الاستراحة بحمد الله وفضله ,
الشباب اول ما شافوا البخاري , ماتوا ضحك
فرشنا السماط وبدا الـ حرث

وفجأة , تنظف الصحن وكأن ما صار شي - ما شاء الله -

قمنا وغسلنا , وبدا توزيع المهام

دحوم 4 ولع الجمر , فيصل ضبط الروس , ابو راس غسل الشيش ..ألخ

وبدأت مرحلة ما بعد الغداء " الفهاوة "

عصراً

البرنس: بلوت يا عيال ؟
الجميع : قداام

دقينا الولد , يبقى واحد يجلس له على لاب توب لين تخلص الصكه

كـ العادة , المدرج يناديني , واتكي على النت
جوال البرنس يرن ..

" الوالد يتصل بك " واووووو

الوالد شخص متقاعد , متفرغ تماماً ومستقعد في اكثر الاحيان
يقول البرنس ترجيناه يفتح محل عقار , ما رضى , يقول لازم واحد متفرغ
الله يطول لنا بعمرهـ هههه

- هلا ابوي ..
- برنسووو ؟ وينك فيه ؟

- طالعن لـ اخوياي , بغيت شي ؟
- لا ,, بس وراك تاركن لمبة غرفتك مفتوحة ,

-والله نسيت ,, ان شــاءالله المره الثانيه اقفلها ..
- ايــه لو انك بتدفع الفاتورة كان ما نسيت

-ابشر ابوي ما اعودها
- طوط طوط

خمس دقايق يرن جوالي مجدداً

" الوالده تتصل بك "

- سمي يميمه
- وراك مزعلن الخدامه اليوم

- يمه ,,والله اني ما شفتها اليوم كله
- وراها زعلانة اجل ؟

- والله مدري ,, اسألها طيب
- طوط طوط زعلانه الوالده شكلهاااااا

المغرب

" الوالدة تتصل عليك "

- هلا اميمتي
- وينك فيه ؟

- عند اخوياي
- ما ودك ترجع البيت ؟

- يلا هذاني بمشي الحين ,, تبون شي ؟
- لا ابد ,, بس اليوم كله ما شفناك !!

- خلاص ويهمك ,, هذاني جاي الحين

يلا يا عيال ,, نشوفكم على خير .. برنسوه , ترجع معي ؟
- لالا خلاص رح برجع مع دحوم 3

اوك فمان الله

شغل السيارة , ودربينا الراس راجعين للمنزل , وعن طريق الساحل مرة اخرى

مشغل ابو خالد " عبد الكريم عبد القادر " ,
ولحالي ,, يعني قمة الفراغ

رجعت لهوايتي المفضلة ,, الطلطلة على السيارات < طلطلة = انك تطل كل شوي = المشاهدة عن سابق ترصد واصرار

اول سيارة كورلا وفيه شباب يدورون
ثاني سيارة فكتوريا عايلة
الثالثة شاص يسوقه واحد شنبه اطول مني
الرابعه دورية سرية انلخم يوم جلست اتمقل فيه
والخامسة فان سواق معه واحدة راكبه معه ورا

خلاص وقعت في الحب ..
جالس افكر بعلاقتي معها بعد سنتين وش بتصير
وكيف بنفترق
وهل بتحب واحد غيري ولالا

<< وكل هذا وانا بس حسيت انها بنت بس

المهم
ابد و انا ما غير تطلطل عليها بشوف وش هي من لحيه
ارفع راسك يمين يسار ,, هااه تسني بديت اشوف خشتها

الا والله شغالتن سيلانية كنها اصبع رجلي الكبير

وكملنا المسيرة الى المنزل مع الطلطلة
وابشركم وصلت

...

وبـ ذلك انتهى اليوم ,
وان كتب الله لنا عمر كتبنا عن ليلة كـ سائر الليالي

كلمه اخيره ممكن البرنس يقول هذا نسج من الخيال ماعليكم منه
ههههههههههههههههههه

/658//2

[align=center]يوم حلو من الظهر صاحي

اعجبني ابو البرنس الله يعطيه العافية يوم يقول ييله واحد متفرغ

حلوة صفت 4 ميه

تقبل مروري [/align]

هههههه المهندس الف شكر لمرورك الرائع

[align=center]قصه رائعه تحكي يومياتنا التعيسه نوم دوام استراحه كبسه لعبة ورقه نت كوره روتين ممممممملل
الله يعطيك العافيه حصان الرجليه لاعدمتك ابدعة بتصوير
تقبل مروري [/align]

[align=center][align=center]يعطيك العافيه اخوي حصان الرجليه

وماننحرم من موضيعك المميزه

كل الشكر لك

تقبل تحياتي وخالص تقديري[/align][/align]

[align=center]ههههههههههههههههه
اعجبتني هالقصه هههههههههههههههه

الله يسعدك ا خوي حصان الرجليه
ياليت ماتحرمنا من يومياتك المضحكه




[/align]

المشاركة الأصلية كتبت بواسطة ذيبان

قصه رائعه تحكي يومياتنا التعيسه نوم دوام استراحه كبسه لعبة ورقه نت كوره روتين ممممممملل
الله يعطيك العافيه حصان الرجليه لاعدمتك ابدعة بتصوير
تقبل مروري

صح روتين ممل اخوي ذيبان بس لو نقير هالتروتين بالرياضه او العمل الاظافي بما ينفعنااااااااا
لاكن ماعندنا غير استراحه تفحيط بلوت لاكن لو في مطاعم تشغلنا خارج الدوام لو غسالين صحون
هههههههه اما عاد غسالين صحون كبيره المهم نعمل ونحسن الوضع الي حنا فيه احسن من قولت سلفني لاخر الشهر ههههههههههه اولهم انا ادربي راسي هههههههههه

المشاركة الأصلية كتبت بواسطة حلا الويلان

يعطيك العافيه اخوي حصان الرجليه

وماننحرم من موضيعك المميزه

كل الشكر لك

تقبل تحياتي وخالص تقديري

هههههههه اصلا موضوعي صار مميز بس بمرورك الله لايحرمنااا منك يالغاليه

هههههههه والله يخيتي يالريم مثل لحمك ولحم بنت ابوهاااا
اني ودي دايم الابتسامه على اخواني وخياتي الي مثلك
لاكن احيانا تجيني نعره (نعره) ابحثي في قاموس علم الحيوان
او اسئلي شايبناااااااا محمد الهدبان يعلمك هذا المعنى ههههههه
وشكلك منتى صغيره تعرفين المصطلحات الحيوانيه ههههه
وياكثر ماتجيني بالصيف هذه الحاله ههههههههه

[align=center]هههههههه

يا زين يومكم

لكن بسألك عن الشمعة اللي بين الدجاج

مسوين حركات هههههههههههه[/align]