((ديوان الشاعر:مـعـيـض بن عـريـفـج))

هذه القصيدة من الشاعر عبد الله بن رجاء العنزي موجهه الى معيض بن عريفج
[poem=font="arial,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ياراكب اللي سرعته ترهب العين = فكسار تكفي سكبته وانسجامه
ماهو صحيب مخزن القرش تخزين = ولاهمه الليل المعنا ظلامه
ياصل رفيع الشان تاج الميامين = يعطيه خطي واضح(ن) باستلامه
يامعيض انا بنشدك ياصاحبي زين = مثلك عزيز ومرتفع في مقامه
يالشاعر اللي ينذكر بالدواوين = حفيد طيب وشامخ(ن) بالزعامه
اسند عليك القاف ياصاحبي لين = لين الورق يملي عليك اهتمامه
النفس ملت من صنيع المجانين = مجنون صاحي يفتقد للكرامه
يانفس ليتك عن ردى الناس تدرين = اللي بهم من جنس الانذال شامه
اللي عطوني درس مره وخمسين = درس(ن) حفظته والتجارب علامه
الطيب يذكر والفعايل برااهين = ومالك شكر لوطبت يابو دلامه
يامل قلب(ن) فار فور البراكين = من واهج(ن) بالصدر بيح كلامه
مايقهرك يامعيض ياكود ثنتين = ترك الجميل وترك يمي سلامه
لي صاحب(ن) لو اطلبه بالوفا دين = يبطي يرده لو يفزع عمامه
زود(ن) على فعله ردي المضامين = اقفى وخلى بالشدايد حزامه
لا قلت انا تاريخ عشره مع اللفين = اذكر سويد الوجه ذاك الهلامه
جمايلي في لحيته تنذكر زين = اعدها مني بطيب وشهاامه
خلاني اعرف كيف رجح الموازين وماكل رجل(ن) يستحق احترامه
يامعيض طيب الناس مابه قوانين = شف الجمل لاطاح قصو سنامه
[/poem]






وهذا الرد من معيض بن عريفج على قصيدة الشاعر عبد الله بن رجاء العنزي



[poem=font="arial,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يـامـرحـبـا بالجـيـب عـشـرة مـلايـين = مع كثرهن من التراحيب امـامه
نــفــرش لـه الـبـيـدا ورود وريـــاحـين = والحـمـدلـلـه يـوم جـاء بالسـلامه
يحـمـل رسـالـة وافـي مــن الوفـيـين = وفـديـت من يفرض علي احترامه
من ابن رجاء ملفا الزحول الحشيمين = ساس البطوله والشرف والقرامه
شـاعـرويــازن كـلـمـتـه بـالـمـــوازيــن = تــنــاقــل الــركــبــان درة كــلامه
يـاراكـب الـلـي تسبق الصوت ضعفين = اربـع دقـايـق مـن مـصـر لـلـمنامه
صـنـعـت هـجـوميه تفوق السكستين = طـيـارهـا الـلـي يشـكـرونه بزامه
يـاصـل لـعـبـدالـلـه رجـاء في دقيقتين = ويعطيه خطي صد رد بـلا اقـامـه
ان كـان تنشـدنـي عـن الزين والشين = اسـمـع كلامي وانت كلك فهامه
اصـبــر عـلـى الـكـنـه وبـرد الطـويـليـن = وخلك جبل راسي ومرفوع هامه
خـلـك شـمـالي خـل فـي جانبك لين = وانظر بـعـيـد بشوف زرقاء اليمامه
ولاتـفـكـر فـي فـعـول المـســاكــيـــن = ولاثـقـلـت عـلـى طـويـق الحمامه
الطــيــب مـايـثـمــر بــروس الـرديـيــن = جـحادت اهـل الطيب قوم اللئامه
لـكـن تـجـمـل واتــرك الحـكـم بـعـدين = مافـيـه بـوجـيــه الاوادم عــلامـــه
اعـمـل جـمـيـل وطـشـه فـبـحرقزوين = ومـن مـابـوجهه طيب مابه وسامه
ان ردو المـعـروف هــاذي قــوانـــيـــن = وان ضـاع فـدوت هـامتك والعمامه
قـل طـز والـدنـيـا وسـخ راحــة يـديـن = وانسـى ولاتـلـحـق بنفسك ملامه
وارقـد وريـح راسـك مـن الـتـخـامـين = ومـخـدتـه مـن ارق ريـش الـنـعامه
ورزقـك يـجـيــك بـدون تكـتـب عناوين = ولـك اجـر من ربك على الابتسامه
ودنـيـاك مـادامـت لقـوم(ن)سـلاطيـن = الـلـي مـن الـدنـيا خـذو متـر خامه
كـل البشـر عن ظاهـر الارض مقفين = راعي الغنم يرحل وصاحب الفخامه
قبلك تراني شفت اللي يشيب العين = مـن ناس لـكـن مـاتـفـيـد النـدامـه
لاهـم بشـر تـفـهـم ولاهــم بـعاريـن = ولايـفـيـد بـهـم الكـي ولا الحـجـامه
فـي قـتـلـهـم تنـقـص بالحكم والدين = وفـي تـركـهم تـوجب عليك الملامه[/poem]