وش هقوتك .. خلف المشعان

[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=1 align=center use=ex num="0,black"]
يقولون العرب صـدر الشمالـي مـا يضيـق بسـاع
وأنـا أقـول الصـدور اليـوم مـا عـادت شماليـه
بدت في داخلي ضيقة عجـزت ألقـى لهـا مطـلاع
تغيب...وترجع....وترجـع تغيـب ومالـهـا نـيـه
عمتني كلمة (ن ) جتني وضقت وضاق صـدر القـاع
ألا يالله لا تـجـزي غشـيـم ( ن ) قالـهـا فـيـه
لاهوصفـاع يـا ربـي ولا هـو للـعـرب نـفـاع
بلانـي وإبتلـى حالـه ....وبعـض النـاس مبلـيـه
نهيتـه قبـل هالمـرة يخـلـي سيـرتـي مـاطـاع
ألا يـا لعـن أبـو جـد القصيـد ولعـن أبـو بـيـه
ضعيف النفس نسونجي.....يشـوف بعينـه الأطبـاع
يحسـب إنـي مثـل ربعـه يسـوق بضاعتـه لـيـه
أنا أشري لا بغيـت أشـري ولانـي مسـاوم البيـاع
إلا مـن قـال لـي ميـة عطيـتـه فوقـهـا مـيـه
أنا أكتب لأجل من يقرأ......ولاأرجي من يقول : إبداع
وأبـد لا تحسـب إن مثلـك يشكـل لــي أهمـيـه
تـرى ياهيـه لامنـي نويتـك؟؟ بـس أطـق إصبـاع
يجينـي ألـف شيطـان ووراهــم ألــف جنـيـه
أجرك من طرف حرفـك وأرد الصـاع ميـة صـاع
جنـون القـاف أرقصهـم علـى راسـك هجائـيـه
ياويلـك لـو توليتـك وربــي مـالـك الشـفـا ع
يجيك من القصيد إحسب....ثلاث مية ...ثـلاث ميـه
ولكـن خلـك بحالـك مـدام إن الصـدور وســاع
تــرى للحـيـن ماضـاقـت ولساعـهـا شمالية[/poem]

المبدع / خلف المشعان



وله أيضا ::









[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=sp num="0,black"]
وش هقوتك ؟؟ .. يا ساير .. الصدر لا ضاق ..!!
هـو ينفعـه .. لاقلـت : .. خـلـك شمـالـي
لــو القصـايـد .. كلـهـا .. مجـامـل أذواق
مـا طـاح .. دمـع .. ولا تذكـرت .. غـالـي
عينـي تـراوغ دمعهـا .. وسـط الاحــدااااق
وأخــاف أغمضـهـا .. يـطـرز .. قبـالـي
لا حـدهـا زفــره .. ولا ردهــا اشـهـاق
الله يخـرب .. بيـت أبـو .. طيـب .. فـالـي
جـرحٍ خفيـف وجـرح ساطـي .. بالأعـمـاق
وجـرح يهـد اقصـاي .. وانخـى .. خـوالـي
كل ما اختصـرت الوقـت .. يضربنـي طـراق
وارجـع وأعيـد حسـاب .. وقــتٍ مضـالـي
ماجيـت ابشكـي لـك .. سواليـف عـشـاق .
ولا جـيـت امـثـل دور .. شـاعـر مثـالـي
مشتـاق .. ؟ إي والله .. وانـا اخـوك مشتـاق
لـو مااتصالـك .. كـان جــاك .. اتصـالـي
شـف كيـف جفنـي للسـهـر .. كـنـه رواق
مبعـد عـن العـالـم .. وجـالـس .. لحـالـي
المشكلـه ؟؟ يـا سايـر .. الصـدر لا ضــاق
مــا ينفـعـه لا قـلـت خـلـك .. شمـالـي [/poem]