سوق برزان

[align=center][align=center] السلام عليكم ورحمة الله وبركاته ::


:: كيفكم اخواني واخواتي الغالين .. انشالله بخير ::


:: حبيت اجيب مع قصيده لشاعر ( عبدالله باتل الرشيدي ) .. (( البحر الميت )) ::

:: قال هاذه القصيده عام ( 1400 هـ ) ... ::

:: سوق برزان ::


مره طفشت وقلت يالله البـــــرزان = ابا اتمشى فيـــــــــــــــــــه هالعصر واتي

ماعندي الا منيف والا هــــديبــــان = وقضت سوالفـــــــــــــــــهم ومافات فاتـي

وانا امشي بسيارتي بـــعد الاذان = واصف واقف با أيمــــــــــــن الســـايداتي

ومع وقفتي شاهدتلي جول غزلان = صادفتهن مع دخلـــــــــــــتي داخــــــلاتي

قلت تــــــــــو الجو والكيف لي زان = وباريتــــــــهن ساكــــــــت وهن ساكتاتي

حتى بمشيتهن يهيــــضن الاشجان = تقول من شـــــــــــــــوف العرب جافلاتي

ولو ماهن وسط السوق في وسط بران = ان كان اقول من الســــماء نازلاتي

وحده تقول عيونها عيون شيـــــهان = اسهــــــومها لاهـــــــــل الهوى صايداتي

تمشي دلع بالسوق وتهز الامتان = وتضــــــــــفي على ذيك الردوف العباتي

والثانيه ماظن في وصفها انسان = عيــــــــــونها وخــــــــــــــدودها ساحراتي

رسم الجمال اليوسفي فوق الاوجان = وجـــــــــدايل(ن) فوق النحر طالعاتي

والثالثه سمراء ومدعـــــوجة أعيان = سمـــــــــــــر(ن)جميع اوصافها كاملاتي

من ادم وجاي اظن مامثلها كــــان = تحتـــــــــــــــــار في توصيفها الجامعاتي

مشيت معهن ووقفن عند دكــــان = وانا مـــــــــــــــع ايمنهن فضيحه اسواتي

امشي واقرب يمهن بعض الاحيان = لين اعرفن قصــــــــــــدي بكثر التفاتي

تلافتن قالن تعال الك غرضـــــان = قلـــــــت ايه انا مفتــــــــــــــون يافاتناتي

قالتلي السمراء تراك انت غلطان = ماهو بحـــــــــــــــــنا كان لك عاشقاتي

وتقول وحده منهن اطولهن السان = متى تعرفـــــــــــــــــنا ياقليل الصفاتي

قلت اسمعن والله انا انصبت بجنان = والا ادري اني بســـــــــلة المهملاتي

ضحكن وقالتلي تغازل وخـــــــوان = قلت ايه خاين طاح فـــــــــــي خايناتي

ركبن بعد هذا على بيوك بطران = اخـــــــــــــــــر موديل يسابق الطايراتي

راحن وانا اطالع وفي قلبي احزان = وراع الدكيـــــــــــــكين اتركنه ايهاتي

وللبيت رحت وثم اعلنتها اعلان = ممنوع اطـــــــــــــــب السوق بالمقبلاتي

ماعاد اروح اسمع افلان وفلنتان = من غيـــــــــــــــر ذنب اطيح بالداهياتي

رجعت متحطم وضايق وزهقان = مامــــــــــــــــن فوايد راس مالي نجاتي




:: في الختام تقبلوو تحياتي ...
في منتدانا شعار جـــــــزلين ومعكم أشارك ونقل لكم
اختكم دمعة قهر [/align][/align]

[align=center][align=center]وصف عالي الدقه

مشكوره اختي دمعة قهر على هذه المشاركة التي لاتخلو من الطرافه
والاسلوب الفكاهي

سلمتي لاخوانك[/align][/align]

[align=center]اختي دمعة قهر الله يعطيك العافية وتسلمين

على النقل الرائع


تحياتي وخالص تقديري


دمتي بخير[/align]

[align=center]تسلمين غاليتي دمعة قهر

الله يعطيك العافية

دمتي بخير[/align]

[align=center]رمضان من ألاداره

مشكور على تواجدك ووجودك شرف أخوي رمضان
يابعدهم كلهم لاياخلف هلي لاخلا ولاعدم تسلم لخوي
اختك دمعة قهر[/align]

[align=center]ممدوح الهلال

مشكور على نواجد اخوي وهذا من حسن ذاتك
لك تحياتي اختك دمعة قهر[/align]

[align=center]الريم

لاياخلف ميتي وهلي وحياني والله ياعمر مشكوره وتواجدك
ناموس لختك نسلمين لايابعد من خلفوه أخنك دمعة قهر[/align]