|
|||||||
| منتدى الشعر المنقول منتدى خاص بالشعر والقصائد المنقولة |
 |
|
|
أدوات الموضوع | انواع عرض الموضوع |
02-16-2008, 07:39 PM
|
#1 |
   
تاريخ التسجيل: Mar 2006
الدولة: في منتدى الويلان
المشاركات: 7,923
معدل تقييم المستوى: 380  |
جميع قصائد الداهية المنبر خلف المشعان هنا((النصية فقط))
[align=center]مساكم الله بالأدب والذوق والشعر الجزيل
اود ان نضع في هذا المتصفح في منتدى الويلان جميع مانملكــــــ من القصائد الكتابية للمنبر الداهيه البديل : الشاعر خلف المشعانبحيث تكون هنا مكتبة نصية لشاعر عنزه واود كذلكـــــ ان يكون المتصفح فقط لكتابة القصائد والتصفح , ويمنع كتابة اي رد سوى ان يكون الرد قصيدة للشاعر خلف او محاورة بينه وبين شاعر اخر [gdwl] مع تحياتـــــــــــــــــــــي ؟.؟.فــــــــــــــــــــــدا عنــــــــــــــــــــزه؟.؟.[/gdwl][/align]
__________________
و*17 
|
|
|
|
02-16-2008, 07:41 PM
|
#2 |
|
تاريخ التسجيل: Mar 2006
الدولة: في منتدى الويلان
المشاركات: 7,923
معدل تقييم المستوى: 380 |
جميع قصائد الداهية المنبر خلف المشعان هنا((النصية فقط))
[align=center]مساكم الله بالأدب والذوق والشعر الجزيل
[align=center]  [/align]اود ان نضع في هذا المتصفح في منتدى الويلان جميع مانملكــــــ من القصائد الكتابية للمنبر الداهيه البديل : الشاعر خلف المشعانبحيث تكون هنا مكتبة نصية لشاعر عنزه واود كذلكـــــ ان يكون المتصفح فقط لكتابة القصائد والتصفح , ويمنع كتابة اي رد سوى ان يكون الرد قصيدة للشاعر خلف او محاورة بينه وبين شاعر اخر [gdwl] مع تحياتـــــــــــــــــــــي .gif) ؟.؟.فــــــــــــــــــــــدا عنــــــــــــــــــــزه؟.؟.[/gdwl][/align]
__________________
و*17
التعديل الأخير تم بواسطة فــدا عنزه ; 02-16-2008 الساعة 07:45 PM |
|
|
|
|
02-16-2008, 07:47 PM
|
#3 |
|
تاريخ التسجيل: Mar 2006
الدولة: في منتدى الويلان
المشاركات: 7,923
معدل تقييم المستوى: 380 |
رد: جميع قصائد الداهية المنبر خلف المشعان هنا((النصية فقط))
[align=center]
: : : : ((هبوط اضطراري )) من طاح .. من عينك ؟؟ ومن فيه ماطـاح ؟؟ ......................................... ذي طيبتك .. واليوم .. تدفع ثمنها : : : حتى لو انك كنت .. صاحي .. ولمـــاح ..................................... أصحاب ( كيف الحال ) محدٍ .. بخنها : : : صفو على جمر الحسـَد .. والعـفن .. فاح ..................................... ولمت عفون الخلق .. ريحة .. عـفنها : : : يالله دخيلك .. كلـها .. شالت .. رماح ......................................... حتى الوغـد قام .. يتخمــّــش رسنها : : : مات الحيا والمرجله .. دمها .. ساح ........................................ كلٍ كشف .. عن سوء نيه .. دفنها : : : دامه .. زمن عقرب ، وحيه ، وتمسـاح ....................................... خل الأسود .. اتنام .. ماهــو زمنها : : : قالولي انطح .. صيحة الصوت .. بصياح ....................................... واعزل احرام السالفه .. عن كـفنها : : : قلت الخساره بالردي .. عندي ارباح ........................................ ومثلي .. يعلي هامته .. ماطـمنها : : : ترسي جبال طويق لا هــبت ارياح ..................................... وانا من اول .. ماخذ الراي .. منها : : : اقولها وانا .. مروّق .. ومـرتاح .................................... شل الله .. لسان العــفون .. وبدنها : : الشاعر خلف المشعان[/align]
__________________
و*17
|
|
|
|
|
02-16-2008, 07:51 PM
|
#4 |
|
تاريخ التسجيل: Mar 2006
الدولة: في منتدى الويلان
المشاركات: 7,923
معدل تقييم المستوى: 380 |
رد: جميع قصائد الداهية المنبر خلف المشعان هنا((النصية فقط))
[align=center]
زارني شيخ بمنامي !! هــزني شــوق المعني .. ماعلي من الملامـه ..لهـف نفسي .. للقوافي .. لهــف خيٍ جاه خـيه : : إن نسى ياقف بوجـهه .. قال : عز الله مقامه ... وإن وقفله .. حب راسه .. احترام ومـقدريه : : ماقصدت يقال .. شاعر .. ويتفنن .. في كـلامـه ...موهــبه من فضل ربي .. ساقــها الرحـمن لـيه : : ماتفاخر بالقصـيد .. ومـدّعي .. فيه الزعـامه .. مير جيت من الأخير الياالصفوف الأولــيه : : لي هيامي .. في الخيال .. وكـل شاعر .. له هيامه .. والشعر مابه كبير .. ولاصغير .. ولااقدميه : : من بكم يحضر قصيده .. ياجماعه .. في منامه .. ماتحدى .. مير والله يانها صارت علـيه : : زارني شيخ .. بمنامي .. ( محرم ) ولابس عمـامه .. دق صدري .. في ( عصاه ) وقال : جايبلك هديه : : قلت : وشي ؟؟ قال : هذي !! قلت : وشي ؟؟ قال : خامه ... فلها واكتب علـيها .. قلت : مافيهاأذيـه : : قال : أبدا لا تخاف .. وقلتله : مع السلامه ... وقبل يمـشي .. هز كـتفي ... قال : عندي لك وصيـه : : اكتب اللي انت شفته .. ماعليـك من الملامــه .. راح تطلعلك .. قصيده .. تستحق الأفضليه : : وصـد وجهه .. راح يمشي .. وقمت افكر في كلامـه ... كيف اخـلي هالقصيده .. في منامي واقـعيه : : يوم فليــت القماشه .. فرفحت .. مـنها .. حـمامه .. وقمت اصفق من منامي للحلوم الشاعـريه : : : : : الشاعر خلف المشعان[/align]
__________________
و*17
|
|
|
|
|
02-16-2008, 07:55 PM
|
#5 |
|
تاريخ التسجيل: Mar 2006
الدولة: في منتدى الويلان
المشاركات: 7,923
معدل تقييم المستوى: 380 |
رد: جميع قصائد الداهية المنبر خلف المشعان هنا((النصية فقط))
[align=center]وهذه قصيدة يرد فيها على قصيدة ::زارني شيخ بمنامي:
تذكرون الشايب اللي زارني بذاك المنام .. ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ في منامي كيـف ؟ مــدري ! ….. رحت زرته في منامه : : : : : ليلة البارح .. لقيته .. فوق موج من الغمام ……………………………. جادعٍ جنبه عصاه .. …………………………….ونازعٍ ذيك العمامه .. : : : : : جيت بشويش وندهته .. اقعد .. اقعد .. ياإمام ! ……………… صك ايديه .. وحك عينه ……………………………قال .. وشي ها لغمامه ؟؟ : : : : : قلتله : صحصح دخيلك .. جيتلك .. عندي كلام .. ………… قال : منهو ؟ ماعرفتك !! …………………….. قلت : انا راعي الحمامه : : : : : قال : طارت ؟ قلت : طارت ! قال : والله ماتلام ……………. قلت : ليه ؟ وقال : طبعاً .. ………….……………….….. رحت تسمع للملامه : : : : : : قلت : والله ماسمعت .. لغير ربعي .. والسلام ……… قال : ربعك غير طبعك ……………………….... وانت غير وبك علامـه : : : : : قلت : وشي هالعلامه ؟ قال : واضح بالعتام .. ………………….. قلبك ابيض …………………………….. لايهمك من يخمك في كلامه : : : : : قلت : شفهم .. غيروني .. شلة عيال الحــرام .. ……………… قال : أنا ادري ……………………… واعرفهم .. مابهم ذرة كرامه : : : : : : قلت : ابيلي خامه اكبر ماتقطع .. بالزحام …………….. قال : شمر .. لاتذمر ……………………….... وانت شاعر دون خامه : : : : : : قلت : طيب .. ويش اسوي .. قال : خلك بالظلام … ……………. هالزمن لو شفت نوره ؟ ……………………………. راح ترضى عن ظلامه : : : : : لكن اسمع ياوليدي : ـ ظل عندي لك كلام .. …………. الجمل ماراح يصبر ؟ ……………………….. لو تخلى .. عن .. سنامه : : : : : اكتب اللي في مزاجك .. وابتكر .. واكرب احزاام .. ……………لاتخاف .. ولاتداري ………………………………ولاتدور للزعــامه : : : : : قالها .. ثم دار وجهه للغيوم ورد نام .. …………… وقمت فازع من منامي .. ……………………………. بس اتمتم في كلامه!! الشاعر خلف المشعان[/align]
__________________
و*17
|
|
|
|
|
02-16-2008, 07:57 PM
|
#6 |
|
تاريخ التسجيل: Mar 2006
الدولة: في منتدى الويلان
المشاركات: 7,923
معدل تقييم المستوى: 380 |
رد: جميع قصائد الداهية المنبر خلف المشعان هنا((النصية فقط))
[align=center]خارج نطاق التغطيه!!
خارج نطاق التغطية .. او .. تغطيـه دون النطاق ...... فرق الخروج المنطقي حسب اختلاف المنطقه ماهيب لعبة مفردة .. بين التجـــانس والطباق ....... لا لا ولا هي فلسفة شاعر فراغ وهرطقـه المسأله !! ركز معي .. يمكن ترد ضمن السياق ...... لاتسبق احداث الشطر قبل انطقه لا تنطـقه شيٍ يطاق بهالزمن .. واشيا كثيره ماتطــاق ...... شعر الغزل غير الهزل .. والطق غير الطقطـقه المشكله مو بالطراق ،، المشكله بعد الطراق ......يامحللين المشكله .. بلاش .. كـذب وتريقــه إتي اتحاد ... وتختصر إتي .. بعــد للاتفـاق ...... لكن ولاإتي .. بقت في ظل عصـر التفـرقــه ناخذ طراق ونبتسم .. احلى عرب ..!! واحلى عراق .......واحلى فلسطين ونقط .. لا خر حدود المنطـقه الشاعر خلف المشعان[/align]
__________________
و*17
|
|
|
|
|
02-16-2008, 08:01 PM
|
#7 |
|
تاريخ التسجيل: Mar 2006
الدولة: في منتدى الويلان
المشاركات: 7,923
معدل تقييم المستوى: 380 |
رد: جميع قصائد الداهية المنبر خلف المشعان هنا((النصية فقط))
[align=center]قصيدة خلف المشعان في شاعر المليون في مرحلة 48
الشعر في شرعي فكر [poem=font="Simplified Arabic,4,black,bold,normal" bkcolor="transparent" bkimage="backgrounds/16.gif" border="ridge,4,gray" type=2 line=0 align=center use=ex num="0,black"] الشعر في شرعي فكر .. والفكر بالشرع الاصيـل = نهـج العقـول الناضجـه والعاقليـن أدرى بهـا مو شرط من يكتب شعر يدري عن بحور الخليـل = اللـي يـداوي علـتـك لا تبلـشـه بأسبابـهـا احد(ن) على الحنده حدا .. وحد(ن) على الشله يشيل = كلن علـى مـا يكـرب بيوتـه يمـس اطنابهـا على سبيل اهل المثل مانـي مثـل اهـل السبيـل = اللي معانـي حضورهـا تشبـه معانـي غيابهـا لا غبت جبت وعادتي لا غبت مارجـع بالهزيـل = ان جبت اجيب اللي محـد قبلـي بالشعـر جابهـا تعشقني الفكره بكر .. واسبق لها الـوزن الثقيـل = اللي بنـات افكارهـم مبطـي رميـت حجابهـا اهيـم فـي واد الدهـا واروي حديـث السلسبيـل = يوم ان غيري جامع(ن) كتب الشعر يقـرى بهـا ما بالقرايـه رايـة(ن) بيضـا ولا منهـا ذبيـل = لا روحـت خيـل الطـرد تبكـي علـى هذابهـا بعض المعاني وقعها اشطر من السيـف الصقيـل = يوم السيوف مـن الهلـع تثقـل علـى قضابهـا ناس(ن) على الشعر دخلت والشعر بي منهم دخيـل = يقول انا بوجهـك عـن الهزلـه وعـن كتابهـا ومدام صارت تشكي العلـه مـن اسبـاب العليـل = قل للجماعـه ترمـي ثيـاب(ن) ماهـي بثيابهـا ماهي بلحيه طشطشه سيل(ن) من العارض يسيـل = اسقـى جبـال المملكـه وسهولهـا وهضابـهـا فان قيل ابو ظبي ابرقت وعيـون اهاليهـا تخيـل = قولو لهـا عينـي لهـا مبطـي تـرف اهدابهـا مساكـم الله بـالادب والـذوق والشعـر الجزيـل = من شاعر(ن) صدره يسعى مكه ومن يسعى بهـا شاعر شمالي وقفته عـن لابتـه تشفـي الغليـل = يدرى زعلهـا ويحمـى عنهـا ويخشـى عتابهـا في ميله عقاله ثقـه وبفطرتـه صبـر(ن) جميـل = يحسب مسافـه صيدتـه واليـا رماهـا صابهـا انا البديـل لعمـر بـن كلثـوم لـو مالـه بديـل = لا قامت فحول الشعـر تفخـر بطيـب انسابهـا لا المستحيـل يردنـي ولا ابـن عـم المستحيـل = ياما كسـرت القاعـده واخلفـت وجـه اعرابهـا صدري ليا عليت على واليا استطالـت يستطيـل = اما استـوت لـي كلهـا ولا بـلاش اشقـا بهـا عندي قناعه ظلهـا وافـر ولا لـي فيهـا مقيـل = مامشي ورى قالـو قبـل واعيـش فـي جلبابهـا ما من ورى زرع المثل في وقتنا الحاضر حصيل = من طبق امثال العرب هـذا الزمـن يبلـى بهـا من ذل لو قالـو سلـم .. يبقـى بنظرتهـم ذليـل = ما تستوي القمـه تحـت رجليـن منهـو هابهـا ايه الشجاعه تغلب الكثره وانـا اعطيـك الدليـل = الذيـب يـدرع بالغنـم ولا يحسْـب حسابـهـا جيت بشموخ الوايلي ما جيت مـن تحـت الشليـل = ولا ردنـي عـن ساحـه الشعـار كبـر القابهـا لو كل من اسمه جميل من العـرب يطلـع جميـل = كان اكثر اسماء العرب تحميل صفات اصحابهـا ولاينعم بظل النخيل اللـي تحـت جـذع النخيـل = الشمـس تصقـع هامتـه حتـى يحيـن غيابهـا ولاطولت عمر آدمي قولت عسى عمـرك طويـل = طول العمـار وقصرهـا رب العبـاد أدرى بهـا رح ردها عنـي وانـا باكبـر عواقبهـا كفيـل= كان طلعـت كذبـه فانـا بيـن العـرب كذابهـا ان الشجاعه تغلـب الكثـره وهـذا اكبـر دليـل = الذيـب يـدرع بالغنـم ولا يحسْـب حسابـهـا[/poem] الشاعر خلف المشعان[/align]
__________________
و*17
التعديل الأخير تم بواسطة فــدا عنزه ; 02-16-2008 الساعة 08:13 PM |
|
|
|
|
02-16-2008, 08:12 PM
|
#8 |
|
تاريخ التسجيل: Mar 2006
الدولة: في منتدى الويلان
المشاركات: 7,923
معدل تقييم المستوى: 380 |
رد: جميع قصائد الداهية المنبر خلف المشعان هنا((النصية فقط))
قصيدة خلف المشعان في شاعر المليون في مرحلة 24 الشطرنج [poem=font="Simplified Arabic,4,black,bold,normal" bkcolor="transparent" bkimage="backgrounds/16.gif" border="groove,4,gray" type=1 line=0 align=center use=ex num="0,black"] علموني ياجماعه جيت ابسأل وأستشير=مـــبتدأ والـــراي مـنكم يعتبر عـــندي خبر ما كتبت الشعر والله لجل أباقف بالأخير=ياحضر بالصف الأول يا عساني ما حضر ولا كتبته لجل أبغوي ريم وأغري به عبير=ما ورى طرد العذارى مجد قوم ولا فخر ما شهر صيت المهلهل قولة انه كان زير=لين مات كليب واعلن حرب ثاره واشتهر ولاكتبته لجل اخاوي شيخ واشحذ من امير=ينهدر دمي واموت ودم وجهي ما انهدر نمدح اللي يستحق المدح مانرجي نظير=او بما معنى الحديث بلا ضرار ةلا ضرر لو يجور الوقت فينا ما نفكر نستجير=شيمت(ن) منا وفينا طبع طبعا تعتبر مصدر العز اتجاه البوصله طيب الفقير=عزة النفس اتساع الصدر مجمل ما ذكر تعني انا غير طبعا لازم اكتب شي غير=شي ما جا به مظفر ولا أحمد مطر كان ماني عن رياض العز وربوعي سفير=جعل شعري للذهاب بلا اياب من السفر وكان ماني في سفارى دار ابو متعب جدير=جعلني ما اقوم واقف من على الكرسي الحمر وكان ماني للخليج لسان باليوم العسير=جعل مالي يوم أسند لا حزام ولا ظهر الوطن مجلس تعاون به قوافلنا تسير=والحقود يموت غل وتنفطر كبده فطر السعودي من هل البحرين لا صاح النذير=والاماراتي عماني والكويتي من قطر يصعب الموقف ويسهل في نظر عين الكبير=جابوا الدر الثمين وجبت في كفي بحر يا أولي الألباب ياأهل العرف يالجمع الغفير=أرشدوني جعل ربي ما يوريكم كدر علموني كيف ابحيا واشهق بليا زفير=علموني كيف ابطمر سطر واكتب في سطر هو يصير ان كل منهو قال راي يكون خير=او يصير ان كل مهدي يكون مهدي المنتظر هو يصير الفيل يلعب باتجاهات الوزير=و يصير الشاه يرجع خطوتين بلا خطر علموني كيف ياكل قلعتي جندي حقير=ولعبة الشطرنج تقهر من لعبها يابشر علموني عن خطايه لجل اعاود واستخير=واشرحوا لي كيف مخطي لجل أدنق واعتذر[/poem] [align=center] ابيات الولاء [poem=font="Simplified Arabic,4,black,bold,normal" bkcolor="transparent" bkimage="backgrounds/16.gif" border="ridge,4,gray" type=1 line=0 align=center use=ex num="0,black"] من يدعي الله مايكون ادعائي = لابد مالله يستجيب لدعائه الله يقرب من قصيدي وفائي = ويزيد بعده عن دروب الدنائه تقفي صباحات الوطن عن مسائي = عمر النهر مايوم شح بعطائه من يوم كنت بصف أولى أبتدائي =للسادسه حتى خذيت الكفائه كم سارعي رددت فيها ولائي = يوم اهتف له بالنشيد بفضائه دام أولياء الأمر نفس أنتمائي =فالوايلي مافيه شك بولائه[/poem] ابيات الجمال [poem=font="Simplified Arabic,4,black,normal,normal" bkcolor="transparent" bkimage="backgrounds/16.gif" border="groove,4,gray" type=1 line=0 align=center use=ex num="0,black"] مو جديد ليا كتبنا الشعر في وصف الجمال =الجديد ليا عطينا للقصيد أوصافها مثل ماراعي الأباعر يحتري برق الخيال = أحتري فكره تحقق بالقصيد أهدافها ومثل ما البل بالمزاين تبهر عيون الرجال =تبهر جزال المعاني كل منهو شافها ومثل مايبرك جملها للحمول وللثقال = أبرك للحمل الثقيله ماحسبت خفافها ومثل ماهي عند أهلها أعضم المال الحلال =راس مالي هالقصايد طامح بانصافها[/poem][/align] [align=center]الشاعر خلف المشعان[/align]
__________________
و*17
التعديل الأخير تم بواسطة فــدا عنزه ; 02-16-2008 الساعة 08:27 PM |
|
|
|
|
02-16-2008, 08:30 PM
|
#9 |
|
تاريخ التسجيل: Mar 2006
الدولة: في منتدى الويلان
المشاركات: 7,923
معدل تقييم المستوى: 380 |
رد: جميع قصائد الداهية المنبر خلف المشعان هنا((النصية فقط))
[align=center]
صدري بلد خيوه ، أنا صدري بلد .. كله عنوز ... // .. بفياضهم ينبت خضار .. اعتزازي : : من جيل ابن عبار لا جيل ابو روز ..... // .. لا جيلي .. اللي يشهدون ، امتيازي : : قطفت جوز الهند ، مع فزة الجوز ..... // .. وفجرت ،، نبعٍ بالقصيد ، ارتوازي : : ماني من اللي بالمواقيف ، مهزوز ...... // .. حامض على بوز الزمان اهتزازي : : ماادور الفرصه ولا اتعب على الفوز .... // .. كم فرصة ٍ راحت تمنى ، انتهازي : : ما همني / رائع / ومبدع / ومحجوز .. // .. ولااتعـِـب على راي ، الخلايق جهازي : : هالشعر ماجيته ولا جيه ، بالــتوز .... // .. ان ماطلع ..باحساس مالله موازي : : كم ما يجوز.. لـيا شتهينا له ، يجووز .... // .. من باب تشبيه المحال ، بمجازي : : اهل الحفر تطرب على صوت ، فيروز ...... // .. اذا اطربت لبنان ريشة ، عزازي : : ياعويس انا عن سكة الغيـم ، ما جوز ......... // .. رايك على جزل القصايد جوازي : : شعري على خبرك ، ترى مابه رموووز ........ // .. لا تنزعج ، ماراح .. اظلل قزازي الشاعر خلف المشعان[/align]
__________________
و*17
|
|
|
|
|
02-16-2008, 09:08 PM
|
#10 |
  
تاريخ التسجيل: Sep 2007
المشاركات: 3,391
معدل تقييم المستوى: 270 |
رد: جميع قصائد الداهية المنبر خلف المشعان هنا((النصية فقط))
[align=center]عرفة وجيه!!
ياكثرهم .. لا قلت لك .. عرفة وجيه وياقلهم .. لا قلـت .. قـدر ومعـزه : رجلٍ .. تعزه بعد ماتلتقـي .. فيـه ورجلٍ .. قبل ماتلتقي بـه .. تعـزه : ورجلٍ .. ترزه بالمجالـس مباديـه ورجلٍ .. فلوسـه بالمجالـس تـرزه : ورجلٍ .. يموت ولا يجيبون طاريـه ورجل ٍ .. يجي طاريه في كـل حـزه : ورجلٍ يهزه .. بعض موقف ويشقيه . ورجلٍ .. مهوب أيّات موقف يهـزه : ورجلٍ .. ضعيف .. ويستفزه معاديه ورجلٍ .. كلام اعـداه .. مايستفـزه : ورجلٍ .. تلزه يعترف لك .. بخافيه ورجلٍ .. على خافيه .. محـدٍ يلـزه : ورجلٍ .. يوزونه .. ويزعل بنيخيه ورجلٍ .. يزعّل من يحـاول ، يـوزه : ورجلٍ .. تكزه لا زم انك .. توصيه ورجلٍ .. بليّا مـا توصيـه .. كـزه : من لا فرش .. للمرجله .. ماتغطيه ومن لايخز .. الناس .. محـدٍ يخـزه : ان كنت تعرفني فهي .. عرفة وجيه مو شرط لك بالقلب قـدر .. ومعـزه الشاعر خلف المشعان[/align]
__________________
والله لو ان اللي يبي منك يعذرك=ماجيك متعني وانا باخن الحال
لكن ظروف الوقت احيان تجبرك=تحتاج حرمة وانت لك الف رجال |
|
|
|
|
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 02:21 AM.