|
منتدى الشعر المنقول منتدى خاص بالشعر والقصائد المنقولة |
الذهاب إلى الصفحة... |
|
أدوات الموضوع | انواع عرض الموضوع |
05-23-2008, 01:01 AM | #1 |
تاريخ التسجيل: May 2006
المشاركات: 8,506
معدل تقييم المستوى: 30 |
قصــــة شايب هـــواوي ... مع بنت ملكـــــعه ... مجاراه رائعه
[align=center]شايب هواوي وبنت ملكعه
بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون : راحت له وردت عليه السلام كيف حالك يا شايب رد السلام والله بخير الله يعافيس وفجأه عطته ظهرها ومشت ولا استئذان ولا شي ؟؟ ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه يقول الشايب :>>>>>>>> يا بنت خوذي خاطري وارحميني لا تجرحين العود بعيونك السـود غضي نظرك وغطي الوجنتيني لعل يومٍ جدد الجرح مـا يعـود يوم انتهى مع مرمسات السنينـي جتني صواديفه على غير مقصود باول شهر عشره نهار الثنينـي حمدان مروا به على جنازة حمود البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل ردت عليه وهزأته تقول >>>>>>>>>>>>>> يا شايب الرحمن وينـك ووينـي عزي لحالك قدمك الباب مسـدود قلبك عطوف وجاه قلـبٍ متينـي والبنت ما تشفق على مغازل العود حبل الرجا مقطوع بينك وبينـي مثل الغليث اللي رعا قلبه الـدود اقفى شبابـك والعـرب مقبلينـي يا عود ما يرجع من العمر مفقود حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه يقول حمدان : >>>>>> يا بنت صدي بالعيـون الظليلـه لا صد عنك الله نهـار القيامـه مالي ومالك يالفـروع الطويلـه لو فيك من رسم البـداوه علامـه يابنت ما لـي بالثمانيـن حيلـه اهدف كما تهدف على البير قامه اقفى شبابي والدهر شفـت ميلـه يالله حسـن الخاتمـه والسلامـه اعطيك موجز والبضاعـه قليلـه واخذت لك من صافي الماء سنامه راحت الايام والشايب مسكين سنه خذله معها شايب وهي بنت وتقول له كيف اعطي شايب وجه بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب يقول حمدان >>>>>> يا بنت ما جاس الكبر والخشونـه وعادت شباب اليوم يجفل من الشيب ياسرع ما وبلـك تمـزع مزونـه يالفاتنه يـا ام الثمـان الرعابيـب يا بنت ما بينـي وبينـك مهونـه كلمة شرف نبي تحيـه وترحيـب الله مـن عـودٍ ثقيلـه طنـونـه ينصاه راع المشكلـه والمواجيـب على الكرم والديـن نفسـه حنونـه تلقاه بالاجـواد شـرق وتغاريـب جهز الابيات وارسلها مع عجوز ووعد العجوز بهديه اذا وصلت الرساله لها راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي العجوز مسكينه قالت طلعيني ولا ابي منكم شي الله لا يعودكم انتم واوراقكم ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف تقول البنت >>>>> العود عود وطايحـاتٍ سنونـه من كثر ما يرقد على جرة الذيب عودٍ مهرقل والعرب ما يبونـه ياعود ما لك في طويل المراقيب اقفى شباب العود راحت حتونـه مثل اليتيم اللي بكا ما له مجيب جداه ينثر دمعة ٍ مـن عيونـه غريق موجٍ ما لقا له مقاضيـب وسلامتكم إن شاالله أعجبتكم هالمحاوره والله يكفي الشيبان شر البنات الملكعاااااات منقول[/align]
__________________
|
05-23-2008, 08:27 AM | #2 |
تاريخ التسجيل: Jan 2008
المشاركات: 1,643
معدل تقييم المستوى: 231 |
رد: قصــــة شايب هـــواوي ... مع بنت ملكـــــعه ... مجاراه رائعه
اكيد تبي تعجبني لانها من احلى جد بالدنيا
صراحه البنت حطمت الشايب تحطيم ياحبت عيني المفروض تاخذ ابخاطره اشوي والله كسر خاطري وهو يتميلح عليها بالابيات صحيح انها بنت ملكعه وبقوه ليكون بنت جيران اللي مسويه فيك هذا كله وحطيتها على الشايب جدي اعترف لااعلم جدتي عليك الله يعطيك العافيه تحياتي لك |
05-23-2008, 06:30 PM | #3 |
تاريخ التسجيل: Mar 2006
المشاركات: 18,134
معدل تقييم المستوى: 30 |
رد: قصــــة شايب هـــواوي ... مع بنت ملكـــــعه ... مجاراه رائعه
تسلم أخوي نايف
على هذه القصة والقصائد وهذا الأختيار الرائع كل الشكر لك تقبل تحياتي وتقديري |
05-23-2008, 07:42 PM | #4 |
تاريخ التسجيل: Sep 2007
المشاركات: 8,400
معدل تقييم المستوى: 372 |
رد: قصــــة شايب هـــواوي ... مع بنت ملكـــــعه ... مجاراه رائعه
[align=center]ههههه
صح لسانك اخوي نايف وشاكر لك على الموضوع هذا وهو شايب وشلون يوم هو شباب يا شايب الرحمن وينـك ووينـي عزي لحالك قدمك الباب مسـدود لكن يستاهل[/align]
__________________
|
05-24-2008, 03:12 PM | #5 |
تاريخ التسجيل: Apr 2006
الدولة: دار أبــــــو مـتعــب
المشاركات: 23,436
معدل تقييم المستوى: 689 |
رد: قصــــة شايب هـــواوي ... مع بنت ملكـــــعه ... مجاراه رائعه
[align=center]والله حرام عليها كسر خاطر ي الشايب ههههههههههه
تسلم اخوي نايف على هذا النقل الله يعطيك العافيه تحياتي وودي لك[/align]
__________________
|
05-25-2008, 04:58 AM | #6 |
عضو موقوف
تاريخ التسجيل: May 2008
المشاركات: 29
معدل تقييم المستوى: 0 |
رد: قصــــة شايب هـــواوي ... مع بنت ملكـــــعه ... مجاراه رائعه
الأخ نايف النمران
مشكور على الأختيار والمحاورة بين الشايب والبنت وشعراء الغزل ليس لهم سن نهاية ودليل ذلك أمثال الشاعر بصري الوضيحي ومحسن الهزاني الذي لم يفارقهم العشق والهيام والغزل حتى توفاهم الأجل ألتقى بصري في مكة وهوحجاج بأخر أيام عمرة في أحد الفاتنات بالجمال داخل الحرم وتغزل فيها حيث قال التاية اللي جاب بصري يقنة هيض جروح العود والعود قاضي بينما قال محسن في نفس المكان ونفس القصة فقال ياليتنا من حجنا سالمينا كان الذنوب اللي علينا خفيفات تقبل مروري ولك تحياتي |
05-26-2008, 10:22 AM | #7 |
تاريخ التسجيل: Jun 2007
المشاركات: 4,990
معدل تقييم المستوى: 305 |
رد: قصــــة شايب هـــواوي ... مع بنت ملكـــــعه ... مجاراه رائعه
[align=center]مشكور اخوي نايف
الله يعطيك العافيه على هذا الطرح الرائع تقبل خالص تحياتي وتقديري[/align]
__________________
|
05-27-2008, 07:16 PM | #8 | |
تاريخ التسجيل: May 2006
المشاركات: 8,506
معدل تقييم المستوى: 30 |
رد: قصــــة شايب هـــواوي ... مع بنت ملكـــــعه ... مجاراه رائعه
[align=center]
اقتباس:
هههههههههههههههههههه حزن استري علينا يابنت الحلال شاكر لك مرورك الجميل[/align]
__________________
|
|
05-27-2008, 07:20 PM | #9 | |
تاريخ التسجيل: May 2006
المشاركات: 8,506
معدل تقييم المستوى: 30 |
رد: قصــــة شايب هـــواوي ... مع بنت ملكـــــعه ... مجاراه رائعه
[align=center]
اقتباس:
شاكر لك مرورك الجميل تقبلي مني كامل الود ووالتقدير[/align]
__________________
|
|
05-27-2008, 07:25 PM | #10 | |
تاريخ التسجيل: May 2006
المشاركات: 8,506
معدل تقييم المستوى: 30 |
رد: قصــــة شايب هـــواوي ... مع بنت ملكـــــعه ... مجاراه رائعه
[align=center]
اقتباس:
تشرفت بمرورك الرايع تحياتي وتقديري لك[/align]
__________________
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
انواع عرض الموضوع |
العرض العادي |
الانتقال إلى العرض المتطور |
الانتقال إلى العرض الشجري |
|
|