|
منتدى الشعر المنقول منتدى خاص بالشعر والقصائد المنقولة |
الذهاب إلى الصفحة... |
|
أدوات الموضوع | انواع عرض الموضوع |
06-18-2008, 04:39 PM | #1 |
تاريخ التسجيل: Sep 2007
المشاركات: 8,400
معدل تقييم المستوى: 372 |
لا خاب ظنك بالرفيق
[align=center]بالخير يالربع
وشلونكم؟ طيبين؟ وهذي قصيدةمهداة الى كل رفيق خيب الظن فيه[/align] [poem=font="Simplified Arabic,5,black,normal,normal" bkcolor="transparent" bkimage="backgrounds/39.gif" border="none,5,gray" type=0 line=0 align=center use=ex num="0,black"] يقول من عـدى علـى راس عالـي=رجم طويـل يذهلـه كـل قرنـاس في راس مرجـوم عسيـر المنالـى=يشتاق له من دق بالقلـب هوجـاس قعـدت فـي راسـه وحيـد لحالـى=والقلب في لجات الافكـار غطـاس وقعـت اعـد ايامـهـا والليـالـى=دنيا تقلب مـا عرفنـا لهـا قيـاس دنيـا تفـرق بيـن غالـى وغالـى=لو شفت منها ربح يرجـع للافـلاس يا ما هفا بـه مـن رجـال مدالـى=ما كنهم ركبوا على قـب الافـراس ولا رددوا صـم الرمـك للتـوالـى=ولا ثار عج الخيل في كل مـرواس ولا قلطوهـن للكمـيـن المـوالـى=ولا صار فوق ظهورهن شلع الانفاس في حومـة الهيجـا لهـن اجتوالـى=كل يبى من زايـة الفعـل نومـاس من بينهـم عـود الجنـا والسلالـى=مثـل البـروق الليـل الادمــاس اقطعك دنيـا مـا لهـا أول وتالـى=لو اضحكت تبكى وتوريك الاتعـاس يا ابجاد شب النار وادنـى الدلالـى=واحمس لنا يا ابجاد ما يقعد الـراس فنجال يغـدي مـا تصـور ببالـى=وروابع تضرب بها اخماس وأسداس ياعـل قصـر مـا يجيلـه ظلالـى=ينهـد مـن عالـى مبانيـه للسـاس لى صار ما هـو مدهـل للرجالـى=وملجأ لمن هو يشكى الظيم والبـاس بحسناك ما منشـى حقـوق الخيالـى=يا خالـق اجنـاس ومفنـى اجنـاس تجعـل مقـره دارس العهـد بالـى=صحصاح دو خالى ما بـه أو نـاس لا خـاب ظنـك بالرفيـق الموالـى=مالك مشاريـه علـى باقـي النـاس وإن ناشنى من بعض الادنين صالـى=مانى عن الـزلات مخبـر وبـلاس كالعنبـر الغالـى بالأسـواق غالـى=ولا درهم الفضية على صفر ونحاس اجزيـة بالصـده جنـوب وشمالـى=واتلى هوى قلبى اليا هـب نسنـاس المستريح اللـى مـن العقـل خالـى=ما هو ولجات الهواجيـس غطـاس ما هـو بمثلـى مشكلاتـه اجلالـى=عجزت اسجلهـا بحبـر وقرطـاس حملى ثقيل وشلـت حملـى لحالـى=ونصبر على ضيم الليالى والاتعـاس نرسي كما ترسي عوالـى الجبالـى=ما ينهـزع حيـد عليـه القـدم داس متـى تربـع دارنــا والمفـالـى=تخضر افياضه عقب ما هي بيبـاس ونشـوف فيـه الديدحـان متوالـى=مثل الرعاف بخصر مدقوق الالعاس ينثر على البيـداء سـواة الزوالـى=يشرق حمارة شرقة الصبع بالكـاس[/poem]
__________________
|
06-18-2008, 05:19 PM | #2 |
تاريخ التسجيل: Mar 2006
المشاركات: 18,134
معدل تقييم المستوى: 30 |
رد: لا خاب ظنك بالرفيق
تسلم حفيدي
على هذا الأختيار الرائع كل الشكر لك تقبل تحياتي وتقديري |
06-18-2008, 05:24 PM | #3 |
تاريخ التسجيل: Feb 2007
المشاركات: 2,672
معدل تقييم المستوى: 263 |
رد: لا خاب ظنك بالرفيق
[align=center]سامي التويجري
صح لسانك وتسلم على النقل والاختيار للشاعر المرحوم السديري الله يسكنه الجنه حبي وتقديري[/align]
__________________
ياالله ياالمعبود يامنشي الكون & تلطف بحال الي فجعني خبرهم يالله أنا طالبك ياالله بالعوون &عسى المرض يبعد ويبرا جسدهم أثنين في عيني يسوون مليون & لكن حكم الله وهذا قـدرهـم
التعديل الأخير تم بواسطة الحيداوي ; 06-18-2008 الساعة 05:28 PM |
06-18-2008, 08:25 PM | #4 |
تاريخ التسجيل: May 2006
المشاركات: 8,506
معدل تقييم المستوى: 30 |
رد: لا خاب ظنك بالرفيق
[align=center]صح السانك سامي والسان المرحوم السديري
لك مني وافر الشكر والتقدير[/align]
__________________
|
06-18-2008, 09:27 PM | #5 |
تاريخ التسجيل: Sep 2007
المشاركات: 8,400
معدل تقييم المستوى: 372 |
رد: لا خاب ظنك بالرفيق
[align=center]صحت ابدانكم اخواني
الحيداوي نايف النمران الله لا يحرمني مروركم الجميل[/align]
__________________
|
06-19-2008, 06:34 PM | #6 |
تاريخ التسجيل: May 2006
المشاركات: 350
معدل تقييم المستوى: 226 |
رد: لا خاب ظنك بالرفيق
[align=center][frame="7 80"]تسلم يمناك لاهنت
سامي التويجري الله يعطيك العافية على نقل القصيدة للشاعر المرحوم محمدالسديري [/frame][/align] |
06-20-2008, 06:15 AM | #7 |
تاريخ التسجيل: Sep 2007
المشاركات: 8,400
معدل تقييم المستوى: 372 |
رد: لا خاب ظنك بالرفيق
[align=center]ولا انتي اختي شموخ وايلية
شاكر مرورك الكريم[/align]
__________________
|
الذين يشاهدون محتوى الموضوع الآن : 1 ( الأعضاء 0 والزوار 1) | |
انواع عرض الموضوع |
العرض العادي |
الانتقال إلى العرض المتطور |
الانتقال إلى العرض الشجري |
|
|