.. قصائد إبن جدلان ...!!

[align=center]هنا أضع قصائد المبدع .. سعد بن جدلان الأكلبي ..

وأدعوكم للمشاركة :

...............


يا صاحبي خل قلبي يدلـه أحـلا لـه
القلب لاسج من موضوعك أريح لـي
أنا إليا جيت قدمـي صابنـي حالـه
جوارحك كلبوها عنـك تشـرح لـي
أعرف ملامـح عيونـك وش تعنالـه
لاصار منتب بصـادق لا تلمـح لـي
الوضع مزري ويوسف لـه ويرثالـه
حاول على وضع يصلح لك ويصلح لي
أما اعتبرني ذكي منتـب علـى بالـه
وإلا اعتبرني غبي مره ووضـح لـي
ليا متى وحن على ذا الوضع والحاله
تقودني للخطا وأخطي وتسمـح لـي

...........
[/align]

[align=center]اخوي فواز
صح لسانك ولسان سعد بن جدلان

اهنيك على حسن الاختيار
لشاعر كبيـــــــــــــــــــر


تقبل مروري[/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يامل قلب(ن) تقول يقلا على صيخ = خلت به الدنيا حـزازات ومشـوخ
دنيا تنوخ راعـي العقـل تنويـخ = وينداش فيها صاحي الفكر ويـدوخ
تغيـرو فيهـا العيـال المطانيـخ = وسبابها شمل العرب صار مشلوخ
خلتهـم الدنيـا مناشـف طبابيـخ =حتى الاقارب بينها الذيب مصلـوخ
ماعاش فيها الاأعيـال الطخاطيـخ =خطوا البعير اللي من المدح منفـوخ
من شان ماله صار شيخ ولد شيـخ =وامشيخٍ نفسه على النصب والجوخ
بالحكـي لعتـازوه ويـاك مريـخ =وليا جاء لزومٍ عندهم صاروا فروخ [/poem]

تسلم أخوي أبو خالد
الله يعطيك العافية
على هذا المتصفح الخاص بالشاعر الكبير سعد بن جدلان

تقبل تحياتي وتقديري

[align=center]الرفقة
[/align]

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحـه يـوم الاوادم خواشـيـع = في نومها وناعلى الكـوع واعـي
هم(ن)يمزع سترة القلـب تمزيـع = تقول ينهش ثومـة القلـب افاعـي
خذت القلم من بين روس الاصابيع = وحبيت اميز سيرتـي وانطباعـي
عزلت من صدقـان عطلةالاسابيـع = وعزلت من ضحك الوجيه الصناعي
وعزلت من بنين بامالـي مشاريـع = جميد برد ولانس الشمـس ماعـي
وعزلت من زرع الخلـي البلاقيـع = وعزلت من رفـع الثنيـه رباعـي
من نفعة اللـي ماطلبنـي منافيـع = جميلة(ن)في غيـر اهلها ضياعـي
في اسواقها ماعاد لشـري ولابيـع = لخطيت من رفقة طويـل الذراعـي
اللي على الرفقـه يسوقـه دوافيـع = هـذاك تشـرى رفقتـه ماتباعـي
امايشجعني علـى الطيـب تشجيـع = والايعلمنـي حمـيـد المسـاعـي
والا ليامنـه رمعـنـي روامـيـع = وضاقت على كل الفجوج الوساعي
جيته ويسرلي عسيـر المواضيـع = وخلاخفايا خاطـري لـه وسـاعـي
معرفته ماهـي معرفـة طماميـع = ماتنتـج الاالغطرسـه والضياعـي [/poem]




[align=center]صح لسانك ولسان ابن جدلان على هذه الروائع

وسلمت يمناك اخوي ابو خالد

يسعدني ان اشارك بهذا المتصفح الخاص بالشاعر الكبير

تحية طيبة لشخصك الكريم[/align]

[align=center]الا يالهبوب البارده [/align]

[poem=font="simplified arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

الا يالهبوب البارده عجلي هبي = على جاش من قامت هواجيسه أتلوبه
انا مره اصحى ومره يغيبي = واسرح معا كثر الطواري بغيبوبه
الا يا دهر ماهو بحق تلاعبي = وخليتني لمقرد الخلق لعبوبه
اعباد مغفلها الزمان وتعجبي = يحسبون قل المال فالرجل عذروبه
وانا قانع باللي علي كاتبه ربي = ومومن بمقدوره وقانع بمكتوبه
ولا ابغى عما الاريا برايه يجربي = وهو ماعرف ماجوب ربي وماجوبه
هدور المجالس راعي المدح والسبي = وهو بالخلا لو جاه بنت خذت ثوبه
يقولون لي جز من تصرفك وتحبي = وهي توتبي من مجتمعهم هي التوبه
ديار الوباء من طبها راح متوبي = وقرابة الجرباء على الحول مجروبه
انا عارف منصاي الا من بدا نبي = وعارف طريقي والذي باتجه صوبه
وانا اعرف من اعادي وانا اعرف من احبي = وبه ناس لا تعرف ولا هي بمحبوبه


[/poem]

[poem=font="simplified arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
انا يوم اجيّ وأمركـم ياوليفـي حنـج=ولا وديّ أقرابـك تلـدّ النظـر فـيّـه
لعبّ بيّ غرامك فالخفا لعبة الشطرنـج=ليا دار لعبه بين الأعضـاء السياسيـه
وسبح بي غرامك سبح موج البحر فاللنجّ=غفلت وغدابي حبّـك شويّـه ..شوّيـه
لاشفت زولك قام يدخل أعظامـي بنـج=أسولف مع العالـم وقلبـي لـه نحيّـه



[/poem]

[align=center] صح لسانك ولسان الشاعر الكبير

تسلم اخوي ابو خالد على هذا المتصفح الخاص بالشاعر ابن جدلان

واحب اشكر الغاليات بنت ابوها وبدويه على المشاركه بهذا المتصفح

دمتم بالف خير

تحياتي وودي لكم جميعا

[/align]

[align=center][all1=cccccc][align=center] صح لسانك ولسان الشاعر الكبير
تسلم اخوي ابو خالد على هذا المتصفح الخاص بالشاعر ابن جدلان
وأشكر الجميع على المشاركه
أعذب و أرق تحيه

[/align][/all1][/align]

[align=center]صح لسانك ولسان الشاعر ابن جدلان

الله يعطيك العافيه اخوي ابو خالد

والف شكر لك

دمت بود وتقدير [/align]

[align=center]صح لسانك ولسان الشاعر الكبير
الله يعطيك العافيه
تحياتي لك[/align]