ماذا تفعل في ليلة الدخلة .. بالتفصيل الممل !!

[frame="9 80"][align=center]اليوم درسنا ماذا تفعـل في ليلة الدخله!
أبو وايل الموضوع م ن ق و ل يعني مالي شغل بشي
بس عشان خاطر الشباب اللي مايعرف شي
ابي اشرح للشباب وش يسوون في ليلة الدخلة

ايه .. إذا تعديت الثمن طعش حياك الله خخخ
الزبده .. فوق الـ ( 18 ) ولا تقولون مقال
واللي ينحرف ذنبه على جنبه << تحسون يبي يجيب العيد

****************

ماذا تفعل في ليلة الدخلة بالتفصيل الممل !!

ليلة الدخلة .. ياهي ليلة ( كرسمس من قلب )
لا هيئة ولا قلت حيا ولا خوف و لا بطيخ

طبعا ً الناس تختلف عاداتهم .. من ديره لـ ديره
اللي يلبسون كرفتات .. واللي يلبسون طرابيش .. واللي يلبسون دشاديش ( ثياب )

انا ابي اسولف عن اهل الخليج .. وبتحديد السعودية .. وبتحديد سرلنكا خخخ
اقصد منطقتنا

طبعا ً قبل العرس لازم تنسق مع اهل العروس سعر المهر.
وعندنا المهر مو ثابت .. يعني على حسب البنت
إذا هي شق ( صاروخ ) يطلبون100000 الف وإذا لم تكن كذلك يطلبون من الثلاثين الى 50000 الف

وفي مجتمعنا المحافظ .. يقهرونك قهر ورب الكعبة .. تروح اختك وامك يتفحصون البنت
<< مادري شارين لي موتر مو بنيه ..

الزبده ..

و ترا المسألة على حسب ذوق اختك ..
( وبيني وبينك .. اذا تبي تعرف ذوق اختك افتح دفترها حق المدرسة ..
إذا هو مزخرف وحركات وورد وقلت حيا .. يعني ذوقها كذا
وإذا تلقى ذكرى ام صيته + ام مزنه + ام ليالي..وقلب حب مدري شلون هو جاي..والله اللي رحت فيها)

واختاروا لك بنت..المفروض بالعقل انك تشوفها..لأنها شريكت حياتك ( الشرع يقول كذا )
اما حنا لا..بس يوصفونها لك
شعرها كذا..طولها كذا..عليها اير باق هالكبر.. وعليها...يجيب العافية خخخ
يعني شي خيالي..وانت تفكر وتقول بنفسك
( يا الله..يخرب بيت ام الجمال يا شيخ )

وامك ترفع..واختك تكبس خخخ..وعلى هالوصف هذا هيفاء وهبي مو بنت ام فلان
وتقعد لك ثلاث شهور..وانت بس تفكر في البنت..لين ينتفخ راسك

ويجي اليوم اللي تمنيته طول حياتك..ليلة العمر
تلقاك لابس البشت وابوك على يمينك وعمك الكبير على يسارك

وخوانك وعيال عمك وعيال خوالك وعيال جيرانكم..
كلهم متجمعين..واللي يعرض بالسيف ( مسوي لي فيها الزير سالم )
واللي ماسك الرشاش والسما حمرا من الطلق .. تقول جالس بفيتنام
واللي يمشون وراك مدري وش يسوون ( فاهمينها يالشباب خخخ )

الزبده..وتخش على صالة الأفراح حقت الحريم

بصراحة العزوبي ما يخاف الا من شيئين
1 لمبات العرس إذا ركبوها على البيت ( تحس خلاص ما فيه رجعة )
2 إذا دخلت على صالة الحريم في صالة الأفراح
هينا يجينا ( مغص في البطن)

ولما تخش الصالة..الله لا يوريك

ما تشوف إلا العيون .. اللي حاطه ( شادوا مدري روج بالعيون ) << خخخ حلوه روج بالعيون
واللي مغطية الوجه ومطلعه القذله .. والأجسام ( ياويل حالي ويلاه ) << والله اللي توقفت العضوية خخخ

ولما تخش تمشي بالصالة تبي الكوشة .. تسند جسمك على ابوك على شان ما تطيح من هول ما ترى خخخ
وتجلس على الكرسي تلتقط انفاسك .. وانت من داخل ميت تبي تشوف العروس
ولما يطلعون اللي زفوك .. ابوك وعمك والخمه اللي معهم << قوية الخمه خخخ

يجي عاد الكلام اللي مال امه داعي
امك تطب بالملعب ( والمقصود بالملعب هنا " ساحة الرقص " البست يعني خخخخ )
وتخش خالتك تراقصها .. وشوي تطب مرة عمك ..

طبعا ً العالم اللي عندك منت صوبهم .. تبي تشوف اللي بجنبك جالسة .. تبي تشوف بسكال مشعلاني خخخ
وفي هذه الأثناء انت مفهي على الحضور .. وعينك كبر قوطي جبن كرفت خخخ تقز في البنات اللي قاعدين
عاد البنات الله يلعنهن يستعبطن
اللي تطيح الشيله متعمده .. واللي تنزل العبايه شوي وتطلع البلاوي .. واللي ترفع الغشوه يعني تشرب ماء
( الله يرجهن يا هن زاحفات خخخخ )

وبعد نصف ساعة كأنه الدهر بحالوه خخخ

تنطلق انت وهالغزال للعشة الزوجية
ويدخلونكم الغرفة .. واللي يلولش هينا واللي يزغرت هناك .. واللي يلعب يوقا عند الباب

المهم .. تخش الغرفة وانت لابس البشت << يعني شرايك .. تبيه لابس سليب
وتقول للعروس السلام عليكم
وهي شطف .. ما ترد

وتنزل البشت .. وتجي تقعد جنبها على السرير

( ايوه ... هينا الكلام )

ويوم جلست .. وانا المح طرف كوعها .. ويوم شفت الكوع
لا تقولون يالربع .. تقول غاطه كوعها بغرشة حبر اسود خخخ

انا هينا صراحة .. قلبي قام يوجعني .. وقلت بنفسي ( لازم نتأكد إن بعض الظن إثم )
واقول لها يا فلانه ..

ولا ترد علي !!؟
يافلانه تعوذي من ابليس .. وقومي
وهي تسوي مستحية .. ما تدري انها لو تقول لي ( بععععع ) انحشت مع الباب

الزبده .. وانا اسولف معها ما ترد علي .. شاطفتني شطفه بنت .......
تقول قرد عندها مو زوجها ..

قلت بيني وبين نفسي .. ( يا ولد وش السالفة .. لا يكون البنت مغصوبة علي )
عاد انا شهم لأبعد الحدود << والله انك نصاب لأبعد الحدود خخخ

وقلت لها .. يا بنت الناس .. حنا الحين متزوجين .. يعني انتي مرتي بشرع الله ورسوله
ما ردت علي , كأني اسولف على جدار
وقلت بيني وبين نفسي << يا كثرما تسولف على نفسك يا سوات

( تدري شلون .. خلني اضحكها .. انكت استعبط ..اللطف الجو )

والله واجي واقعد جنبها .. واقول فيها بيت شعر .. اتغزل فيها
وهي شطف .. ولا كأني موجود بالغرفة !

واقوم واخذ القلم واسجل رقم جوالي .. واقطه عليها وقلت لها هذا رقمي
ارقمها خخخ .. " بكيفي مرتي وبكيفي .. ان شاء الله ارقم ابوها بعد خخخ "

وهي تبتسم بس ما تكلمت .. ويوم تبسمت جيت وجلست بجنبها ( لزيت فيها شوي )
وقلت لها .. ( معك مباحس امن دولة ) يعني انكت انا وراسي

هينا البنت قالت بقلبها .. ( يا الله المستعان .. زوجي طلع خبل خخخ )
واخذ لي ربع ساعة وانا مفهي على زولها .. اطالعها من فوق لتحت
<< تحسون عمره ما شاف خير
واقول بنفسي .. ( يا ولد الجسم مسكت ما يحتاج .. بس الوجه .. ابي اشوف الوجه )

والله وانا امسك ايدها .. انا من مسكت اليد وقلبي قام يرقع رقع
.. والبنت قامت تنزل ايدها الثانية شوي شوي

وانا استانس بصراحة .. وقلت العن ام الفله

وبلمح البصر ! .. تسحب الكعب اللي لابسته .. وترفع اليد .. وتنزل الكعب على راسي مثل
الـ B52 يوم تنزل على بغداد .. وانا لي صياح << سجن ابو غريب مو العشة الزوجية خخخ

والله وان اخذ الواجهه .. واروح واوقف عند الباب .. واقعد اطالعها ( طاحت علي سلطة .. مدري وش اسوي )
إن طلعت برا شافوني اهلي .. ويقولون وش فيه ولدنا لا يكون فضحنا مع البنت
وإن جلست بالغرفة .. هذي ما تعطي وجهه .. وقمت افكر و افكر لين طرت على بالي خطة
واشوف سويتش اللمبه ( OFF .. ON ) .. وانا اطفي اللمبه .. واولع المبه الحمرا خخخ

ألمح لها .. والله وتقوم بنت الحلال وتتوجه صوبي
انا يوم شفتها جتني تمشي .. خفت والله .. قلت الحين تبي تلعن خيري الخير
وتجيك المعزبه .. وتطفي اللمبه الحمرا .. وتولع اللمبه العاديه

وانا ماسك يدة الباب ابي انحاش إذا قربت لي << امحق رجال خخخخ
وقلت لها .. يبه ( خلاص بلا عرس وبلا بطيخ .. الحين انا ابي انام .. شلون !؟ )

والله والبنت ساكته .. وانا اقرب شوي شوي .. واسحب المخده ببطء شديد << العن ام الخوف خخخ
واروح لزاوية الغرفة .. واحط المخده .. واحط راسي عليها .. وألقيها ظهري
وحسيت في البنت قامت وتحركت .. ( تغير ملابس الفرح )
وانا صاد اطالع الجدار << ما قلت لكم شهم >> أي هين خخخ تجيكم السالفة

ويوم خلصت .. ألتفت عليها .. وعلى طول تغشى البنت مستحيه مني
والله وانا اقوم واروح لثلاجة اللي بنفس الغرفة .. وفتحتها
وأشوف انواع الحلاو .. وانواع العصيرات .. ( يا بعد قلبي يا يمه .. هي اللي شاريتها )

واسحب الكتكات .. واقعد اعلف من الحلاو لين ارتفع السكر اللي عندي خخخ
واشوف .. إلا هذاك العصير اللي يفضخ القلب ( عصير طماط خخخخ )
والبنت تطالعني مستغربة .. انا إذا شفت الحلاو والعصيرات .. افقد الوعي على طول

وحسيت فيها انها تناظر لي .. وانا اخمط من الحلويات .. من كل بستان زهرة على ما قالوا
واجي واحطهم عندها .. واطالعها وابتسم

( طبعا ً الكلام هذا وأنا ما شفت وجهها للحين )

ومدت ايدها شوي شوي .. وأخذت الكتكات .. عاد انا احلا شي عندي الكتكات ><"
والله وانا افلص بعيوني خخخ .. ( ابيها ترجعه وتاخذ شي ثاني ) تأخذ تويكس !!

وهي تسحب علي السيفون .. وتفتح الحلاو و تدخل يدها تحت الطرحة وتاكل

وقلت لها .. ادفع نص عمري بس اشوف وجهك
قالت بصوت خافت ومبحوح ( صوتها يدوخ ياجماعة الخير خخخ )

قالت .. ابي بطاقة سوا خخخخ
انا يوم سمعت البطاقه .. كنك صافقني مخمس على خشتي
وقلت في نفسي .. هلا هلا .. من اولها بطاقه سوا .. شكلها راعية تلفونات المعزبه ><"
وقلت .. عدك والله على الثريا .. بس اكشفي هالخشه .. ابي اكحل عيوني

" ابي اوصف لكم الحدث .. كأنكم معي "

وتضع يدها على النقاب ..
( وتبدء الكاميرا بالدوران من خلف راسها .. مثل تصوير فلم ماتريكس خخخ )

وانا انظر .. والطلق يميني ويساري .. احم احم ما عليش شبكت الموجه

اقصد و يبدأ التصوير بالبطيء وانا انظر لها بتلهف والسعابيل تقاطر خخخ
وحين كشفت لي عن وجهها ..

قلت ( ................ )
وهي تبسم وتحرك راسها يمين شمال .. والشعر يثناثر على وجهها

وبحركه خطافيه .. اسحب الطفايه اللي جنب السرير
واحذفها عليها بسرعة 85 ميل في الساعة لكنها تحاشت الطلقه بنت .... الحلال مثل " نيو " خخخ

انا انقهرت .. وقلت .. والله للعن ابو الساعة اللي جمعتني فيك يا بنت الـ ... طوط طوط

والله وانا اطالعها منقهر .. ومتحسف على المهر ( 100000ألف ) الله لا يخسر
وقلت لها .. والله لو رايح لسوريا بالفلوس وفال والديها هناك والله انها اشرف لي من خشتك يا بنت الناس الطيبه خخخ

واقوم .. واروح واجيب لي خيشه .. واغطي راسها خخخ .. وفتحت في الخيشه فتحه على شان تقدر تتنسم
واربط الخيشه براسها .. والف عليها سيم ( علاقه ملابس )

عاد انا بغيت احلل المهر .. بس تراجعت في للحظه الاخيرة

ومن بكره .. وانا ماخذها لبيت اهلها .. وقلت لهم
والله للعن ابو D . N . A اللي عليكم يالعيال ......
مزوجين مسخ الله لا يبارك فيكم

بالله هذي بنت .. لعن ابو عدوكم لو اني ماخذ لي سرلنكيه استر لي من نمسس اللي انتوا مزوجيني اياه
طلعوا باقي المهر لا اجيب عليكم الشرطة الحين خخخ

وتقولون هيفاء وهبي بعد .. زكيه زكريا اطلق منها الله لا يربحكم
( عرفتوه زكيه اللي يجي برمضان ومع شمس الزناتي اسمه " قعيدي" ابوعجرا الصعيدي )

الزبده .. وانا اقط البنت على اهلها .. وارسل لهم ورقط الطلاق
وحرمت شيء اسمه حرمه .. وآخر شيء صرت شاذ خخخ
<< لا تلومونه .. الصدمه حيل شلت تفكيره .. وإذا منتوا مصدقين




تلوموني يوم غطيت راسها بخيشه خخخ**************

ما يستفاد من الموضوع

[color=#[align=justify]009900]1-تموت الأسود في الغابات جوعا ً .. ولحم الظأن يرمى للكلاب ُ
<< قلنا ما يستفاد من الموضوع مو ديوان المقنع خخخ
2- حبك مشمشه .. عذبني ومشا
3 نعيب زماننا والعيب فينا .. وما لزمان عيب ٌ سوانا << هذا وش يبي !
4- لا تثق في ذوق احد .. بل اختر انت بنفسك .. الدعوه فيها شريكة حياتك مو قطعة قماش
5- خلك رجل .. وخش في عين البنت من اول لحظه .. لا تسوي سواتي .. ترا تتورط خخخ
6- عاملوهن بالمعروف ولا تغصبوهن على ما حرم الله فإن الـ .. << اقول لا يكثر خخخ
7- ادري فيه بعض النقاط قويه خخخ .. لكن هذا الواقع .. ولأ تبوني ابرد عليكم يعني !؟
8- ما بغيتوا تفعلونا الله يهداكم << افلقني إذا ما وقفوك على هالموضوع خخخ
9- ادري اني خربتها بالسالفه خخخ .. لكن على ما قالوا جست نبض لا غير
11 - انا لاني متزوج ولا شي , بس حبيت اتفلسف
والا والله معصي اقول لكم تفاصيل ليلة دخلتي .. هذي كثروا منها[/align]

م ل ط و ش[/color][/align][/frame]

واجد اللي اكل هالمقلب وسكت

الله يكفينا الشر

ذكرتني بموقف جرى لأحد
المسنين عندما تزوج على زوجته
وأخذ بنت صغيره وفي أخر الليل
أي ليل ليلة الدخله سرى ونام
عن عجوزه
الصبح جوا المهنئين وألا العروس
نايمه لوحدها سألوها عن العريس
قالت نايم عن عجوزه راحوا
له وأسلوه ليه مانمت مع العروس
قال عيني ماجاها النوم عندها
فنمت عندعجوزي لأني ماخذ
عليها وجه
بربك ياضجيج الصمت أفضل
النوم عند أم عياله أم بالمستشفى
أرجوا الأفاده ياعزيزي
ومنكم نستفيد