بالشعبي الفصيح .. من يتحمل هذا الفشل

[align=center]بدون مقدمات وبدون اختيار جمل وفقرات مدروسه
سؤال صريح من واحد على نياته

من يتحمل فشل بعثتنا في الاولمبياد

لماذا وليه وليش بدأنا نحس بفشلنا في الكثير من الامور وليه ما نجد محاسبة وعقاب للمتسببين

ياخي مانبي نحاسب الروس الكبار ماعليش هذولا فوق الحساب الرئيس العام لرعاية الشباب وسمو نائبه
ماحنا قيالين شي مانقولهم عطو الفرصه لغيركم .. نبيهم هم يحاسبون اللي تحتهم نبيهم يهمصون اذانهم يقرصون عليهم شوي

ماهو ملايين تولي بحلوقهم والنتايج حتى ميداليه من خشب ماحصلنا . ويش ناقصنا زند الرياضي منا يمشي عليه التيس
والواحد يتبحج كانه محقق للوطن شي ماحقق المؤسس الله يرحمه

والله يالربع ماني رياضي وشكلي جاي على شكل اربعه بالعربي ملوي اتلوي ولاينعرف انا جاي والا رايح يعني مبربخ اتبربخ
وانا والرياضه بينا عداوه ازليه .

وحتى يوم قيل لي واحكي علي من ام العيال كل يوم تقولي تراك ثقل بلا دفا صار لازم امشي رحت يم الممشى اللي مسويته البلديه وقمت اهف عليه كاني بطريق وقلت الحمدالله ابي اصير رشيق القوام وابيض وجهي ويافرحه ماتمتش ثاني يوم جيت لقيت الشباب هل الطويقيات منقزين سياراتهم على الممشى والبعض بعد داخل جوى ومفرشين ويلعبون بالوت .

طابت نفسي من الرياضه حاولت امشي بحوش البيت اللي منحتنا ارضه الحكومه الله يبيض وجهها مشيت اول خطوه نطحني الجدار وصارت رياضتي خطوه امام وخطوه للخلف ما كأني الا عسكري بطابور اضافي
نرجع للموضوع

هالحين مافيه امكانيه محاسبة المقصرين وتشكيل لجنه لتوضيح سبب اخفاق بعثتنا في الالومبياد


لاتواخذوني توني ماخذ علاج حراره وشكل مفعوله تاخر شوي[/align]

إذا هذا مفعول علاج الحرارة
أجل كثر من علاج الحرارة
وكثر من الدق على الخشب ؟

[align=center]اخوي العزيز ابو وائل

والله اني ماتابع مباريات المنتخب من عام 2002

والاكن سبب معروف من الادارة المنتخب ماتلعب باسم الوطن يلعب بالواسطة

كل الاعب عنده واسطة يدخل المنتخب [/align]

المشاركة الأصلية كتبت بواسطة أبــــ بنت ــــوهـا

إذا هذا مفعول علاج الحرارة
أجل كثر من علاج الحرارة
وكثر من الدق على الخشب ؟

[align=center]هلا خيتي

مشكوره على المرور .. واعتبريها من الشطحات لكن من نوع ثاني

تحياتي وتقديري[/align]

المشاركة الأصلية كتبت بواسطة الشماليل

[align=center]اخوي العزيز ابو وائل

والله اني ماتابع مباريات المنتخب من عام 2002

والاكن سبب معروف من الادارة المنتخب ماتلعب باسم الوطن يلعب بالواسطة

كل الاعب عنده واسطة يدخل المنتخب [/align]

[align=center][align=center]اخوي الشماليل

صدقت والله .. وهذي هي المشكله الازليه ... وبشكل عام الرياضه لم يعد لها ذلك الرونق والبريق السابق
فكثر الاخفاقات قلل الأمل في تحقيق شي كما ان البعض اعتزل متابعتها فهناك الكثير من الامور والهموم ومنها موضوع الاسهم اشغلت المواطن عن الرياضه ولم يعد هناك اهتمام اصلا او متابعه واعتقد ان هذا العنصر لحق ايضا بالاداره العليا[/align][/align]