بالشعبي الفصيح ( كل من ايده اله)

[align=center]احترنا وحيرونا

قرارات تصدر من ولي الامر واضحه وضوح الشمس وحرصه حفظه الله على الرعيه لايشك احد بها
ونعلم مدى حبه حفظه الله لشعبه ورغبته في خدمتهم وابعاد كل مايضايقهم

ولكن حنا بلانا من اللي يفسرون الحرف ماهو الجمله يفصفصونها تفصيص عسى يلقون مهمس يحرفونها لمنع فائدة المواطن من قرار ولي الامر .

يالربع والله كلمه لاحد الاخوان وهو عضو منقطع يقول الحسد عندنا معكوس في كل انحاء العالم المواطن العادي يحسد اصحاب المناصب ولكن اللي حاصل عندنا ان صاحب المنصب هو اللي يحسد المواطن ليه وليش ولماذا اقولكم.

لان صاحب المنصب اشبيعان ولايبي احد يلحقه ويصير مثله ماهي معقوله وزير او وكيل يشوف مواطن عادي راكب مثله سياره بنفس النوع والمواصفات (التظليل مايحلم فيه الموطن يمكن هي علامه فارقه للي هم )ولما يشوف ولي الامر يبحث عن رفاهية المواطن ووناسته ورفع عنه بعض المعاناه هالمسؤول مايعجبه هالشي ويقوم من هنا وهناك يتحترش برزق المواطن ويدور اي حجه ينهب منه او ياحول مايوصله زي مابغاه طويل العمر .

من فتره صدرت تعليمات ولي الامر حفظه الله باعفاء المتوفين من قرض الصندوق العقاري حاول مدير الصندوق ايجاد تفسيرات عسا ولعل يمنع جزء من هذا العطاء ولكن هناك قرار واضح وماقدر ايسوي شي

قبل فتره بعد خفضت الرسوم الى خمسين بالميه في بعض الخدمات التي تمس المواطن المذهوب ويجتمع هكا المجموعه يدورون شي يتخلصون من امر ولي الامر تدرون ويش سوو غيروا النظام كله بحذافيره ابلعوه بلع وجابو قرار ان الرخصه تصير باربعميه يالربع بالله صاحب هالفكره اللي مشغل نفسه فيها ويش فايدته

اشركتني اذني ولا ادري وين المصدر ان فيه مجموعه من المسعولين اجتمعو ببليس وعرضو عليه بعض الافكار اللي فيها احتيال وألتفاف على اوامر ولي الامر لمنع فائدة المواطن تصدقون يقولون ابليس ماقدر يستوعب خططهم وتعوذ من الانس وراح وهو يقول والله ولا خطرت يوم على بالي اهبو اهبيتم

ولكن ارجو واقول الامل بالله ثم بخادم الحرمين وسمو ولي العهد يحاسبون هالحساد ويبعدونهم عن خلقتنا تراهم اذبحونا وكل راعي مسؤول عن رعيته[/align]

[align=center]ولكن ارجو واقول الامل بالله ثم بخادم الحرمين وسمو ولي العهد يحاسبون هالحساد ويبعدونهم عن خلقتنا تراهم اذبحونا وكل راعي مسؤول عن رعيته

اخوي ابو وائل
كلامك وعبارة الاخو المنقطع صحيحة

وش نقول غير
قال تعالى (.. والذين اذا اصابتهم مصيبة قالو إنا لله وإنا اليه راجعون.. )
لا حول ولاقوة الابالله

[/align]

اشركتني اذني ولا ادري وين المصدر ان فيه مجموعه من المسعولين اجتمعو ببليس وعرضو عليه بعض الافكار اللي فيها احتيال وألتفاف على اوامر ولي الامر لمنع فائدة المواطن تصدقون يقولون ابليس ماقدر يستوعب خططهم وتعوذ من الانس وراح وهو يقول والله ولا خطرت يوم على بالي اهبو اهبيتم

[align=center]
ههههههههههههههههههههه

مانقول غير الله يهديهم ان شاء الله

مشكور عمي على ابو وائل

دمت بحفظ الرحمن[/align]

أخوي أبو وايل

ترى الموضوع ماطلع عندي
مدري المشكلة من عيوني أو أني خايفه هههههههه

عموماً أنا متأكده أن موضوعك قيم وهادف حتى لو ماشفته هههههه
كل الشكر لك

تقبل تحياتي وتقديري

[align=center]سامي التويجري

بنيتي / الريم

مشكورين على المرور وبارك الله فيكم وندعوا الله الاستجابه

خيتي العزيزه بنت ابوها

انا قاري على الموضوع قراءه خاصه على شان ماتشوفينه [/align]

[align=center]ابو وائل لو محط بواحد او اثنين كان البقية تأدبوا[/align]

[align=center]هلا او خالد
والله ياليت لكن من امن العقوبه اساء الادب واللجان التفتيشيه نايمه نومة اهل الكهف[/align]

[align=center]المشكلة هذي موجودة في كل مكان والدول العربية تحتل الصدارة والله المستعان

مشكوووووور والله يعطيك الف عافيه[/align]

[align=center]مشكوره الندى

وعندنا وعندكم خير وكما تفضلتي هذا الشي تمتاز به الدول العربية[/align]