رائعه بندر بن سرور

[align=center][align=center]
يالله يـا جـال الأمـور المهمـه**********تجلي وهق قلب برى حال راعيـه
البر دجته والبحـر رحـت يمـه**********أدرج سبب حظ على الله مساعيه
يوم إن ولد اللاش رزقه على أمه*******رزقي على إللي ميت القشع يحييه
ماني وأنـا بنـدر ببيـاع دمـه***********يقطعك يا بيـاع دمـه ومهفيـه
إللـي يبيـع لابسـات الأزمــه***********ثور يبي بيض العماهيـج تغنيـه
يزعل ليا جت ليلة الـدول يمـه*********يرضى بسوق المال باخيه وأبيـه
خطو البخيل إللـي يكبـر معمـه**********يقرى الكتاب وواجب الله مخليـه
أما هرج له فـي رفيقـه بنمـه**********وإلا عطا وأمه تضيـع هقاويـه
يا مل قلب كل مـا مـات همـه**********دارت دواليب الدهر ليـن تحييـه
فراق شمل النـاس عيـا يلمـه*********وقت يشيب الراس من شاية فيـه
أحد(ن) ينام وحط راسـه بكمـه********وأحد تخم النوم عينـه وتخطيـه
وأحد يحاول بالردى بنـت عمـه*********وأحد يحاول ستر عـذرا عوانيـه
تخالـف الأنظـار شـرق ويمـه**********كل هدف رايه من الناس مرضيه
أنشدك يإللـي كـل شـي تتمـه**********تقرى الكتاب وكل فرض تصليـه
ويش القليب إللي عميق مجمـه******ما سر غرسه ماه عطشى سوانيه
سم السبب يا عارف عنه سمـه******سم السبب يا عارفه قبل أسميـه[/align]


بندر بن سرور[/align]

[align=center]تسلم اخوي اخواليتاما

مشكور على نقل القصيده للشاعر الكبير

تحياتي وودي لك[/align]

[align=center]أحد(ن) ينام وحط راسـه بكمـه********وأحد تخم النوم عينـه وتخطيـه
وأحد يحاول بالردى بنـت عمـه*********وأحد يحاول ستر عـذرا عوانيـه

اخو اليتاما

نقل جميل لقصيدة الشـــــــــاعر الكبير/بندر بن سرور

الله يعطيك العافية[/align]

[align=center]ويش القليب إللي عميق مجمـه***ما سر غرسه ماه عطشى سوانيه
سم السبب يا عارف عنه سمـه***سم السبب يا عارفه قبل أسميـه


اخو اليتاما

نقل جميل لقصيدة الشـــــــــاعر الكبير
/بندر بن سرور

الله يعطيك العافية[/align]

تسلم أخوي أخو اليتاما
على هذا الأختيار الموفق
كل الشكر لك

تقبل تحياتي وتقديري