الـجـــنــة تـحـــت أقــــدام الامـــهـــات

[align=center]


تحيه ماطره بعطر الياسمين والجوري
ومـنـي لـكم هـذا الاهـداء الغالي
يسبقه ودي وتقديري للجميع
.
هـذة الـقـصـائـد الأقـرب لـنـفـسي
من أول بدايـاتي مع الشعـر لأخر دمعة
فــراق عـلى رحــيــل والـدتـي رحـمـهـا الله



تـداخـلـت الألــوان 00
ماعدت أعرف كيف أوصفها
هل حروفي النازفة
وهم00أم00لوعة 00لقاء ؟!
أم تلك اللوحه 00 وجع
وحنين لنهـر الصدق والحنان
أم بقايا عشقي لانسانه
تـمـلك الـوجـود بـيـّديـها
لا أعـرف ؟ حيرة تبدد كل أفكاري
وتبعثـّر حروفي وتستبيح أوجاعي
0
ماأتعس أن أظل وحدي
أسـمع صـوت اللـوحـات
بينما قلبي مخنوق بالآهات
0
كل جـزء منك
صـوتـك
هـمـسك
كـلـمـاتــك
حضورك00وغيابك
حبك النقي00(أمــي)
تـجـسـيـد لـلأنـثـى عـنـدي
فهذه بعـضاً من بعـض صـورتـك ؟


.


صـــــــــوره ؟


[poem=font="Simplified Arabic,7,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صوره لهـا كـل الفضـا درب وأبعـاد = صوره لها روحي مصابيح وشروق
صـوره لهـا روحـي معاميـل وأمجـاد = وعن ماتبيه من الغلا شهـد وعـذوق
صوره ولاهي بالصـور حلـم ووسـاد = صـوره يعـادل وزنهـا كـل منطـوق
لـو كـل مـن حْـب وبعـد كــل قـصّـاد = يقـدر ينشـد لونهـا جــاوب الـشـوق
وشلـون أبرسـم ظلهـا وجـه وامـهـاد = مع كل مافيها مـن الوصـف والـذوق
نــص التـفـات بعينـهـا فـيـه مـيـعـاد = تاخذ من اللي غيرها ماعطى حقـوق
ماغـاب عـن عينـي وهجـهـا ولاكــاد = انـه يصيـر ولفـح الأكـوان ملحـوق
صوره تصحـي هاجـس القلـب لانـاد = في وقت ماحينه على القرب مسبوق
لـو قيـل مـن هـي مامـع البـوح نـشـاد = مع برهـا لاأقـول أنـا كلـي عقـوق
علـى اسمهـا ولاهـي هـدف كـل نقـاد = كـن المسمـى لأسمهـا الحـر مخلـوق
أنـا بهـا حـي وبـهـا أمــوت مقـصـاد = لأول هـدد وآخـر جناحيـن وسبـوق
وأنـا لـهـا طـفـل يــروح ولـهـا عــاد = وأنا لهـا بعقلـي مـن الحـب مطفـوق
(صوره) وأهلها أصلهم منبت أسيـاد = نتبع رضاها وان زعل كل معشـوق
كأني ولـدهـا بالنـشـامـا والأجـــواد = لاحط راسي تحتهـا وأمرهـا فـوق
[/poem]


مـاكـل مـطـرودً مـع الآم مـلـحـوق



[poem=font=",5,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هزتني اللهفه وحركني الشوق = وأسرعت تدفعني عواصف لقاها
من فرحتي بأطير فوق السما فوق = وأفرد جناحي فوق عالي سماها
حبيبتي بالعطف لو يزعل الذوق = فكري يناجي في جهاته رضاها
بين الغلا والوجد والدمع والشوق = والبسمة اللي يحتويني غلاها
ماهو غلا مابين عاشق ومعشوق = أبعد طموحي ماوصل منتهاها
ماكل مطـرودً مع الآم ملحوق = هي الوحيدة مانلــّحق جــزاها
جيت أغنيها على كل طاروق = كل القصايد ماتجي مستواها
الشعر فيها من مظامين وحقوق = مايـنـتــّـقارن مع أجابة دعاها
فيها المعاني جاوزت كل منطوق = مهما كتبت إقصِْـر ولاأعـبر فضاها
ينساق شعري غصب عني لها سوق = بالهقوة اللي ماتـخــّيب رجاها
لاشفتها كني من الوجد مطفوق = وأصدق شعوري يحتفي في لقاها
(أمي) غلاها فوق كل الملأ فوق = فوق النجوم وتحت صدري غلاها
[/poem]
.


أهــــــداء الـديــوان


[poem= Font="simplified Arabic,7,darkblue,normal,normal" Bkcolor="white" Bkimage="" Border="inset,7,skyblue" Type=2 Line=0 Align=center Use=ex Num="0,black"]
أهـديـك يـمـه ماورثـتـه عـن أبـوي=مـن شـعـرً يجـسـد قـضـيـة حـياتـي
أبي تكون المـوعـظـه رسم لاخوي=حـتى يجـنـب غـلـطـتي من وصاتي
[/poem]


الـمــهـا


[poem=font="Simplified Arabic,5,#FF2600,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
طاب السكوت وهاجس الحكي ماطاب = قلته وأنـا ماقلـت مكتـوب عاميـن
العام غاب وطيف الأحباب ماغـاب = ليـت المسافـه والقطاعـه نهاريـن
أن قلت مابه شـك والظـن ماخـاب = يقيـن والحجـه عليهـا براهـيـن
وأن قلت هالمعنى لي أقـلام وكتـاب = في لـون واحـد ماتكوّنـت لونيـن
ماقلتها وأسمي لها حضور وغيـاب = شاعــر ولاني عاشق اليـاس والبيـن
لي بالفرح والهـم موعـد ومرقـاب = ولي بالتعب والعشق دمعه وجرحيـن
أنسان بالدنيا لي حـروف وحسـاب = وبالحظ والقسمه لي عيون وأيدين
واليوم والليله عـناوين وأبواب = أنشد وأسولف بالنفـس والشراييـن
بين المرايـا والملامـح والأسبـاب = أن جاد حظي كل واحـد لـه أثنيـن
الشوق غالي والأمل مهـر الأحبـاب = والحلـم واحـد والأمانـي ملاييـن
أن قلت أنا مثلي مثل كل الأصحـاب = أحب واكـره فـي حـدود وقوانيـن
أقولهـا صـادق ولانـي بـكـذاب = غير (الـمـهـا) ماعندي أحبـاب غاليـن
[/poem]
.


طـــريـــق الــجـــنـــة ؟


[poem= Font="simplified Arabic,7,darkblue,normal,normal" Bkcolor="white" Bkimage="" Border="inset,7,skyblue" Type=2 Line=0 Align=center Use=ex Num="0,black"]
أغلا الأهل وأنتي غرامً أحبـه = أعف وأطهر حـْب حـبي لك أنتي
الله عزيز الملك حبـك يحبـه = وشلون مافرح وأهتني لافرحتي
حـبـيـبتي ياأم الغلا والمحبه = يفز قلبي بالغلا لاطـريتي
أنتي لنا نهر الحنان ومصبه = وأرضاكِ هو نور الامل لارضيتي
من يزعْــِلك يزعل من القلب ربه = وانتي طريق الجنه ليا دعـيتي
الشعر كنه ينطفـي يـوم أشبـه = لاجيت أبكتب هالشعور وسميتي
[/poem]
.


أغــــــلا الــبــشـــر


[poem=font=",5,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أنا والله مـدري والذي عـن حالتـي داري = وش أكتب عنكِ ياكبر من قصيدي وأجمل شعوري
وش أكتب عنكِ وأنتي مبتـداي وكـل مشـواري = وش اكتب عن بدايات الغلا والحـب وحضـوري
وش أكتب عنكِ وحروفي حياها يخذل أصراري = أنا ودي أعــوضكِ بس أنا منظام من جوري
أنا (يـمــه) تغربلت وبلشـت بحكمـة = اذا عـمـّرت جدران الحياه انهد بسطـوري
عزاي اني معكِ مـن ويـن ماتأخذنـي أسفـاري = أنا لولا رضـاك ..الله وأعلـم ضايـعً دوري
أنا ياأغلا البشر لو بس زهمتـك تنطفـي نـاري = ويشرح صدري الله وأرتمي عن نـاري بنـوري
وأنا لـو أنطعـن مليـون مـره فدوتـك ثـاري = مدامي بس أشوفك مقدر أطلع عن بعض طـوري
أنا أول حروفـي حالـفً بالواحـد البـاري = بأني من تحت ماطاك ..أنا والشعـر وشعـوري
[/poem]
""""""""""
"""""""
""""
""
[/align]

الـجـنـة تـحــت أقــدام الامـهـات


[poem=font="simplified arabic,7,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماعبر البوح عن حزني وغربالي = حتى القصايد تخون أحساس كاتبها
فقدت أنا أمي وفاقد قبلها خالي = وأثري البشر بعض حزن الناس يطربها
يالله وأنا طالبك .. ياالله ياوآلي = أمٍ حملني حشاها لا تعذبها
وأرجو من اللي قرأ فيها آخر أمثالي = يقول الله يرحم (أم كاتبها)
[/poem]
.


نزعت كبدٍ من فلذات الأكبـاد


[poem=font=",5,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياليلةٍ سودا بها الوقت لاعاد = أمي وراحت من تريدين خطفه
آخذتي اللي كانت لروحي أبلاد = ومن بعدها حملي غدر فيه كتفه
صبحٍ تـشــّيب طلعته طفل الامهاد = شايل عذاب ويسحب الويل خلفه
نزعت كبدٍ من فلذات الأكبـاد = نزعة صبْي العين من حد طرفه
ليت الوليف اللي مواليفه أبعاد = اللي فقد مع ضيم الايام ولفه
لوهو يحس بلوعتي كان ماعاد = يبكي على اللي بالهوى كان شفه
يالعين ربعكِ عن سهر ليلك رقاد = ماحولكِ اللي تستميلين عطفه
دام الهموم بصدري لصدري أوتاد = مالي جدى كود إسأل الله لطفه
[/poem]
.


في سماء حياتي..
يتدلي ناقوسا بحجم القمر
يتأرجح يمينا00ويسارا
يحطم جبال الخوف بداخلي
وصدى دقاته يسمع بعد كل ساعه
في رحاب وجداني
ولكنه لايشبه أي ناقوس في العالم
لأن00ناقوسي يدق على عدد حروف اسمها
& م &
& هـ &
& ا &
ابتداء من اول يوم احتضنتيني فيه
الى أن تحتضنك عيني بعد ان تغمض أمي
باتزان الصمت الأسير00أكتب لها
وبجنون اللوعه المحاصره00أكتب لها
وعند شروق شمس الماضي00أكتب لها
على جزيرة الذكريات البريئه السعيده 00 أكتب لها
0
تتوارى الأحزان00خلف لحظات الفرح
تباغتك00وتفاجئك بخنجرها السام
وتغرسه في ظهر تلك اللحظات حتى النزيف
وتنخر عظام أيامنا حتى الوجع
تغتال الابتسامه الساكنه على شفاهنا
ويموت الفرح بعد حالة أحتظار عصيبه
وفي حالة نزاع مؤلمه لايحتويها حرف ولا معـنى


.


(( أمــــــــــــــي ))


[poem= font="simplified arabic,7,darkblue,normal,normal" bkcolor="white" bkimage="" border="inset,7,skyblue" type=2 line=0 align=center use=ex num="0,black"]
ياصمت دام الصوت مايلحق الفوت = أنا بوجهك تلحق أفوات همي
بعضي يعزي بعضي بصمت وسكوت = الين ماضاقت عروقي بدمي
وآفوح قلبٍ ضمه الصدر تابوت = ياحر جمره لاطرت دمعة أمي
[/poem]
.

(مجموعة أنثى فوق كل القوانين)
حين يتكلم صمتي ألما
وحين تثير جراحي أحزانا
لانهاية لها
وحين يرسم العذاب
خطوط معقده على صفحات أيامي
وحين يعرض الأمل عني
ويتركني بين أنياب اليأس00ويهجرني
وحين تصطدم نظراتي
بجدران الوحده00وتعود منكسره
حينها فقط00سأرثيك أمي00سأحلم بك أمي
وأفرغ طاقة لحظاتي الجميله معك في قصائدي
لأعيد مصباح الأمل المطفي
وأجعلك ( حبيبتي )
وحاضري00ومستقبلي00
وصانعة أيامي الجديده
بطيفك الذي لايفارقني
وأهمس لك00
أ
ح
ب
ك
لأغذي روحي
(أمـــــــــــــي)
عشت بين طيات الحزن بعدك00
وخلف عذاب الماضي00
سكن الألم قلبي00ومزق أحلامي
ليس أمامي سوى مرآة الذكريات المره
هنا00بين كلماتي الداميه00
ونظراتي المتعبه00وأسوار أمنياتي الشائكه
أجدك بين ثنياها00تنحصرين أمامي
أصرخ بصوت مذبوح لتسمعيني
أمد يدي لتنتشليني00من أناتي
أفتح صفحات أيامي لتري حاضري المجهول بدونك
لاتذهبي00كلمه علقت بلساني00وأدمتها أقداري

.


(مـجــمــوعـة أنـثـى فـوق كل الـقـوانـيـن)


[poem= font="simplified arabic,7,darkblue,normal,normal" bkcolor="white" bkimage="" border="inset,7,skyblue" type=2 line=0 align=center use=ex num="0,black"]
في صدري أسمع صمت شيْ أيتكسر = بالليلـه اللـي ليلهـا صـار ليليـن
هـو قلبـي اللـي بالمحانـي تفّطـر = او دمعةٍ مـن كبرهـا مالقـت عيـن
ضميـت قلبـي ليـن قلبـي تفجـر = وأحرق بنبضـه مابقـى بالشراييـن
كـن الخناجـر بالضلـوع أتسـمّـر = وتصرخ بداخل خافقي لوعـة البيـن
ليت الجـروح مـن الرمـاح أتعّـذر = كان أعتذر ظلي عن ألفين سكيـن
ياقلـب يفـداك الــردي لاتحـسـر = موت الطريـق ولاضيـاع العناويـن
(أمي) وراحت وش بقـى ماتكّـدر = (أمي) وراحت تونس أطعونك منين
كانت هنا .. كانت أنا .. كانـت أكثـر = مابينها وبيني سـوى كلمـة ال بيْـن
أتلمنـي .. وألمهـا .. وأنتبّعثـر = أنا وأنا وأظمهـا ضمـة اثنيـن
أمي الحنيـن اللـي بقلبـي تنثّـر = صدق الخيال اللي عليـه البراهيـن
أمي الطريـق اليـا وطتـه يتكبـر = الله خلقهـا وأنحنـى النـور للطيـن
أمـي النسيـم اليـا لثمهـا تعطـر = منها .. لها لامالـت الشمـس ظليـن
أذكر دعاها كل لحظـه وأبذكـر = هاك الغلا والصدق والعطف والليـن
أقلهـا اللـي مايجـي بعـده أكـثـر = مجموعة أنثى فـوق كـل القوانيـن
ياليلـةٍ سـودا بهـا الـهـم كـشّـر = من وين أببدى سكة الموت من وين
كنـي لـكِ الله بالمكـان أمِتسـمّـر = رديت دمعي لين ضاقـت بـه العيـن
وشلـون أجبّـر كسـر ماينتجـبـر = وشلون أبقـرأ شـئ مالـه عناويـن
ياجرحي أنزف أكثـر وأكثـر أكثـر = مادامني دافـع ثمـن غلطتـي ديـن
ياعلني أصغـر كثـر ماانـت تكبـر = اني على الرمضا تقـل بيـن ناريـن
أصبر ولكـن وش عليـه أتصبّـر = لاصار حتى الحلق مادونه أيديـن
[/poem]
.


أخوكم : منصور نايف الرويلي


""""""""""
"""""""
""""
""

[align=center]منصور بن نايف الــــــــــــــــرويلي


اقف امام تلك الاحـــــــرف ونا لاعرف من ويـــــــــن ابتدي

بل ان الحرف من شاعر له ثقـــــل ووزن بالمجتمـــــــــــــع

الا وهو منصـــــور الرويلي ونا شهادتي بشاعريتك مجروحه

لانك اسما من هذا كـــــله .


ولكن عـندما يتغنى هذا الشـــــاعر بالام بلا شك نكـــــــــون

متابعين لحرفه وقوته كما نستطعم بما قاله ولمن اهداه بلا

شك للام وهــــــي المثل الاعلى والام هي كـل شــــــــــي

بالحياه كما قال الحديث / قال امك ثم من قال امك قال ثم

من قال امــــــــك / وهذا البعد الثلاثي له دلااله على فضلها

وها انت ترســــــم لوحه من الواقع بذكرى ورساله خالــــده

بنـــــــص شعـــــــــري يلوق بجميع ماحتوت الرســـــــــــــاله

من نغم ومفرده لها هدف ثابـــــــت بعيد عن الغزل والخجل والملل

والتملق بالمدح والثناء والرثاء والوصف .

تلك رساله لها نمط شعري يتوهج منه الصدق والمحبه والاخــــــــــلاص

لتلك الام التي هي الاســـــاس ........؟؟؟؟


تسلم ابو مايف على هالباذخـــــــــه من روحك الصادقه


أخوك الشــــــــاعلر/ صعفق الرســـــــــــــلاني[/align]

[align=center]منصــــــــــــــــــــور
بيض الله وجهك

وصح لسانك


والله ان الام تستاهل اكثر


ونحن لا زم نعترف بتقصيرنا مهما فعلنا


الله يخلي امي وامهاتكم وامهات المسلمين[/align]

[align=center]الشاعر صعفق الرسلاني

دائماً أجدك تغمرني بكرمك الحاتمي[/align]

[align=center]اخوي الشاعر منصور الرويلي

اقف امام روئعك بكل فخر


كلمة شكر تعتبر قليله لك

ماقول الا بيض الله وجهك


ودمة بكل سعاده[/align]

سامي التويجري

شكراً على حضورك الراقي