من أجمل ما قيل بالشعر النبطي

اشهر واجمل ماقيل من الشعر وبعضها اصبح مثل شعبي عند الناس
ونختار بعض منها وليس كلها لان صعب تحصي اجمل ما ابدعوه الشعراء لكثرتها


ويقول الامير ابن رشيد**

ما يشتكي ياحسين كود الرديين = والا ترى الطيب وسيع بطانه

ويقول محمد الأحمد السديري **

لعل قصر ما يجي له ظلالي = ينهد من عالي مبانيه للساس

ويقول بن سجوان**

يمنا بلا يسرى تراها ضعيفه = ورجل بلا ربع على الغبن صبار

ويقول خضير الصعيليك**

الله يعدلها عن الضلع والميل = والا يميلها على الناس مره

ويقول الامير عبيد بن رشيد**

القلـب من كثـر الهواجيس قزّان *** مـا يستريح من الدهر ربع ساعة
يا غافـر الـزلات يـا والي الشان *** تـجعل من التقوى لنفسي بضاعة
عيب على اللي يتقي عقـب ما بان *** وعيب ٍ طمان النفس عقب ارتفاعه
الناس مـا تسقيك ليا صرت ظميان *** ولا يشـرب المظمي حذا من ذراعه
أضرب على الكايد ليا صرت بحلان *** وعنـد الولي وصل الرشا وانقطاعه

ويقول عبدالله اللويحان**

الحنضله لو هي على شاطي النيل = زادت مرارتها القديمة مراره

ويقول محمد المنصور**

خوينا ما نصلبه بالمصاليب = ولا يشتكي منا الجفا والعزاري

ويقول عبيد بن رشيد**

خوينا لو هو من الجد بصليب = متعلق منا براس السنامي

ويقول مريبد العـدواني**

النوم رأس اللوم بان الردى بـه = واللي يبي الطولات نومه شلافيح

الامير تركي بن عبد الله بن سعود **

اكفخ بجنحان السعد لا تدرا =فالعمر مايقاه كثر المداري
مافي يد المخلوق نفعا وضرا=ما قدر الباري على العبد جاري



ويقول شـالح بن هدلان**

من حل دار النـاس حلّـوا ديـاره = لابـد مـا تسكـن ديـاره ويغبـن

ويقول محمد الأحمد السـديري**

ليا خاب ظنك بالرفيق الموالي = ما لك مشاريهٍ على نايد الناس

قال الشاعر .. راكان بن حثلين ..**

ماقل ودل وزبدة الهرج نيشان = والـهـرج يكفي صامله عن كثيره..


الامير محمد بن سعود ( غزالان )..**

الزين ما يدقم شباة السناني 000 والشين ما يقصر يدين يطولن
الى اجتمع زينٍ وفعل اليماني000 لذة نعيمٍ فالعمر لا توافن


فرحان بن سعيّد من الدغيرات من شمر**

الـرزق عنـد الله ولا فيـه تشكيـك=واليا أنقضى رزقك ترى الموت لاقاك
والطيب ما هو بـس بالهـرج يأتيـك=ياكود من ياضرب على حوض الادراك
وأفطن ترى أطلاب المراجل يعنيـك=ياصار ماتـدرك مراجلـك بصبـاك



يقول مفضي الشمري **

الطيب لو هو من ابعد الناس ينفعك
يصيــر لك عنــــد اللــوازم سنادي
ولا الردي لو هو من الادنين يقطعك
يعـــل وجهـــه للفنـــى والســوادي


طلال العبد العزيز الرشيد(رحمه الله)**

لو حسب لسوس زراع القصب
مازرعنا يا العصافير الشعير

(مشعان بن هذال)**

ترا لذه الدنيــا معاميل وفراش
وصنية يركض بها العبد مسعود

خلف ابو زويد الشمري**

ماينتعـدل شيـل بقعـا اليـا مـال=ومنـيـن ماعدلتـهـا ماتـواسـه
اصبر وعند الله تصاريـف الاحـوال=والقصر مرجاعه على بنـي ساسـه

لراشد الخلاوي**

ومن تابع المشراق والكن والذرا=يموت ماحاشت يديه فوايد
نعد الليالي والليالي تعدنا= والأعمار تفنى والليالي بزايد
ومن عود الصبيان من زاد بيته- =عادوه في عسر الليال الشداد
ومن عود الصبيان ضرب بالقنا=نخوه نهار الكون يابا العوايد


بركات الشريف**

رافق أصيل فى زمانك يشـاكيك
لا شاف خملاتك عن الناس غطاك

مغير بن غازي**

يقطعـك يارجـلٍ بـدارٍ تلزيـت = مقلوب اسمك مـودع سرمدالـي
عقب الشميط ونهضنا كسر البيت= وترحيب بالخاطر وبعيد الاهالـي
الياصار مايفرح بزولك لياجيـت= و تقب عن وجهك صعول الرجالي
تر جارنا ماهـم فريـق ولابيـت = خطو الجهامة نرفقـه بالكمالـي


راكان بن حثلين**

يا مـا حلا الفنجـال مـع سيحة البـال
فــي مجـــلس مـابــه نفـــوس ثقيله

بركات الشريف **

مخطاك ماصابك ولو كان ناصيك ..... واللي مصيبك لو تتقيت ما اخطاك

خضير الصعليك الاسلمي **

احد عشاه البر ومفطح الحيل --- واحدٍ عصيده يلعط الكبد حره


الشخ الجربا **

الحر لاصكت عليه المغاليب =مجبور عن دار المذله ينزي

مقحم النجدي الصقري العنزي**

احدن على جاره بختري ونوار = واحدن على جاره صفاة محيفه
الجار لابده مقفي عن الجار = وكلن بجيرانه يعد الوصيفه
خطو الولد مثل البليهي الياثار = زود على حمله حمل حمل اليفه

محمد بن مهلهل ومن قصيدته**

لا شفت ضول الناس بالك تعسه =وان جنبك شر المخاليق خله
ولي عجوز كل حي تعسه = حتى سفيه(ن) بالعرب جايز(ن) له

طلال الفريج العلياني**

يالله يامنشـي هبـوب النسايـم= تجلا صدا كبـدٍ براسـه لجاجـه
الله على العيـرات والحـظ قايـم= تفضات بال مع خطات الزراجـه
شبنا وحنـا مثـل سـود الثايـم= ماطال من حاجتنـا ربـع حاجـه

بديوي الوجداني**

ايـامــنــا والـلـيـالــي كــــــم نـعـاتـبـهــا
شبنـا وشابـت وعفنـا بـعـض الاحـوالـي
تــاعــد مـواعـيــد والـجـاهــل مـكـذبـهـا
واللـي عـرف حدهـا مـن همهـا سالـي
ان اقـبـلـت يـــوم ماتـصـفـي مشـاربـهـا
تقفـي وتقبـل ومـا دامـت علـى حـالـي

محمد المهادي**

الأجواد وأن قاربتهم 0ماتملــهم =والأنذال وأن قاربتها عفت مابهــا
الأجواد وأن قالوا حديثً وفوا به =والأنذال منطوق الحاكيا اكذابهــا
الأجواد مثل العد من وردة ارتوى =والأنذال لاتسقى 00ولا ينسقابهــا
الأجواد تجعل نيلها دون عرضها =والأنذال تجعل نيلها في رقابهـــا
الأجواد يطرد همهم طول عزمهم =والأنذال يصبح همها في رقابهـــا
الأجواد مثل البدر في ليلة الدجى =والأنذال ظلماً تايةٍ من سرابهـــا
الأجواد مثل الدر في شامخ الذرا =والأنذال مثل الشري مرٍ مذاقهـــا
الأجواد وأن حايلتهم ماتحايــلوا =والأنذال 0أدنى حيلٍ ثم جابــها
الأنذال لو غسلوا ايديهم تنجست =نجاسة قلوبٍ مايفيد الدوا بهـــا

حجرف الذويبي**

أنا اليا ضاقـت عليـه تفرجـت
يرزقني اللي مـا تعـدد فضايلـه
يرزقني رزاق الحيايـا بحجرهـا
لا خايلت برقن ولا هـي بحايلـه
ترى رزق غيري يا ملا ما ينولني
ورزقي يجي لو كل حـي يحايلـه

محمد السديري**

كم واحد له غابة ماهرجها
يكنها لو هو للأدنين محتاج
يخاف من عوجا طوال عوجها
هرجه قفا يركض بها كل هراج

[align=center]بيض الله وجهك أخي واحد على ذوقك الراقي

أبيات قيمة تكتب بماء الذهب ..

ننتظر المزيد .. ودمت بود .[/align]

[align=center]واحد /

صح لسانك على هذه الشامخه


لا خلا ولا عدم[/align]

[align=center]درر ثمينة جداً

الف شكراخوي واحد على نقلها

دمت بفخر[/align]

[align=center]اختيار موفق وذوق راقي

وابيات فعلا تستحق المتابعة والحفظ

ولا غرابه فان ناظميها من فطاحلة لشعر ولهم تجاربهم[/align]

[align=center]تسلم اخوي واحد
اختيار موفق الله يعطيك العافيه

تحياتي وودي لك


[/align]

[align=center]الله يعطيك العافية اخوي

اختيار موفق وذوق راقي

وابيات فعلا تستحق المتابعة والحفظ

كل الشكر لكــ
.[/align]