يا معلمين المملكة تباشروا بآخر قرار

بدون تقديم اهدي هذه الابيات الى زملائي المعلمين

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامعلمين المملكه تباشروا بآخر قرار = اخر قرار ماصدر حتى صدر عن مكرمه

المستوى الثاني حجز اوكيه عقب الانتظار =واقلع بلا إياب .. لاترجون ساعة مقدمه

انتم على الخامس ومن جاء بعدكم نفس المسار= مبروك مع غض النظر عن بعض امور ٍ مبهمه

يعني لوفروق السنين الماضيه راحت جهار =او صار والراتب رجع كـمّ درجه في سلمه

عادي ترى هالأمر مايؤخذ بعين الاعتبار = والرجل في قول المثل لاجاه شي ٍ يغنمه

صحيح ابوخدمة سنه {ماهو حسد والا احتقار } =يصير مثل اللي خدم خمس سنوات متممه

لكن هنا نلحظ جوانب للبنا .. خل الدمار = اصلا خطانا نلتفت نحو الامور المظلمه

لازم نصحح فكرنا حتى يشوف الازدهار = والناس ماتعطي رجل رب المخاليق حرمه

والمقبلات من الليالي كلها خير وعمار = ترى العلاوه طيبه ووجود شي ولاعدمه

شوفو أنا من فرحتي بغيت اشمع في جدار = من بعد حسّبت الزياده قمت اهمهم همهمه

ثلاث ميه فوقهن خمس ريالات ... ولا اغترار = والوقت هذا فيه ربع القرش حاجه قيمه

تجيب لك كرتون بيض وكم دجاجه مع خضار = والحمد لله جسمك بخير وبجلده ولحمه

لاشك قــيـّـل كل مـافــليت كن باقي نهار =والليل نم بدري تجي بدري بحسب الانظمه

وقف مع الطابور وقفة عز مافيها انكسار = انته مربي جيل مسلم في بلاد ٍ مسلمه

ترى النبي قال بحديثه (لاضرر ولاضرار) = وان مافهمته شف معلم دين يقدر يفهمه

وابشرترى يبقى معك خمسه وهذي باختصار = عطها تلاميذك وقل هذي تراها مكرمه[/poem]

[align=center][align=center]صح لسانك اخوي سلامه
ولك تحياتي [/align][/align]

[align=center]الاخ الشاعر سلامه

ان شاء الله من مكرمه الى مكرمه

وفقك الله على هالقصيده[/align]

[align=center]الله يوفقهم

الف شكر لك أخي سلامه

على هذه ألقصيده الرائعه والتهنئه

لأخوانك المدرسين أنت بيض الله وجهك

وهم يستا هلون


تحياتي وتقديري لك[/align]