من مطلق النومسي إلى الروله والشعالين مع التحيه

[align=center]السلام عليكم ورحمة الله وبركاته ،،،،،،،،،،،،،وبعد

انقل لكم هذه القصيده وهي إعتذار من الشاعر / مطلق النومسي

للروله عامه وللشعالين خاصه عن خطأ غير مقصود[/align]

[poem=font="Simplified Arabic,7,black,normal,normal" bkcolor="transparent" bkimage="backgrounds/30.gif" border="none,4,gray" type=2 line=0 align=center use=ex num="0,black"]
يا الله يا قابل صلاه المصلين=يا مطهر الصايم ليا احسن صيامه
انك تثبتني على الحق والدين=وادمح خطاي بحق شيْوخ الجهامه
يارويل انا ماني بعيل ومسكين=ولاني بليد ولا قليّل فهامه
انا الحصان اللي سبق بالميادين=وان طاح قوموا له ويثبت قيامه
اخطيت انا واسوق عذري من الحين=واردده حتى نهار القيامه
والرجل لاخطى يعتذر مابها شين=ولا تلحقونه باعتذاره ملامه
العذر مني لرجال الموامين=وليا قبلوه يعد منهم شهامه
هذا اعتذاري حب رووس الشعالين=وعيونهم وخشومهم في ندامه
من كلمةً شينه وانا ماني بشين=ولاني بقاصدها ولكن غشامه
غشامةٍ في معرفة ليه ومنين=اللي وجوده صورةٍ لاانعدامه
والريح ما هزت ثبات الضلاعين=والراس ما عيبه جرح الحجامه
قولوا جهل قولوا محابل شياطين=ولا تقولون المذمه مرامه
انا بشر يخطي من الحين للحين=ولاني نبيا حصن الله كلامه
يا تاج راسي يا ملاذي عن البين=يا درع جنبي يا مكارب حزامه
من سبكم عساه يعطى عمى العين=ياللي غديتوا للزعامه علامه
يا اهل الزعامه يا كعام المعادين=مبطي والى هالحين كفو للزعامه
ما دام عيّلكم لا وصل عامين=يبداء على دم النشاما فطامه
وليا وصل عمره وقم عشرة سنين=نوخه له المجد ورقى في سنامه
يوم الهلامه حمل بعض النساوين=بطن الرويليه ما حمْل الهلامه
تسع روله يكفون في رد تسعين=واللي مكذبني يجرد. حسامه
رويل رمح الموت مافيه تخمين=اهل السطر واهل الفخر والفخامه
من ضدهم بالحرب ياسين ياسين=ان ما نشف ريقه تراعد عظامه
رووس العدا مجدوعه ايسار وايمين=والنصر بيّن رفرفي يا حمامه
وليا حدروا من نقره الجوف عجلين=تهابهم نجد وتراجف تهامه
هيباتهم عمت جميع البلادين=وصاروا على خد البطولات شامه
حمايه العليا سعوط المجانين=مشربين الضد كاس الندامه
يتلون ابن شعلان نسل السلاطين=وما للعظام الا عروش العظامه
صعبين للعايل وللجار سهلين=والمحترم معهم يزيد احترامه
عندي زعلهم مثل فوح البراكين=وعندي رضاهم مثل طش الغمامه
ربعي واحامي دونهم وافتخر وين=ما ذكروا وقالوا ونعم وكرامه
اي والله ونعم وكرامه ونعمين=وقوله نعم نقيض قولة نعامه
ربعي وانا معهم على العسر واللين=وانا عدو من سبهم في كلامه
من دونهم يا زين قطع الشرايين=ومن دونهم يا زين طش العمامه
صحيح ماهو صوت شاعر وبيتين=وعلي من يمناي مابي رخامه
ادفع رضاهم كاش ولا ادفعه دين=ولا لي طموح بضحكتاً وابتسامه
طموحي اشوف الشعالين راضين=واصغر رويلي يحتويني سلامه
ما فيه اقسى من جفا الربع الادنين=ولا فيه اشد من العتب والملامه
بينت ما عندي وجبت البراهين=اني بري من النذل واتهامه
كلي امل ينسى الخطاء والزعل لين=تسلى القلوب وترتفع كل هامه
واحرق قلوب الحاسدين المغلين=اهل الفتن والنمنمه والنمامه
وارجع واقول اخطيت من خاطرا زين=والعذر امامي والا انا من امامه
وهذا اعتذاري لرجال المسمين=واذا اقبلواه يعد منهم شهامه[/poem]

[align=center]وسلامتكم[/align]

[align=center]________________________________________________[/align]


[align=center]وقد قام بالرد على هذه القصيده الشاعر / محمد بن هايش الرويلي

واليكم الرد[/align]

[poem=font="Simplified Arabic,7,black,normal,normal" bkcolor="transparent" bkimage="backgrounds/30.gif" border="none,4,gray" type=2 line=0 align=center use=ex num="0,black"]
يالله يامد مـر طغـاة الفراعيـن=ياناصر الأسـلام ليـوم القيامـه
تكفينا شر ابليس وانس الشياطيـن=أهل الوشايه والحسـد والنمامـه
طالبك تهدينا لشريعة هـل الديـن=نسلك طريقـاً معتـدل باستقامـه
داعيك تجمـع شملنـا يالله تعيـن=على طريـق الحـق بليـا ندامـه
يابن فهد عذرك على الراس والعين=ياشاعراً ماجا خطـا فـي كلامـه
يالنومسي مافيك شـك ٍ وتخميـن=ياحاملاً تاج الفخر مـع وسامـه
يالجعفري يانسل شيوخ وسلاطيـن=انتم اصحـابٍ للسمـو والفخامـه
ياتاج راسي يوم تشيب الغلاميـن=انتـم فزعنـا بالطـرد والقوامـه
يادم قلبـي ياعـروق الشراييـن=الدم صعب من العـروق أنقسامـه
تاريخكم معروف من أول لها الحين=صقور الجزيره ماخلطكـم رخامـه
ابطال من ابطال رجـالاً شجيعيـن=حكام مـن حكـام فيكـم علامـه
الشيخ ابن هذا ل والنعـم نعميـن=شيخ الشيوخ اللي يقود الجهامـه
منكم عقاب الخيل سطام المعاديـن=كم شيخ قوما ً يلجمه في لجامـه
واخوان نوره اكبر دليل البراهيـن=حكام نجد مـن الشمـال لتهامـه
واخوان مريم بالكويـت المياميـن=وابـن خليفـه حاكمـاً بالمنامـه
وببو ظبي زا يد حكمها على الدين=اعيال وايـل ماخذيـن الزعامـه
انتم بنـي عـم ٍ واقـرب قريبيـن=عنـاز تجمععنـا بعـز وشهامـه
الفرع يرجع للأصل لو بعـد حيـن=غصبٍ على أهل الحسد واللئامـه
حنا يدا ً وحـده ولانصبـح اثنيـن=نضرب على روس العدا كل هامـه
هذا كلامي وانتـم راس العناويـن=والمجد يامطلـق رقيتـوا سنامـه
واخر كلامي عد فـوح الرياحيـن=تحية ٍ من مخلص ٍ مـع سلامـه [/poem]


[align=center]وسلامتكم


مع اجمل تحية لكم


تركي النومسي[/align]

الله الله الله


والله مهما قلت في هالقصيدتين ما اوفيهن حقهن ولا اوفي اصحابهن

وانا كم اتمنى ينضم لنا الشاعرين بالاضافة لرفيق درب مطلق الشاعر خلف المشعان

يعطيك الف عافية اخ تركي

على فكرة انا سمعت قصيدة مطلق من قبل

بس اتمنى تعلمنا وش مناسبتها ووش سالفة زعل الرولة عليه

تقبل تحياتي


عالي

مشكور يااخ تركي النومسي على كتابة مثل هذه القصيدتين الرائعتين ونفتخر بشاعرنا الرائع مطلق النومسي

[align=center]عالي مستواه

الله يعافيك


واشكر مرورك الكريم


اما المناسبه فهي زلت لسان بسيطه ولكن القلوب البغيضه كبروها شوي


واحترامي لك


تركي النومسي[/align]

[align=center]النـداوي

العفو

وكل الشكر لك على هذا المرور


وتقبلي ودي واحترامي



تركي النومسي[/align]

[align=center]السلام عليكم ورحمة الله وبركاته

اشكر لك هذه النقله الطيبه ياتركي

و

صح لسان شاعرنا / مطلق النومسي

وصح لسان الشاعر / محمد الرويلي

ويسعدني في هذه اللحضه ان اوجه رساله للشعالين موازيه لرسالة الشاعر مطلق النومسي


وبسم الله نبدأ[/align]


[poem=font="Simplified Arabic,7,black,bold,normal" bkcolor="transparent" bkimage="backgrounds/30.gif" border="none,4,gray" type=2 line=0 align=center use=ex num="0,black"]
حي القصيد وحي عذر الكريمين=حيه وحي اهله وحي اغتنامه
حيه وحي الله جميع الشعالين=تحيةٍ نزفها بأبتسامه
تحية تشرح صدور المحبين=نزفها لاهل الوفا والشهامه
تحية نوفي بها كامل الدين=من راس راسٍ واثق من كلامه
ماضي يكررها على العسر واللين=باجمل تحياته وفايق سلامه
للي عزل ماه المصفاّ عن الطين=والقى الشوايب فوق راس الخمامه
ماقال لابكره ولاقال بعدين=ساق السواني لين حثت حيامه
داوا الكبود وقال لاهل الحسد وين=تباً لكم محدٍ يحقق مرامه
تباٍ لكم يامغيرين العناوين=يااهل العلوم الخايبه واللئامه
بيّن ووضّح لين راح ابو وجهين=وجهه يدور له بوسط القمامه
ياصاحب الحبلين مافيه حبلين=مطلق فهد هذا خواله عمامه
هذا سلايل عايد العود ياسين=حصنٍ حصينٍ مايهون اقتحامه
من نومس بن محمد شعيل بالعين=من نومس بن دليم مصدر وسامه
من صقر بن علي السليمان يامين=بعبيد طبعاً كان قصدك غشامه
من بشر بن عناز حبس المضاعين=فرز الوغا لاصاح راع الجهامه
جده من العشره صقور الثمانين=يوم ان جو الطعس ثوّر كتامه
علم مثبت كان منتم بدارين=على النقا المعروف حب وكرامه
كلام راكب سجلته الدواوين=يوم ان بعض الناس مدري علامه
يبغا يتجاهل والعواريف حيين=عدوا وضلم وضعف دين وسقامه
ياربعنا بالكبد مثل السكاكين=من زلّت اللي مايقدر مقامه
واللي يريد الحق له مستعدين=نعطيه حقه ماننقص تمامه
حق علينا لين تاف الموازين=اما لنا واللا علينا الغرامه
حنا رجاجيلٍ نعرف القوانين=نمشي على درب الرسول ونظامه
الحق حنا له وللعق صاحين=من رادنا بالعق حنا كعامه
نعطيه من صافي سموم الثعابين=سم الافاعي عندنا هو طعامه
طبع لنا تشهد عليه الملايين=ماعندنا للضد غير الصرامه
ياللي تبي معنا مثل حرب تشرين=مادس راسه طير غير النعامه
جعافره ربعي بكل الميادين=الفوز عادتهم ليوم القيامه
اقولها واحطها بين قوسين=والمحترم يفرض علينا احترامه
ياموفدي قم هاك مني خطابين=للشيخ بن شعلان رمز الفخامه
رمز الوفا والطيب نسل السلاطين=اللي سنام المجد لاشك رامه
رامه وحدد موقعه بوسطه زين=جدٍ على جدٍ تورّث سنامه
تحت الشجاعه والكرم حط خطين=اما الزعامه هو محل الزعامه
من روس شيخانٍ بوايل مسمين=تاريخهم بين العرب له علامه
رمز الفخر تاريخهم للممارين=شرق وجنوب الدار طبعاٍ وشامه
ياشيخ وش رايك بكيد المعادين=كلٍ مع الشيطان وجّه سهامه
يبغون يذكون الفتن هالملاعين=كلٍ بخشمه قام يفرك عرامه
والسالفه ياشيخ ماتعتبر شين=حتى يدان المتهم بأتهامه
والمتهم سالم من المقصد الشين=مضمون من راسه ليا اخمص بهامه
عندي على هذا شهود وبراهين=واكبر دليل الاعتذار بكلامه
هيا انكتم يامسعّر الحرب هالحين=يامضخّم الزله بذيك الضخامه
هذا وصلى الله على داعي الدين=صلى عليه الله وكثّف سلامه[/poem]
[align=center]
وسلامتكم

الشاعر / ماضي بن صبر النومسي العنزي

مع التحيه[/align]

الصقار مشكور على هذا التجاوب


والروله بلا شك انهم يتفهمون الألتباس الذي حصل من مطلق النومسي

اما الذين حاولوا الأستفاده من سوء الفهم فنسأل الله لهم الهدايه

وببو ظبي زا يد حكمها على الدين
اعيال وايـل ماخذيـن الزعامـه

والله يالربع مافهمت هالبيت

مشكور أخي تركي .......
............واٍن كان الشاعرين قطعوا بعض من المديح .... (....... .)

[align=center]الصقـــار

بيض الله وجهك

وصح لسانك

ولاهنت

واشكر مجاراتك الجميله



وتقبل ودي واحترامي


تركي النومسي[/align]