أبيك و ما أبي غيرك

أبيك و ما أبي غيرك على صدري تعال ونــام
أبيك ويشهد البـــاري ملكت أرض الغلا فيني



أغيب أيام وارجع لك بشوقٍ يحتريك أعــوام
بعيد لكن بروحي سكنت وضمتــك عينــي



ثلاث أيام من عمري كتب موته بعد ما قـام
ودمع العين يا ويلي يدق البــاب ويلفينـي



أنا من رحت حلت بي هموم ٍعشتها واسقــام
ملت روحي يا روح الروح..حضنت الموت بيديني



ملامح لهفتك تضوي سماي وقلبي لاأبد مـــا رام
يا كود تمره بليله وتشعل بــاقي سنينـي



تزاحم في الحشا نبضي وتسكن في المنام أحلام
تمنت تلتقيك اليوم ومدري كــان يمدينـي



أنا لا قلت فمان الله أحس بخافقي سهــــام
تزيد طعونها وتغرس ألم واحــــــزان تكوينـي



تقول اليوم تعال لي دخيلك عجل باقــدام
خطت فوق الثرى تنوي بعـــــادي بس يكفيني




دخيل الضمة واللمة (فديتك)(عمري) وانت الهام
يحرك خافي أشواقي وبعد المــوت يحييني



طلبتك لا تغفي عينك على ليلٍ حلف ما ينــام
تراني يمك وحــولك أسقي بــــك شـراييني



تصدق كل كلماتك حلا منثور وريح خــــزام
تعطر خافقي ومعهـــــا أضيعهــا عنــــاويني



أحبك والغلا يشهد وحرف يشتعل واقـــلام
تخط بحبرها أعــــذب قصيــــدة في دواوينــي