09-07-2009, 08:43 PM
|
#1 |
 تاريخ التسجيل: Apr 2009
المشاركات: 106
معدل تقييم المستوى: 185  |
™¨¨° ابله منيره ياعيوني° ¨¨™
أبلة منيرة ياعيوني .. يا للي لابسه الليموني عزيزي الشاب : إذا كنت تحوس تدور بيت لأهلك أو تبحث مع عروسك عن مقر للعشة الزوجيه أو حتى كرشوك أهلك من البيت ووصلت لحاله مزريه من التلحيط وناوي تسترجل وتسكن لحالك ف إنتبه نعم أنتبه ومرة ثالثه أنتبه تسكن جنب ابتدائية بنات!!!! مهما كانت الظروف و المغريات ومهما كان اجار الفيلا او الشقة رخيص حتى لو قالوا لك اسكن جنب بليس وافق ههههههههههههه بس بلاش ابتدائيه بنات اسمع كلامي أنا زي أخوك واعرف مصلحتك و الكلام ذا ما جا عبث بل بعد معاناة 3ستوات وتدور أحداث القصه قبل بضع سنوات وبضع ايام وبضع ليالي يوم اني اضطريت اني ادور سكن في انحاء الرياض و أذا بتلك الشقه المثيره للسعبله والشفقة <<<<<< ياعمري يالاسلوب قلت بس جاك الموت يا تارك الصلاة ( عندي مشكله في الأستشهاد) هذي هي فتاة احلامي اللي مرت فوق الحصان الأسود وصفقتني بالعجراء فدخت من حبها ولكن الحلو مايكمل واااااا حسرتاه ، الشقه طلعت عوايل ، لكن هيهات عشرين سنه دشره مع صديقي ابوصعفق على الفاضي ، اكيد لازم يفيدني في هالموضوع وفعلا ، رح ت لصديقي (تركي بن صعفق طيب الله ثراه ) وقلت له تكفى يا ابو صعفق طالبك ، قالي ما عليك كلها بطاقة عايله مزوره وينتهي الموضوع ، قلت بس تزوير، انا مستعد اذبح نص الرياض بس اخذ الشقه و صدقوا او لا تصدقوا مشت الفكره و دخلت الشقه وانا مزهو بنشوة الأقحوان والعنادل ترقص في فضاء الشفق وهي تغني سكري يا ورده فتحي يا ورده و انا مبسوط قاعد اغني لين ما اشرق الفجر و بعد سبع دقايق من وضع راسي على المخده ، كنت على موعد مع الكارثه المأساويه قمت مفزوع ، وشذا يا عيال زلزال ركزت شوي و اذا والله الدعوه طلعت النشيد الوطني بصوت بزران ابتدائية البنات اللي جنبي لا حوووووول بنبتل كذا ، قلت يا ولد خلك انت الكبير و اصبر لين يقضي الطابور وكل بزر يذلف على فصله لكن هذا كله تسخين هههههههههههههه لان الوناسه بدت يوم دخلوا البزران الفصل المقابل لغرفتي يا ربي وش سويت بدنياي تصدقون انا لي عشرين سنه وانا ادرس ما حفظت سارعي الا يوم سكنت بالشقه و ياليتها جت على سارعي ، حفظت كرتي كرتي ما أحلاها ، و هري يلعب فوق السطحي بس ما انجن وتفلت أعصابي ألا اذا دخلت أبله منيره فصل ثاني ابتدائي ( اللي هو الفصل اللي جنب غرفتي ) لأن ابله منيره تعشق الزعاق عشق جنوني و هذا يعطي البنات دفعه معنويه فيصيرون يزاعقون اشنع من أي وقت مضى هذا بالأضافه لأن ابله منيره تخلي البنت تعيد النشيد من أول اذا اخطت ( طيب اخترعوا البراشيم ليه مو عشان المواقف المحرجه اللي زي هذي بس عاد وش تقول الجيل الجديد مضروب ) بعد السنه الأولى تأزم الوضع لأن اول كانت ابله منيره تسيير على الفصل في اليوم حصه و لا اثنين الحين الأبله صارت المشرفه على الفصل و مبلطه كل الوقت وداقة لها خيمة بوسط الفصل في السنه الثانيه صار عندي تبلد حسي خصوصا بعد ما بديت استخدم سدادات الأذن بالأضافه لشعور غبي هو اني حسيت اني عايد ثاني ابتدائي ( طيب على الأقل غيروا و حطو جنبي ثالث) لكن في السنه الثالثه بديت اخش جو صراحه ( الشكوى لله ) وصار عادي انك تشوفني ماشي في الشارع وانا اغني في مدرستي دار الحب ..... العب اجري انا وصحبي لا وتدرون متى اكيف الى منه دخلت ابله منيره الفصل وقالت السلام عليكم عاد ارد انا مع البزارين ونقول وعليكم السلام ورحمة الله وبركاته<== بصوت عالي متحمسين ههههههههه كيف حالكم يا اطفال بخير مادمنا شفنا خشتكي الين جا ذاك اليوم الأغبر ( مثل باقي الأيام اللي راحت ) وكنت ابحتفل بمناسبه حلوه وراجع الشقه بدري و انا مبسوط دخلت الشقه واناظر الساعه وتطلع عشر قلت كويس البنات الحين عندهم تربيه فنيه ونازلين تحت ( حافظ الجدول حقهم المسيكين ) و الله و اشغل المسجل وافتح الدريشه لان الجو كان حلو و دخلت اتروش و اتزبط المهم بعد فتره سمعت جرس الباب ، استغربت منذا اللي جاي هالحزه ، فتحت الباب وانا لابس الفوطه واخرخر مويه و اذا والله فراش المدرسه و معه ورقه ومدها لي اناظر الورقه وطلع محتواها : أخي الفاضل الرجاء التكرم بخفض الصوت مراعاة للطالبات في المدرسه اللي جنبك يا لوح وشكرا التوقيع الأساتذه الفاضله عاشقة المزاعق منيره |
|
|
|
09-08-2009, 12:12 AM
|
#2 |
  
تاريخ التسجيل: Apr 2007
الدولة: المغرب
العمر: 40
المشاركات: 6,256
معدل تقييم المستوى: 333 |
رد: ™¨¨° ابله منيره ياعيوني° ¨¨™
أبلة منيرة ياعيوني .. يا للي لابسه الليموني
عندنا مثل هالنشيدة بس الاسم بديعة مو منيرة ههههه الله يعين اللي يسكن جنب المدارس سواء الابتدائي او الاعدادي او الثانوي . اسأل مجرب هههه شكرا لك اخي عقاب على القصة الطريفة تحياتي
__________________
  |
|
|
|
|
09-08-2009, 05:13 AM
|
#3 |
   
تاريخ التسجيل: Sep 2007
المشاركات: 3,362
معدل تقييم المستوى: 270 |
رد: ™¨¨° ابله منيره ياعيوني° ¨¨™
[align=center]
 [/align][align=center]امحك000000سكنه[/align]
__________________
|
|
|
|
|
09-08-2009, 05:39 PM
|
#4 |
   
تاريخ التسجيل: Jul 2009
المشاركات: 805
معدل تقييم المستوى: 197 |
رد: ™¨¨° ابله منيره ياعيوني° ¨¨™
[align=center]الله يعطيك العافيه عقاب الويلان
قصه حزينه بطلها خبل [/align] |
|
|
|
|
09-08-2009, 06:19 PM
|
#5 |
  تاريخ التسجيل: Dec 2008
المشاركات: 4,624
معدل تقييم المستوى: 30 |
رد: ™¨¨° ابله منيره ياعيوني° ¨¨™
[align=center]مشكور اخوي عقاب الويلان
موضوع جميل وطريف الله يعطيك العافية لك شكري وتقديري[/align]
__________________
 |
|
|
|
|
09-14-2009, 06:25 AM
|
#6 |
تاريخ التسجيل: Apr 2009
المشاركات: 5,065
معدل تقييم المستوى: 284 |
رد: ™¨¨° ابله منيره ياعيوني° ¨¨™
[align=center]هههههههههههه
هههههههههههه والله ضحكتني بجد الجزئيه الاولى من الموضوع ياربية ذكرتني ايام الروضة ابلاء منيرة ياعيوني يالي لابسة الليموني كانت تدرسنا الابلاء وتخلينا نشدها وربي اياااااااااااااااااااااااااااااااااااام كنا برائة[/align]
__________________
محمد التويجري |
|
|
|
|
09-14-2009, 08:39 AM
|
#7 |
  
تاريخ التسجيل: Jul 2009
الدولة: K.S.A.
العمر: 37
المشاركات: 1,940
معدل تقييم المستوى: 219 |
رد: ™¨¨° ابله منيره ياعيوني° ¨¨™
 
|
|
|
|
|
09-15-2009, 04:06 AM
|
#8 |
   
تاريخ التسجيل: Apr 2006
الدولة: دار أبــــــو مـتعــب
المشاركات: 23,436
معدل تقييم المستوى: 689 |
رد: ™¨¨° ابله منيره ياعيوني° ¨¨™
[align=center]التوقيع
الأساتذه الفاضله عاشقة المزاعق منيره هههههههههههههه الله يسعدك اخوي عقاب [/align]
__________________
  |
|
|
|
|
09-15-2009, 04:19 AM
|
#9 |
 
تاريخ التسجيل: Jul 2008
المشاركات: 7,960
معدل تقييم المستوى: 352 |
رد: ™¨¨° ابله منيره ياعيوني° ¨¨™
[align=center]ههههههههههههههههههههههههههههههههههه
ههههههههههههههههههههههههههه وربي انك ذكرتني كنت انشدها والله بالمدرسه ايام الابتدائي هههههههههه يالبيه والله حتى اذكر اسم مدرستي ماجده << فضحت المدرسه اخوي عقاب تقبل مني آرق التحايا[/align]
__________________
 اللهم يا رحمن ارحم والدي اغفرله وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس • اللهم ابدله دارا خيرا من داره واهلا خيرا من اهله وادخله الجنه واعذه من عذاب القبر وعذاب النار •• اللهم انسه فى وحدته وانسه فى وحشته وانسه فى غربته • اللهم اجعل قبره روضة من رياض الجنه ولا تجعله حفره من حفر النار • اللهم اعذه من عذاب القبر وجاف الارض عن جنبيه |
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 09:28 PM.